Rajasthan Royals: സഞ്ജുവിന് പുറമെ രാജസ്ഥാന് വളര്ത്തിയെടുത്ത മറ്റൊരു സൂപ്പര് താരവും ഫ്രാഞ്ചെസി വിടുന്നു
Dhruv Jurel Rajasthan Royals: ഡല്ഹി ക്യാപിറ്റല്സ്, ചെന്നൈ സൂപ്പര് കിങ്സ്, കൊല്ക്കത്ത നൈറ്റ് റൈഡേഴ്സ് എന്നീ ഫ്രാഞ്ചെസികള്ക്ക് സഞ്ജുവിനെ സ്വന്തമാക്കാന് താല്പര്യമുണ്ടെന്നാണ് അഭ്യൂഹം
സഞ്ജു സാംസണ് രാജസ്ഥാന് റോയല്സ് വിടുമെന്ന് ഏറെക്കുറെ സ്ഥിരീകരിച്ചതായാണ് പുറത്തുവരുന്ന മാധ്യമ റിപ്പോര്ട്ടുകള് സൂചിപ്പിക്കുന്നത്. എന്നാല് സഞ്ജുവോ, റോയല്സോ ഇക്കാര്യത്തെക്കുറിച്ച് ഒന്നും പ്രതികരിച്ചിട്ടില്ല. ഫ്രാഞ്ചെസി വിടാനുള്ള തീരുമാനം സഞ്ജു മാനേജ്മെന്റിനെ അറിയിച്ചെന്നാണ് റിപ്പോര്ട്ട് (Image Credits: PTI)
ഏറെ നാളായി ഇതുസംബന്ധിച്ച് ഊഹാപോഹങ്ങള് പ്രചരിക്കുന്നുണ്ട്. അടുത്ത സീസണില് മറ്റേതെങ്കിലും ഫ്രാഞ്ചെസിയില് എത്തുകയാണ് സഞ്ജുവിന്റെ ലക്ഷ്യം. അങ്ങനെയെങ്കില് റോയല്സിന് പുതിയ ക്യാപ്റ്റനെ കണ്ടെത്തേണ്ടി വരും (Image Credits: PTI)
ഡല്ഹി ക്യാപിറ്റല്സ്, ചെന്നൈ സൂപ്പര് കിങ്സ്, കൊല്ക്കത്ത നൈറ്റ് റൈഡേഴ്സ് എന്നീ ഫ്രാഞ്ചെസികള്ക്ക് സഞ്ജുവിനെ സ്വന്തമാക്കാന് താല്പര്യമുണ്ടെന്നാണ് അഭ്യൂഹം. എന്നാല് സഞ്ജു മാത്രമല്ല മറ്റൊരു താരം കൂടി റോയല്സ് വിടാന് ആഗ്രഹിക്കുന്നുവെന്നാണ് റിപ്പോര്ട്ട്. മറ്റാരുമല്ല, ധ്രുവ് ജൂറലാണ് ആ താരം (Image Credits: PTI)
റോയല്സ് വളര്ത്തിയെടുത്ത താരമാണ് ജൂറല്. ഫ്രാഞ്ചെസിയെ രണ്ടാം വിക്കറ്റ് കീപ്പറുമാണ്. എന്നാല് ജൂറല് റോയല്സ് വിടാന് ആഗ്രഹിക്കുന്നതിന്റെ കാരണം വ്യക്തമല്ല. റെവ്സ്പോര്ട്സാണ് ജൂറല് റോയല്സ് വിടുമെന്ന് റിപ്പോര്ട്ട് ചെയ്തത് (Image Credits: PTI)
യശ്വസി ജയ്സ്വാളിനെ ക്യാപ്റ്റനാക്കാനാണ് റോയല്സിന്റെ നീക്കമെന്നാണ് റിപ്പോര്ട്ട്. എന്നാല് ഒരു സീസണ് കൂടി കഴിഞ്ഞ ശേഷമാകും ജയ്സ്വാളിന് ക്യാപ്റ്റന്സി കൈമാറുന്നത്. അങ്ങനെയെങ്കില് അടുത്ത സീസണില് റിയാന് പരാഗ് റോയല്സിനെ നയിച്ചേക്കും (Image Credits: PTI)
