Heart attacks in India: ഇന്ത്യയിലെ 99 % ഹൃദയാഘാതങ്ങൾക്കും പിന്നിൽ ഈ നാല് കാരണങ്ങൾ… പ്രതിരോധവും മുന്നറിയിപ്പും

Heart Attack

ന്യൂഡൽഹി: ഇന്ത്യയിൽ ഹൃദയാഘാതമുണ്ടാവുന്നവരുടെ എണ്ണം കൂടിക്കൊണ്ടിരിക്കുകയാണ്. 2014-നും 2019-നും ഇടയിൽ ഹൃദയാഘാതം ഉണ്ടായവരുടെ എണ്ണത്തിൽ ഏകദേശം 50% വർധനവുണ്ടായതായി കണക്കുകൾ സൂചിപ്പിക്കുന്നു. തെറ്റായ ജീവിതശൈലി, അനാരോഗ്യകരമായ ഭക്ഷണം, വ്യായാമക്കുറവ്, കൂടാതെ പ്രമേഹം, അമിതവണ്ണം എന്നിവയാണ് ഇതിന്റെ പ്രധാന കാരണങ്ങൾ എന്നാണ് വിദ​ഗ്ധർ പറയുന്നത്.

ഹൃദയാഘാതം എന്തുകൊണ്ട്?

ഹൃദയത്തിലേക്ക് രക്തം എത്തിക്കുന്ന ധമനികളിൽ രക്തം കട്ടപിടിക്കുമ്പോൾ പേശികളിലേക്കുള്ള രക്തയോട്ടം തടസ്സപ്പെടുന്നതാണ് ഹൃദയാഘാതത്തിന് കാരണം. ഇത് ഹൃദയകോശങ്ങൾക്ക് കേടുപാടുകൾ വരുത്തുന്നു. നമുക്കറിയാത്ത ചില അപകട ഘടകങ്ങളാണ് മിക്ക ഹൃദയാഘാതങ്ങൾക്കും കാരണമാകുന്നത്. പ്രധാനപ്പെട്ട നാല് അപകടഘടകങ്ങൽ ഇവയാണ്:

1. ഉയർന്ന രക്തസമ്മർദ്ദം: രക്തധമനികളെ ഇത് ദുർബലമാക്കുന്നു.
2. ഉയർന്ന കൊളസ്ട്രോൾ: കൊഴുപ്പ് അടിഞ്ഞ് രക്തയോട്ടം കുറയ്ക്കുന്നു.
3. പ്രമേഹം : രക്തക്കുഴലുകൾക്ക് കേടുപാടുകൾ വരുത്തുന്നു.
4. പുകവലി: ഹൃദയത്തെയും രക്തക്കുഴലുകളെയും ദോഷകരമായി ബാധിക്കുന്നു.

Also read – ഇനി തലേന്ന് അരച്ചു വെക്കേണ്ട, ഇഡലിമാവ് ഒരു മണിക്കൂറിൽ പുളിക്കാനും വഴികളേറെ

ഈ പ്രശ്നങ്ങൾ പലപ്പോഴും ലക്ഷണങ്ങൾ കാണിക്കാത്തതിനാൽ തിരിച്ചറിയാതെ പോകുന്നവയാണ്. കൃത്യമായ ആരോഗ്യ പരിശോധനകൾ നടത്താതെ കൂടി വരുമ്പോൾ ആരോ​ഗ്യം മോശമായി ഹൃദയം പണിമുടക്കുമ്പോഴേ കാര്യമറിയൂ.

ഈ ലക്ഷണങ്ങൾ ശ്രദ്ധിക്കുക

• നെഞ്ചിൽ തുടർച്ചയായ വേദനയോ ഭാരമോ അനുഭവപ്പെടുക.
• വേദന കൈകൾ, കഴുത്ത്, താടി, പുറം എന്നിവിടങ്ങളിലേക്ക് വ്യാപിക്കുക.
• ശ്വാസംമുട്ടൽ അല്ലെങ്കിൽ ശ്വാസമെടുക്കാൻ ബുദ്ധിമുട്ട്.
• ഛർദ്ദി, അമിതമായ വിയർപ്പ്, ക്ഷീണം. എന്നീ ലക്ഷണങ്ങൾ കണ്ടാൽ ഉടൻതന്നെ ഡോക്ടറുടെ അടുത്തെത്തണം.

പ്രതിരോധിക്കാം, ആരോ​ഗ്യം സംരക്ഷിക്കാം

• ജീവിതശൈലിയിലെ മാറ്റങ്ങൾ ഹൃദയാഘാതം തടയാൻ സഹായിക്കും:
• പഴങ്ങളും പച്ചക്കറികളും ധാന്യങ്ങളും കൂടുതൽ കഴിക്കുക. ഉപ്പും കൊഴുപ്പും കുറയ്ക്കുക.
• ദിവസവും കുറഞ്ഞത് 30 മിനിറ്റ് വ്യായാമം ചെയ്യുക. ഇതെല്ലാം ഹൃദ്രോഗ സാധ്യത വലിയ അളവിൽ കുറയ്ക്കും.
• രക്തസമ്മർദ്ദം, കൊളസ്ട്രോൾ, പഞ്ചസാര നില എന്നിവ പതിവായി പരിശോധിക്കുക വഴി ആരോ​ഗ്യസ്ഥിതി മോശമാകും മുമ്പ് പരിഹാരം കാണാനാകും.