Trekking Safety Tips: ട്രെക്കിംഗിന് പോകുന്നുണ്ടോ? ഇക്കാര്യങ്ങൾ ശ്രദ്ധിക്കൂ…
Trekking In Monsoon: ട്രെക്കിന് പുറപ്പെടുന്നതിന് മുമ്പ് തന്നെ കാലാവസ്ഥാ പ്രവചനങ്ങൾ നിർബന്ധമായി പരിശോധിക്കേണ്ടതാണ്. കനത്ത മഴ, വെള്ളപ്പൊക്കം എന്നിവയ്ക്ക് സാധ്യതയുള്ള ദിവസങ്ങളിൽ ട്രെക്കിംഗിന് പോകുന്നത് ഒഴിവാക്കുക.
പ്രതീകാത്മക ചിത്രം
കാടും മലയും താണ്ടി ഒരു യാത്ര, ആഗ്രഹിക്കാത്തവരായി ആരും തന്നെ ഉണ്ടാകില്ല. വന്യജീവി ട്രക്കിംഗ്, ഫോറസ്റ്റ് ട്രക്കിംഗ്, സൈഡ് സീയിംഗ് ട്രക്കിംഗ്, തുടങ്ങി ഓപ്ഷനുകൾ നിരവധിയല്ലേ, ഈ മഴക്കാലത്ത് ഒരു ട്രെക്കിംഗ് നിങ്ങൾ പ്ലാൻ ചെയ്യുന്നുണ്ടോ?
മൺസൂൺ കാലത്ത് ട്രെക്കിംഗ് ചെയ്യുമ്പോൾ ചില കാര്യങ്ങൾ ശ്രദ്ധിക്കേണ്ടതുണ്ട്, അവ എന്തെല്ലാമെന്ന് നോക്കിയാലോ..
മൺസൂൺ ട്രെക്കിംഗിനുള്ള സുരക്ഷാ നിർദ്ദേശങ്ങൾ
കാലാവസ്ഥാ പ്രവചനങ്ങൾ പരിശോധിക്കുക: ട്രെക്കിന് പുറപ്പെടുന്നതിന് മുമ്പ് തന്നെ കാലാവസ്ഥാ പ്രവചനങ്ങൾ നിർബന്ധമായി പരിശോധിക്കേണ്ടതാണ്. കനത്ത മഴ, വെള്ളപ്പൊക്കം എന്നിവയ്ക്ക് സാധ്യതയുള്ള ദിവസങ്ങളിൽ ട്രെക്കിംഗിന് പോകുന്നത് ഒഴിവാക്കുക.
വാട്ടർപ്രൂഫ് വസ്ത്രങ്ങളും ഷൂസുകളും ഉപയോഗിക്കുക: മഴക്കാലത്ത് ട്രെക്കിംഗിന് പോകുമ്പോൾ വാട്ടർപ്രൂഫ് ജാക്കറ്റുകൾ, ബാഗ് കവർ, നല്ല ഗ്രിപ്പുള്ള ട്രെക്കിംഗ് ഷൂസുകൾ എന്നിവ ധരിക്കാൻ പ്രത്യേകം ശ്രദ്ധിക്കുക.
വഴികളിൽ ജാഗ്രതയോടെ നടക്കുക: മഴയെ തുടർന്ന് പാതകളെല്ലാം വളരെയധികം വഴുവഴുപ്പുള്ളതായേക്കാം. അതിനാൽ ശ്രദ്ധയോടെ നടക്കുക, കൈയിൽ ട്രെക്കിംഗ് പോൾ കരുതാം.
ALSO READ: വന്യജീവി സങ്കേതങ്ങളിലേക്ക് യാത്ര പോകാൻ പ്ലാനുണ്ടോ? ഈ സ്ഥലങ്ങൾ മറക്കല്ലേ…
ഭക്ഷണവും വെള്ളവും കരുതുക: മഴക്കാലത്ത് തണുപ്പ് കൂടുതൽ ആയിരിക്കും. അതിനാൽ ശരീര ഊർജ്ജം നിലനിർത്താൻ എനർജി ബാർസ്, ഭക്ഷണം, വെള്ളം എന്നിവ കരുതുക.
ഭാരം കുറവുള്ള ബാഗ് : ഭാരമേറിയ ബാഗുകൾ ഒഴിവാക്കി, ലഘുവായതും ആവശ്യമുള്ള സാധനങ്ങൾ മാത്രം ഉള്ളതുമായ ബാഗ് തിരഞ്ഞെടുക്കുക.
സുരക്ഷാ ഉപകരണങ്ങൾ: ഫസ്റ്റ് എയ്ഡ് കിറ്റ്, ടോർച്ച്, പവർ ബാങ്ക്, വിസിലിൻ, ജിപിഎസ് ട്രാക്കർ തുടങ്ങിയ സുരക്ഷാ ഉപകരണങ്ങൾ കൈയിൽ ഉണ്ടാകണം.
ഹൈഡ്രേറ്റഡ് ആയി സൂക്ഷിക്കുക: തണുപ്പുള്ള കാലാവസ്ഥയിൽ വെള്ളം കുടിക്കാനുള്ള താത്പര്യം കുറയാം, എങ്കിലും ശരീരത്തിലെ ജലാംശം നിലനിർത്താൻ തീർച്ചയായും വെള്ളം കുടിക്കേണ്ടതാണ്.
സ്ഥലങ്ങൾ: മഴക്കാലത്തെ ട്രെക്കിംഗിന് മണ്ണിടിച്ചിൽ, പാറപൊട്ടൽ എന്നിവയ്ക്ക് സാധ്യതയുള്ള പ്രദേശങ്ങൾ ഒഴിവാക്കുക.
ലോക്കൽ ഗൈഡിനൊപ്പം പോകുക: പരിചിതമല്ലാത്ത പ്രദേശങ്ങളിൽ,ലോക്കൽ ഗൈഡ് കൂടെയുള്ളത് കൂടുതൽ സുരക്ഷിതമാണ്.
രോഗ ലക്ഷണങ്ങൾ അവഗണിക്കരുത്: ഉയരം കൂടിയ പ്രദേശങ്ങളിൽ ക്ഷീണം, ശ്വാസകോശ പ്രശ്നങ്ങൾ എന്നിവയ്ക്കുള്ള സാധ്യതയുണ്ട്. അതിനാൽ ഈ ലക്ഷണങ്ങൾ അനുഭവപ്പെട്ടാൽ ഉടൻ തന്നെ സുരക്ഷിതമായ സ്ഥലം തേടേണ്ടതാണ്.
