Alappuzha Gymkhana: ഒരു നല്ല ബിരിയാണി കഴിച്ചാലും ആവറേജ് എന്നേ പറയൂ, അയാളുടെ വായില് നിന്ന് നല്ലതൊന്നും വീഴില്ല: ഗണപതി
Ganapathi About Khalid Rahman: തല്ലുമാലയ്ക്ക് ശേഷം ഖാലിദ് റഹ്മാന് സംവിധാനം ചെയ്യുന്ന ചിത്രമാണ് ആലപ്പുഴ ജിംഖാന. ഗണപതിയാണ് ചിത്രത്തില് പ്രധാന വേഷത്തെ അവതരിപ്പിക്കുന്നത്. മഞ്ഞുമ്മല് ബോയ്സിന് ശേഷം ഖാലിദും ഗണപതിയും ഒരുമിക്കുന്ന ചിത്രം കൂടിയാണിത്.
ഖാലിദ് റഹ്മാന്റെ വായില് നിന്ന് നല്ലത് കേള്ക്ക് കുറച്ച് കഷ്ടപ്പാടാണെന്നാണ് നടന് ഗണപതി പറയുന്നത്. ഒരു നല്ല ബിരിയാണി കഴിച്ചാല് പോലും അദ്ദേഹം ആവറേജ് എന്ന് മാത്രമേ പറയുകയുള്ളൂ എന്നാണ് പേളി മാണി ഷോയില് പങ്കെടുത്ത് ഗണപതി പറയുന്നത്. (Image Credits: Instagram)
അനുരാഗ കരിക്കിന് വെള്ളം കഴിഞ്ഞ ഉടന് തന്നെ താന് അദ്ദേഹത്തോട് ചാന്സ് ചോദിക്കുന്നുണ്ട്. ഉണ്ട വന്നപ്പോള് തന്നോട് പറഞ്ഞു പോലീസൊന്നും ആവാന് നീ ആയിട്ടില്ലെന്ന്. തല്ലുമാല വന്നപ്പോഴും അവസരം ചോദിച്ചു. ഇല്ലെടാ അതെല്ലാം ഫുള്ളായെന്ന് പറഞ്ഞു.
അങ്ങനെ അവസരം ചോദിച്ച് ചോദിച്ച് മടുത്തപ്പോള് താന് പുള്ളിയെ കാസ്റ്റ് ചെയ്തു. മഞ്ഞുമ്മലിലൂടെയാണ് ഖാലിദുമായി ഒരു ഇന്ററാക്ഷന് ഉണ്ടാകുന്നത്. ടെക്നീഷ്യന് എന്ന രീതിയില് തനിക്ക് അദ്ദേഹത്തെ ഭയങ്കര ഇഷ്ടമാണ്. ഒരു തരത്തിലുള്ള കോംപ്രമൈസിനും ഇല്ലാത്ത മനുഷ്യനാണ്.
പുള്ളിയുടെ വായില് നിന്ന് നല്ലത് വീഴണമെങ്കില് നല്ല പണിയുണ്ട്. ഒരു നല്ല ബിരിയാണി കഴിക്കാന് പോയാലും ആ കൊള്ളാടാ ആവറേജ് എന്നേ പറയുകയുള്ളൂ. അദ്ദേഹത്തിന്റെ കൂടെ വര്ക്ക് ചെയ്യുന്നതിന് മുമ്പ് തന്നെ വിളിച്ചിട്ട് പറഞ്ഞത് നല്ല പണിയുണ്ട് വേണമെങ്കില് എടുത്താല് മതിയെന്ന്.
ആലോചിച്ചിട്ട് ഓകെ പറഞ്ഞാല് മതിയെന്ന് പറഞ്ഞു. അങ്ങനെ പണി എടുപ്പിച്ചിട്ടുണ്ട് പുള്ളി അങ്ങനെ നമ്മള് പണി എടുത്തിട്ടുണ്ടെന്ന് കരുതുന്നുവെന്നും ഗണപതി പറഞ്ഞു.
