Sabarimala 2025: മല കയറുന്ന ഭക്തരുടെ ശ്രദ്ധയ്ക്ക്, മുങ്ങിക്കുളിക്കുന്നവർ മൂക്കിൽ വെള്ളം കയറാതെ നോക്കണം; നിർദ്ദേശങ്ങൾ

Sabarimala Mandala Kalam 2025: മലകയറുന്ന സമയത്ത് ഭക്തർക്ക് എന്തെങ്കിലും ബുദ്ധിമുട്ട് അനുഭവപ്പെടുന്നുണ്ടെങ്കിൽ തൊട്ടടുത്തുള്ള ആരോഗ്യ കേന്ദ്രത്തിൽ ചികിത്സ തേടുക. മലയാളം, ഇംഗ്ലീഷ്, ഹിന്ദി, തമിഴ്, തെലുങ്ക്, കന്നട തുടങ്ങി വിവിധ ഭാഷകളിൽ ഭക്തർക്കായി അവബോധവും ശക്തമാക്കിയിട്ടുണ്ട്.

Sabarimala Image Credit source: PTI

Neethu Vijayan | Published: 15 Nov 2025 15:06 PM

തിരുവനന്തപുരം: കാത്തിരുന്ന് കാത്തിരുന്ന് മറ്റൊരു വൃശ്ചിക മാസം കൂടി വന്നെത്തിയിരിക്കുകയാണ്. ശബരിമലയിലേക്കുള്ള തീർത്ഥാടനത്തിനുള്ള ഒരുക്കങ്ങൾ പുരോഗമിച്ചുകൊണ്ടിരിക്കുകയാണ്. ആരോഗ്യ വകുപ്പിലേയും മെഡിക്കൽ കോളേജുകളിലേയും ഡോക്ടർമാരെ കൂടാതെ വിദഗ്ധ സന്നദ്ധ ആരോഗ്യ പ്രവർത്തകരുടേയും സേവനം മണ്ഡലക്കാലത്തോട് അനുബന്ധിച്ച് സജ്ജമാക്കിയിട്ടുണ്ട്.

മലകയറുന്ന സമയത്ത് ഭക്തർക്ക് എന്തെങ്കിലും ബുദ്ധിമുട്ട് അനുഭവപ്പെടുന്നുണ്ടെങ്കിൽ തൊട്ടടുത്തുള്ള ആരോഗ്യ കേന്ദ്രത്തിൽ ചികിത്സ തേടുക. മലയാളം, ഇംഗ്ലീഷ്, ഹിന്ദി, തമിഴ്, തെലുങ്ക്, കന്നട തുടങ്ങി വിവിധ ഭാഷകളിൽ ഭക്തർക്കായി അവബോധവും ശക്തമാക്കിയിട്ടുണ്ട്. ശബരിമല തീർത്ഥാടനത്തോടനുബന്ധിച്ച് വിപുലമായ ആരോഗ്യ സേവനങ്ങളാണ് ഭക്തർക്കായി ഉറപ്പാക്കിയിട്ടുള്ളത്. പമ്പ മുതൽ സന്നിധാനം വരെയുള്ള പാതയിൽ ദേവസ്വം ബോർഡിന്റെ സഹകരണത്തോടെ എമർജൻസി മെഡിക്കൽ സെന്ററുകൾ ഒരുക്കിയിട്ടുണ്ട്.

കനിവ് 108 ആംബുലൻസ് സേവനങ്ങളും ലഭ്യമാണ്. സന്നിധാനത്ത് നിന്നും പമ്പയിലേക്ക് പ്രത്യേക ആംബുലൻസ് സേവനവും ഒരുക്കിയിട്ടുണ്ട്. ജില്ലയിലെ എല്ലാ ആശുപത്രികളിലും ഡിഫിബ്രിലേറ്റർ, വെന്റിലേറ്റർ, കാർഡിയാക് മോണിറ്റർ എന്നിവയുണ്ടാകും. പമ്പയിലും സന്നിധാനത്തും ഓപ്പറേഷൻ തീയറ്ററുകൾ പ്രവർത്തിക്കുന്നതാണ്.

ALSO READ:മണ്ഡലകാലത്ത് ചെയ്യേണ്ടതും ചെയ്യാൻ പാടില്ലാത്തതുമായ കാര്യങ്ങൾ