Kerala Weather Update: ആശ്വസിച്ചോളൂ, വേനൽമഴ വരുന്നുണ്ട്, 12 ജില്ലകളിൽ താപനില മുന്നറിയിപ്പ്

പ്രതീകാത്മക ചിത്രം

തിരുവനന്തപുരം: സംസ്ഥാനത്ത് വേനൽമഴ എത്തുന്നു. ഏപ്രിൽ 19 മുതൽ 23 വരെ വിവിധ ജില്ലകളിൽ നേരിയ മഴയ്ക്ക് സാധ്യതയെന്ന് കാലാവസ്ഥ വകുപ്പ് അറിയിച്ചു. ​ഗ്രീൻ അലർട്ട് പ്രഖ്യാപിച്ചു. കേരള – കർണാടക – ലക്ഷദ്വീപ് തീരങ്ങളിൽ ഇന്ന് മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

അതേസമയം, ചൂടുകുറയാൻ പര്യാപ്തമായ മഴ ലഭിക്കാൻ ഇടയില്ലെന്നാണ് വിലയിരുത്തൽ. ശക്തമായ മഴ ലഭിക്കണമെങ്കിൽ മെയ് ആദ്യവാരം വരെ കാത്തിരിക്കേണ്ടി വന്നേക്കും. മഴക്കാലത്തും ഉഷ്ണതരം​ഗങ്ങൾ രൂപമെടുക്കുന്നുണ്ട്. നല്ല രീതിയില്‍ വേനല്‍മഴ കിട്ടിയായലും മഴതോരും മുന്‍പേ അസഹ്യമായ ചൂട് അനുഭവപ്പെടുമെന്ന് കാലാവസ്ഥ വിദ​ഗ്ധർ പറയുന്നു.

മഴ മുന്നറിയിപ്പ്

ഏപ്രിൽ 19 – ​ഗ്രീൻ അലർട്ട് – തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, കോഴിക്കോട്, വയനാട്

ഏപ്രിൽ 20 – ​14 ജില്ലകളിലും ഗ്രീൻ അലർട്ട്

ഏപ്രിൽ 21 – 14 ജില്ലകളിലും ഗ്രീൻ അലർട്ട്

ഏപ്രിൽ 22 – തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി

ഏപ്രിൽ 23 – തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി

ALSO READ: ചൂട് അസഹനീയം! സംസ്ഥാനത്തെ 11 ജില്ലകളിൽ യെല്ലോ അലർട്ട്; ജാ​ഗ്രത

അതേസമയം, 12 ജില്ലകളിൽ താപനില മുന്നറിയിപ്പ് നൽകിയിട്ടുണ്ട്. ചൂട് ഇനിയും ഉയരാൻ സാധ്യതയുള്ളതിനാൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഏപ്രിൽ 20 വരെ ഉയർന്ന താപനില പാലക്കാട് ജില്ലയിൽ 40°C വരെയും കൊല്ലം ജില്ലയിൽ 39 °C വരെയും കോട്ടയം ജില്ലയിൽ 38 °C വരെയും ആലപ്പുഴ, പത്തനംതിട്ട, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർ​ഗോഡ് ജില്ലകളിൽ 37°C വരെയും തിരുവനന്തപുരം ജില്ലയിൽ 36°C വരെയും ഉയരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിച്ചു.

സാധാരണയെക്കാൾ 3 to 4˚C വരെ താപനില കൂടിയേക്കും. ഉയർന്ന താപനിലയും ഈർപ്പമുള്ള വായുവും കാരണം ഈ ജില്ലകളിൽ, മലയോര മേഖലകളിലൊഴികെ, ഇന്നും നാളെയും ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.