Kerala Weather Alert: കേരളത്തിൽ വേനൽമഴ സജീവം; ഇടിമിന്നൽ ജാഗ്രതയും ഉയർന്ന താപനില മുന്നറിയിപ്പും

Rain Update

തിരുവനന്തപുരം: കേരളത്തിൽ ഇന്നും ഏപ്രിൽ 22 വരെയും ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ ശക്തമായ വേനൽമഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. നാളെ സംസ്ഥാനത്തെ എല്ലാ ജില്ലകളിലും ഒറ്റപ്പെട്ട രീതിയിൽ നേരിയ മഴ ലഭിക്കാൻ സാധ്യതയുണ്ടെങ്കിലും മഴയുടെ വ്യാപ്തി കുറവായിരിക്കുമെന്നാണ് പ്രവചനം.

നിലവിൽ വയനാട്, എറണാകുളം, കോട്ടയം, ഇടുക്കി, പത്തനംതിട്ട, കണ്ണൂർ, കോഴിക്കോട് ജില്ലകളുടെ വിവിധ ഭാഗങ്ങളിൽ മഴ ആരംഭിച്ചു കഴിഞ്ഞു. കഴിഞ്ഞ ദിവസം എറണാകുളത്തിന്റെ കിഴക്കൻ മേഖലകളിൽ വീശിയടിച്ച ശക്തമായ കാറ്റിൽ മരങ്ങൾ കടപുഴകുകയും വ്യാപകമായ കൃഷിനാശവും വൈദ്യുതി തടസ്സവും സംഭവിക്കുകയും ചെയ്തിരുന്നു.

Also Read: Kerala Weather Update: കുടയെടുത്തോണേ, വേനൽമഴ തകർക്കും; ഇന്ന് എവിടെയെല്ലാം?

ജാഗ്രതാ നിർദ്ദേശങ്ങൾ

• കാർമേഘം കണ്ടുതുടങ്ങുമ്പോൾ തന്നെ തുറസ്സായ സ്ഥലങ്ങളിൽ നിൽക്കുന്നത് ഒഴിവാക്കുക.
• മരങ്ങൾ ചുവട്ടിൽ അഭയം തേടരുത്.
• ഇലക്ട്രോണിക് ഉപകരണങ്ങളുടെ ഉപയോഗം പരിമിതപ്പെടുത്തുക.
• ഉഷ്ണതരംഗത്തിന് സമാനമായ ചൂട്

മഴ മുന്നറിയിപ്പിനിടയിലും സംസ്ഥാനത്ത് ചൂട് റെക്കോർഡ് നിലവാരത്തിലേക്ക് ഉയരുകയാണ്. വിവിധ ജില്ലകളിലെ പ്രതീക്ഷിക്കുന്ന ഉയർന്ന താപനില താഴെ പറയുന്നവയാണ്

• പാലക്കാട്: 40°C
• കൊല്ലം: 39°C
• കോട്ടയം: 38°C
• തിരുവനന്തപുരം ഒഴികെയുള്ള മറ്റ് ജില്ലകൾ : 37°C

ഉയർന്ന താപനിലയും വായുവിലെ ഈർപ്പവും കാരണം അസ്വസ്ഥത വർധിക്കാൻ സാധ്യതയുണ്ട്. നിർജ്ജലീകരണം ഒഴിവാക്കാൻ ധാരാളം വെള്ളം കുടിക്കണമെന്നും നേരിട്ട് വെയിലേൽക്കുന്നത് ഒഴിവാക്കണമെന്നും ആരോഗ്യവകുപ്പ് നിർദ്ദേശിച്ചു. കാലാവസ്ഥയിലെ ദ്രുതഗതിയിലുള്ള മാറ്റങ്ങൾ നിരീക്ഷിക്കാൻ ഔദ്യോഗിക അറിയിപ്പുകൾ പിന്തുടരുക.