Korean food trend Kerala: നൂഡിൽസും കിംച്ചിയും മാത്രമല്ല, ജെൻസി ഏറ്റെടുത്ത കൊറിയൻഫുഡ് വേറെയുമുണ്ട്, ട്രെൻഡിനു പിന്നിലെ കാരണമിതാ

Korean Food

കൊച്ചി: കേരളത്തിലെ കഫേകളിലും റെസ്റ്റോറന്റുകളിലും ഇപ്പോൾ ഒരു പുതിയ കാഴ്ചയാണ് – സ്പൈസി നൂഡിൽസും കറുത്ത സോസിൽ മുങ്ങിയ ചിക്കൻ വിങ്‌സും ചോപ്‌സ്റ്റിക്സ് ഉപയോഗിച്ച് ആസ്വദിച്ചു കഴിക്കുന്ന യുവാക്കൾ. മലയാളികൾക്ക് പണ്ട് ചൈനീസ് വിഭവങ്ങളോടായിരുന്നു പ്രിയമെങ്കിൽ ഇന്ന് കഥ മാറി. ജെൻ സി തലമുറയുടെ ഭക്ഷണ ശീലങ്ങൾ ഇപ്പോൾ ‘കെ-ഫുഡ്’ അഥവാ കൊറിയൻ ഭക്ഷണങ്ങൾക്ക് പിന്നാലെയാണ്.

കെ-പോപ്പും കെ-ഡ്രാമയും വരുത്തിയ മാറ്റം

എന്തുകൊണ്ടാണ് മലയാളികൾക്കിടയിൽ കൊറിയൻ ഭക്ഷണത്തിന് ഇത്രയും പ്രചാരം ലഭിച്ചത്? ഉത്തരം ലളിതമാണ് – കൊറിയൻ പോപ്പ് കൾച്ചർ. ബിടിഎസ് (BTS), ബ്ലാക്ക് പിങ്ക് തുടങ്ങിയ മ്യൂസിക് ബാൻഡുകളും ലോകമെമ്പാടും ഹിറ്റായ കെ-ഡ്രാമകളുമാണ് കൊറിയൻ ഭക്ഷണത്തെ കേരളത്തിലെ അടുക്കളകളിലേക്ക് എത്തിച്ചത്. തങ്ങളുടെ പ്രിയപ്പെട്ട താരങ്ങൾ സ്ക്രീനിൽ നൂഡിൽസും കിംച്ചിയും കഴിക്കുന്നത് കാണുമ്പോൾ അത് പരീക്ഷിക്കാനുള്ള ആഗ്രഹമാണ് ഈ ട്രെൻഡിന് തുടക്കമിട്ടത്.

റാംയൂൺ മുതൽ കിംച്ചി വരെ; പ്രിയ വിഭവങ്ങൾ

സാധാരണ നൂഡിൽസിനേക്കാൾ കട്ടികൂടിയതും എരിവുള്ളതുമായ ഈ ഇൻസ്റ്റന്റ് നൂഡിൽസാണ് യുവാക്കളുടെ പ്രധാന ഫേവറിറ്റ്. ‘സ്പൈസി നൂഡിൽസ് ചലഞ്ച്’ സോഷ്യൽ മീഡിയയിൽ വൈറലായതോടെ സൂപ്പർ മാർക്കറ്റുകളിൽ ഇതിന്റെ വില്പന കുതിച്ചുയർന്നു. കൊറിയൻ ഭക്ഷണത്തിന്റെ ആത്മാവായ കിംച്ചി, പുളിപ്പിച്ച കാബേജ് കൊണ്ട് തയ്യാറാക്കുന്ന സൈഡ് ഡിഷ് ആണ് ഇത്. പ്രോബയോട്ടിക്സ് ധാരാളം അടങ്ങിയ കിംച്ചി ആരോഗ്യത്തിനും ചർമ്മത്തിനും നല്ലതാണെന്ന തിരിച്ചറിവാണ് ഇതിനെ പോപ്പുലറാക്കിയത്.

Also read – നയൻതാരയുടെ കല്യാണത്തിലെ താരം, ചക്ക ബിരിയാണി ഇനി എളുപ്പത്തിൽ തയ്യാറാക്കാം

ടുക്ബോകി എന്ന ച്യൂയി ആയ റൈസ് കേക്കുകൾ എരിവുള്ള സോസിൽ വേവിച്ചെടുത്ത ഈ സ്ട്രീറ്റ് ഫുഡ് ഇപ്പോൾ കേരളത്തിലെ കഫേകളിലെ താരം. പച്ചക്കറികളും ഇറച്ചിയും മുട്ടയും റൈസും ചേർത്ത ഹെൽത്തി ആയ ഒരു കംപ്ലീറ്റ് മീൽ ആണ് മറ്റൊരു താരം. ബിബിംബാപ്പ്.

ആരോഗ്യവും രുചിയും ഒരുപോലെ

കൊറിയൻ ഭക്ഷണരീതിയിൽ എണ്ണയിൽ വറുത്ത പലഹാരങ്ങളേക്കാൾ സ്റ്റീം ചെയ്തതും പുളിപ്പിച്ചതുമായ വിഭവങ്ങൾക്കാണ് പ്രാധാന്യം. പച്ചക്കറികളുടെ ഉപയോഗം ചർമ്മത്തിന്റെ ആരോഗ്യത്തിന് ഗുണകരമാണെന്ന വിശ്വാസം ജങ്ക് ഫുഡിന് പകരമായി കൊറിയൻ ഡിഷുകൾ തിരഞ്ഞെടുക്കാൻ ഇന്നത്തെ തലമുറയെ പ്രേരിപ്പിക്കുന്നു. കൂടാതെ, മലയാളികളുടെ എരിവിനോടുള്ള ഇഷ്ടം കൊറിയൻ വിഭവങ്ങളിലെ മുളകിന്റെ ഉപയോഗവുമായി പൊരുത്തപ്പെടുന്നതും ഇതിന്റെ ജനപ്രീതി കൂട്ടി.

കൊച്ചി, തിരുവനന്തപുരം, കോഴിക്കോട് തുടങ്ങിയ നഗരങ്ങളിൽ കൊറിയൻ കഫേകളുടെ എണ്ണം വർദ്ധിക്കുന്നത് ഈ സാംസ്കാരിക മാറ്റത്തിന്റെ തെളിവാണ്. ഭക്ഷണം കഴിക്കുന്നത് വെറുമൊരു വിശപ്പടക്കലല്ല, മറിച്ച് അതൊരു ആഗോള അനുഭവം കൂടിയാണെന്ന് ജെൻ സി തലമുറ തെളിയിക്കുന്നു.