Train Service: നാഗർകോവിൽ-ഇരണിയൽ കമ്മീഷൻ: ട്രെയിൻ ഗതാഗതത്തിൽ ഇന്നും നാളെയും കടുത്ത നിയന്ത്രണം

ട്രെയിന്‍

തിരുവനന്തപുരം: നാഗർകോവിൽ-ഇരണിയൽ രണ്ടാം റെയിൽപാത കമ്മീഷൻ ചെയ്യുന്ന ജോലികൾ നടക്കുന്നതിനാൽ തിരുവനന്തപുരം ഡിവിഷനിൽ ട്രെയിൻ ഗതാഗത നിയന്ത്രണം തുടരുന്നു. നിരവധി പാസഞ്ചർ, എക്സ്പ്രസ് ട്രെയിനുകൾ പൂർണ്ണമായും ഭാഗികമായും റദ്ദാക്കി.

പൂർണ്ണമായി റദ്ദാക്കിയ ട്രെയിനുകൾ

• നാഗർകോവിൽ-തിരുവനന്തപുരം നോർത്ത് പാസഞ്ചർ
• പുനലൂർ-കന്യാകുമാരി പാസഞ്ചർ
• കൊല്ലം-കന്യാകുമാരി മെമു
• പുനലൂർ-മധുര എക്സ്പ്രസ്
• നാഗർകോവിൽ-കൊല്ലം പാസഞ്ചർ

ഭാഗികമായി റദ്ദാക്കിയവ / സർവീസ് ക്രമീകരിച്ചവ

• ഗുരുദേവ് എക്സ്പ്രസ് : ഇന്ന് നാഗർകോവിലിന് പകരം തിരുവനന്തപുരം സെൻട്രലിൽ നിന്ന് യാത്ര തുടങ്ങും.
• ജയന്തി എക്സ്പ്രസ് : ഇന്നും നാളെയും മറ്റന്നാളും തിരുവനന്തപുരം സെൻട്രലിൽ നിന്ന് സർവീസ് ആരംഭിക്കും.
• പരശുറാം എക്സ്പ്രസ് : മംഗളൂരുവിൽ നിന്നുള്ള ട്രെയിൻ തിരുവനന്തപുരത്ത് യാത്ര അവസാനിപ്പിക്കും. തിരികെ തിരുവനന്തപുരത്ത് നിന്ന് സർവീസ് തുടങ്ങും.
• ഏറനാട് എക്സ്പ്രസ് : ഇന്നും നാളെയും കൊല്ലം ജംക്‌ഷനിൽ സർവീസ് അവസാനിപ്പിക്കുകയും അവിടെ നിന്ന് തന്നെ മംഗളൂരുവിലേക്ക് തിരിക്കുകയും ചെയ്യും.
• തിരുച്ചിറപ്പള്ളി ഇന്റർസിറ്റി : നാളെ തിരുനെൽവേലിയിൽ യാത്ര അവസാനിപ്പിക്കുകയും അവിടെ നിന്ന് തന്നെ തിരികെ സർവീസ് നടത്തുകയും ചെയ്യും.

യാത്രക്കാർ റെയിൽവേയുടെ ഔദ്യോഗിക വെബ്സൈറ്റോ ഹെൽപ്പ് ഡെസ്കോ വഴി ട്രെയിനുകളുടെ സമയവിവരങ്ങൾ ഉറപ്പുവരുത്തണമെന്ന് അധികൃതർ അറിയിച്ചു.