Aamir Khan: മൈഗ്രേൻ കുറയ്ക്കാൻ ആഹാരരീതിയിൽ മാറ്റം വരുത്തി; 60-ാം വയസിൽ 18 കിലോ കുറച്ച് ആമിർ ഖാൻ
Aamir Khan On Anti-Inflammatory Diet: മൈഗ്രേൻ കുറയ്ക്കാൻ ആഹാരരീതിയിൽ മാറ്റം വരുത്തിയതാണ് വണ്ണം കുറയാൻ സഹായിച്ചതെന്നാണ് ആമിർ പറയുന്നത്.പതിനെട്ടുകിലോയോളമാണ് താൻ കുറച്ചതെന്നും ആമിർ വ്യക്തമാക്കി.
ഏറെ ആരാധകരുള്ള നടനാണ് ബോളിവുഡ് താരം ആമിര് ഖാൻ.സിനിമകളുടെ കഥാപാത്രങ്ങൾക്കായി വമ്പൻ മേക്കോവറുകളാണ് മിക്കപ്പോഴും താരം നടത്താറുള്ളത്. താരത്തിന്റെ മാറ്റം പ്രേക്ഷകരെ ഞെട്ടിപ്പിക്കാറുണ്ട്.അതുകൊണ്ട് തന്നെ ആമിർ അറിയപ്പെടുന്നത് ബോളിവുഡിലെ പെർഫെക്ഷനിസ്റ്റ് എന്നാണ്. (Image Credits: PTI)
ഇപ്പോഴിതാ 60ാം വയസിൽ താരത്തിന്റെ വമ്പൻ മേക്കോവർ കണ്ട് ഞെട്ടിയിരിക്കുകയാണ് ആരാധകർ. ഇതിനു പിന്നാലെ കുറയാനിടയുണ്ടായ കാരണം പങ്കുവെച്ച് രംഗത്ത് എത്തിയിരിക്കുകയാണ് താരം.
മൈഗ്രേൻ കുറയ്ക്കാൻ ആഹാരരീതിയിൽ മാറ്റം വരുത്തിയതാണ് വണ്ണം കുറയാൻ സഹായിച്ചതെന്നാണ് ആമിർ പറയുന്നത്.പതിനെട്ടുകിലോയോളമാണ് താൻ കുറച്ചതെന്നും ആമിർ വ്യക്തമാക്കി.
വണ്ണംകുറയ്ക്കുക എന്നതിനേക്കാൾ മൈഗ്രേന് പരിഹാരം തേടുക എന്ന ലക്ഷ്യത്തോടെയാണ് ആഹാരരീതിയിൽ മാറ്റംവരുത്തിയതെന്നും നടൻ പറയുന്നു. ഇതിനു വേണ്ടി താൻ സ്വീകരിച്ച ഡയറ്റ് മാജിക്ക് പോലെ തന്റെ ശരീരത്തിൽ പ്രവർത്തിച്ച് വണ്ണംകുറയാൻ സഹായിച്ചുവെന്നാണ് നടൻ പറയുന്നത്.
ബോളിവുഡ് ഹംഗാമയ്ക്ക് നൽകിയ അഭിമുഖത്തിലായിരുന്നു താരത്തിന്റെ പ്രതികരണം.താൻ മൈഗ്രേൻ കുറയ്ക്കാൻ ആന്റി ഇൻഫ്ലമേറ്ററി ഡയറ്റായിരുന്നു സ്വീകരിച്ചത്. ഇതിലൂടെ പതിനെട്ടു കിലോ കുറയുക മാത്രമല്ല മൈഗ്രേനും കുറഞ്ഞുവെന്നാണ് ആമിർ പറഞ്ഞു.
