Morning Routine: വെറും വയറ്റിൽ കുടിക്കേണ്ടത് ചൂടുവെള്ളം; കാരണം എന്താണെന്ന് അറിയണ്ടേ…

Hot Water

ഒരു ​ഗ്ലാസ് വെള്ളം കുടിച്ചുകൊണ്ട് വേണം ദിവസം തുടങ്ങാനെന്നുള്ളത് നമുക്ക് എല്ലാവർക്കും അറിയാം. എന്നാൽ എങ്ങനെയുള്ള വെള്ളം കുടിക്കണമെന്ന് പലർക്കും അറിയില്ല. ചായയും കാപ്പിയും കുടിച്ചുകൊണ്ട് ദിവസം തുടങ്ങുന്നവരും അത് മാറ്റേണ്ട സമയമായിരിക്കുന്നു. എന്നും രാവിലെ വെറും വയറ്റിൽ ചെറു ചൂടുള്ള വെള്ളമാണ് കുടിക്കേണ്ടത്. ഇത് ആരോ​ഗ്യത്തിന് വളരെയധികം ​ഗുണം ചെയ്യുന്ന ഒന്നാണ്.

മെഡിക്കൽ ന്യൂസ് ടുഡേ പങ്കിട്ട ഒരു റിപ്പോർട്ട് അനുസരിച്ച്, രാവിലെ ചൂടുവെള്ളം കുടിക്കുമ്പോൾ, ദഹനം, രക്തചംക്രമണം, സമ്മർദ്ദം തുടങ്ങിയവയ്ക്ക് മികച്ച ​ഗുണങ്ങൾ ലഭിക്കുന്നു. അങ്ങനെയെങ്കിൽ പതിവായി ചൂടുവെള്ളം കുടിക്കുന്നതിന്റെ മറ്റ് നിരവധി ഗുണങ്ങൾ എന്തെല്ലാമെന്ന് നോക്കാം.

വിഷവിമുക്തമാക്കുന്നു

രാവിലെ തന്നെ ചൂടുവെള്ളം കുടിക്കുമ്പോൾ അത് നിങ്ങളുടെ അവയവങ്ങളിൽ വിഷവിമുക്തമാക്കൽ പ്രക്രിയയ്ക്ക് വിധേയമാകുന്നു. ചൂടുവെള്ളം ലിംഫറ്റിക് എന്ന സിസ്റ്റത്തെ ഉണർത്തുകയും, വിഷവസ്തുക്കളെ പുറന്തള്ളുകയും ചെയ്യുന്നു.

Also Read: കുപ്പിവെള്ളം കുടിക്കുന്നത് ഇത്ര പ്രശ്നമാണോ? പ്ലാസ്റ്റിക് കുപ്പികളുടെ പ്രശ്നങ്ങൾ കണ്ടെത്തി വിദ​ഗ്ധർ

കൊഴുപ്പ് കുറയുന്നു

വിദഗ്ദ്ധരുടെ അഭിപ്രായത്തിൽ, പതിവായി ചൂടുവെള്ളം കുടിക്കുന്നതിലൂടെ, നിങ്ങളുടെ ഭക്ഷണക്രമത്തിൽ പോലും മാറ്റം വരുത്താതെ തന്നെ കൂടുതൽ കൊഴുപ്പ് കത്തിക്കാൻ സഹായിക്കുന്നു. ചൂടുവെള്ളം മെറ്റബോളിസത്തെ വർദ്ധിപ്പിക്കുകയും സംഭരിച്ചിരിക്കുന്ന കൊഴുപ്പ് കത്തിക്കാൻ സഹായിക്കുകയും ചെയ്യുന്നു.

രക്തചംക്രമണം

ഒരാഴ്ച വെറും വയറ്റിൽ ചൂടുവെള്ളം കുടിച്ച ശേഷം, നിങ്ങളുടെ രക്തചംക്രമണം മെച്ചപ്പെടും, രക്തക്കുഴലുകൾ വികസിക്കും, പോഷകങ്ങൾ വേഗത്തിൽ സഞ്ചരിക്കുകയും ശരീരത്തിന് വേണ്ട ​ആരോ​ഗ്യകരമായ മാറ്റങ്ങൾ സംഭവിക്കുകയും ചെയ്യുന്നു.

ഈ ഗുണങ്ങളെല്ലാം പ്രകടമാകാൻ തുടങ്ങുമ്പോൾ, നിങ്ങൾക്ക് ആരോഗ്യകരവും കൂടുതൽ ഊർജ്ജസ്വലവുമായ ശരീരവും ദഹനവ്യവസ്ഥയും ലഭിക്കും. ചൂടുവെള്ളം ദഹന എൻസൈമുകളെ ഉത്തേജിപ്പിക്കുകയും പോഷകങ്ങളുടെ ആഗിരണം മെച്ചപ്പെടുത്തുകയും വയറു വീർക്കുന്നത് ഇല്ലാതാക്കുകയും ചെയ്യുന്നു. കൂടാതെ നിർജ്ജലീകരണം മൂലമുണ്ടാകുന്ന മൈഗ്രെയ്ൻ പേശികളുടെ പിരിമുറുക്കം എന്നിവ ചൂടുവെള്ളം കുടിക്കുന്നതിലൂടെ ഇല്ലാതാക്കാൻ സഹായിക്കുന്നു.