Palod Ravi: ജനഗണ മംഗള രവി ഞങ്ങളെ പിടലിക്ക് വേണ്ട, കടൽ കിളവൻമാരൊക്കെ വീട്ടിലിരിക്കട്ടെ! പാലോട് രവിക്കെതിരെ പ്രതിഷേധം
Palod Ravi Troll: കോൺഗ്രസിന് ഒരു എംഎൽഎ വേണമെന്ന് തങ്ങൾ ആത്മാർത്ഥമായി ആഗ്രഹിക്കുന്നുവെന്നും പോസ്റ്ററുകളിലൂടെ വിശദീകരിക്കുന്നു.സേവ് കോൺഗ്രസ് വാമനപുരം എന്ന ടാഗോടു കൂടിയാണ് പോസ്റ്ററുകൾ പ്രത്യക്ഷപ്പെട്ടത്...
കോൺഗ്രസ് നേതാവ് പാലോട് രവിക്കെതിരെ തിരുവനന്തപുരം വാമനപുരത്ത് പ്രതിഷേധ പോസ്റ്ററുകൾ ഉയർന്നു. അദ്ദേഹത്തിന്റെ സ്ഥാനാർത്ഥിത്വവുമായി ബന്ധപ്പെട്ട സൂചനകൾക്കെതിരെയാണ് പോസ്റ്റർ. ജനഗണമംഗള രവി തങ്ങൾക്ക് വേണ്ട എന്നാണ് പോസ്റ്ററിലെ പ്രധാന വാചകം. കടൽ കിളവൻമാരൊക്കെ വീട്ടിലിരിക്കട്ടെ. യുവത്വം നയിച്ചാൽ വിജയം ഉറപ്പാണ്. പണത്തിനും ഭീഷണി മുമ്പിൽ നേതൃത്വം മുട്ടുമടക്കരുത് എന്നും വാചകങ്ങൾ. ഇക്കൊല്ലം കോൺഗ്രസിന് ഒരു എംഎൽഎ വേണമെന്ന് തങ്ങൾ ആത്മാർത്ഥമായി ആഗ്രഹിക്കുന്നുവെന്നും പോസ്റ്ററുകളിലൂടെ വിശദീകരിക്കുന്നു.
സേവ് കോൺഗ്രസ് വാമനപുരം എന്ന ടാഗോടു കൂടിയാണ് പോസ്റ്ററുകൾ പ്രത്യക്ഷപ്പെട്ടത്. അതേസമയം പാലോട് രവിയെ കൂടാതെ ഡിസിസി വൈസ് പ്രസിഡന്റ് ആയ സുധീർഷ പാലൊളിനെയും വാമനപുരത്ത് കോൺഗ്രസിന്റെ പരിഗണന പട്ടികയിൽ ഉണ്ട്. ഇടതു തട്ടകമായ വാമനപുരം ബ്ലോക്ക് 7000 വോട്ടിന്റെ ഭൂരിപക്ഷത്തിലാണ് ഇത്തവണ സുധീർഷ ജില്ലാ പഞ്ചായത്തിലേക്ക് വിജയിച്ചത്.
കോൺഗ്രസിന്റെ ഒരു ചടങ്ങിൽ വച്ച് പാലോട് രവി ദേശീയഗാനം ചൊല്ലിയത് വലിയ വിവാദങ്ങൾക്കും ട്രോളുകൾക്കും കാരണമായിരുന്നു. ദേശീയഗാനത്തെ ബഹുമാനിച്ച് എല്ലാവരും അറ്റൻഷനിൽ നിന്ന് അത് പാടുന്നതിന് പകരം അദ്ദേഹം കൈകൊട്ടി കൊണ്ട് വാക്കുകൾ തെറ്റിച്ചു കൊണ്ടായിരുന്നു പാടിയത്. അന്ന് ഈ വീഡിയോ കോൺഗ്രസിന് തന്നെ വലിയ ഒരു വിവാദമായി മാറിയിരുന്നു. ഇപ്പോൾ ആ വരികൾ തന്നെയാണ് പാലോട് രവിയെ മണ്ഡലത്തിൽ തിരിച്ചുകൊത്തുന്നത്.
