Kerala Rain Alert: ബംഗാള് ഉള്ക്കടലില് ന്യൂനമര്ദം; കേരളത്തില് വീണ്ടും മഴ മുന്നറിയിപ്പ്
Bay of Bengal Low Pressure: കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. 30 കിലോമീറ്റര് വേഗത്തില് കാറ്റിനും സാധ്യതയുണ്ട്.
മഴ മുന്നറിയിപ്പ്
തിരുവനന്തപുരം: കേരളത്തില് വീണ്ടും മഴ ശക്തമാകുന്നു. ബംഗാള് ഉള്ക്കടലില് പുതിയ ന്യൂനമര്ദം രൂപപ്പെടാന് സാധ്യതയുള്ളതിനാല് സംസ്ഥാനത്ത് മഴ ശക്തമാകും. വിവിധ ജില്ലകള്ക്ക് മുന്നറിയിപ്പ് പുറപ്പെടുവിച്ചു. ശക്തമായ മഴയ്ക്കുള്ള സാധ്യതയാണ് കേന്ദ്ര കാലാവസ്ഥ വകുപ്പ് പ്രവചിച്ചത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴയുണ്ടാകുന്ന സാഹചര്യത്തെയാണ് ശക്തമായ മഴ എന്നതുകൊണ്ട് വകുപ്പ് അര്ത്ഥമാക്കുന്നത്.
യെല്ലോ അലര്ട്ട്
ന്യൂനമര്ദത്തിന്റെ അടിസ്ഥാനത്തില് ഇന്ന് ഒരു ജില്ലയിലും മുന്നറിയിപ്പില്ല. എന്നാല് ഓഗസ്റ്റ് 26 ചൊവ്വാഴ്ച ആറ് ജില്ലകളില് യെല്ലോ അലര്ട്ട് പ്രഖ്യാപിച്ചു. തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ് എന്നീ ജില്ലകളിലാണ് യെല്ലോ അലര്ട്ട് എന്നാണ് വിവരം.
കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. 30 കിലോമീറ്റര് വേഗത്തില് കാറ്റിനും സാധ്യതയുണ്ട്.
അതേസമയം, ഇന്ന് മുതല് തിങ്കള് വരെ മധ്യ പടിഞ്ഞാറന് അറബിക്കടല്, തെക്കുപടിഞ്ഞാറന് അറബിക്കടല്, മധ്യ കിഴക്കന് അറബിക്കടല് എന്നിവിടങ്ങളില് 45 മുതല് 55 കിലോമീറ്റര് വരെയോ 656 കിലോമീറ്റര് വരെയോ കാറ്റിന് സാധ്യതയുണ്ട്.
ഓഗസ്റ്റ് 25 വരെ കന്യാകുമാരിയില് 40 മുതല് 50 കിലോമീറ്റര് വരെയോ 60 കിലോമീറ്റര് വരെയോ കാറ്റിനും മോശം കാലാവസ്ഥയ്ക്കും സാധ്യത.
ഇന്ന് മധ്യ പടിഞ്ഞാറന് ബംഗാള് ഉള്ക്കടല്, വടക്കന് മഹാരാഷ്ട്ര തീരം, വടക്കന് ഒഡീഷ തീരം, പശ്ചിമബംഗാള് തീരം, വടക്കന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെയും ചിലപ്പോള് 60 കിലോമീറ്റര് വരെയും കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും മത്സ്യത്തൊഴിലാളികള് ജാഗ്രത പാലിക്കണമെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കുന്നു.
