Asia Cup 2025: പാകിസ്ഥാന് ചോദിച്ച് മേടിച്ചു, ഐസിസിയുടെ മുട്ടന്‍ പണി വരുന്നു
ICC considers action against Pakistan: പ്രോട്ടോക്കോള്‍ ലംഘനം പല തവണ നടന്നതായി ചൂണ്ടിക്കാട്ടി ഐസിസി പാക് ക്രിക്കറ്റ് ബോര്‍ഡിന് മെയില്‍ അയച്ചു. പിസിബി ഐസിസിക്ക് വിശദീകരണം നല്‍കേണ്ടി വന്നേക്കാം
ഏഷ്യാ കപ്പില്‍ പ്രോട്ടോക്കോളുകള്‍ ലംഘിച്ച പാക് ക്രിക്കറ്റ് ടീമിനെതിരെ ഐസിസി അച്ചടക്ക നടപടി സ്വീകരിച്ചേക്കുമെന്ന് റിപ്പോര്‍ട്ട്. യുഎഇയ്‌ക്കെതിരായ മത്സരത്തിന് മുമ്പ് നടന്ന സംഭവവികാസങ്ങളാണ് കാരണം (Image Credits: PTI)
പാകിസ്ഥാന് ഇന്ത്യന്‍ താരങ്ങള്‍ ഹസ്തദാനം നല്‍കാതിരുന്നത് ചര്‍ച്ചയായിരുന്നു. ടോസ് സമയത്ത് ഹസ്തദാനത്തിന് മുതിരരുതെന്ന് മാച്ച് റഫറി ആന്‍ഡി പൈക്രോഫ്റ്റ് പറഞ്ഞിരുന്നതായി ആരോപിച്ച പാക് ടീം, ഇദ്ദേഹത്തെ മത്സരങ്ങളില്‍ നിന്ന് മാറ്റിനിര്‍ത്തണമെന്ന് ആവശ്യപ്പെട്ടിരുന്നു (Image Credits: PTI)
എന്നാല്‍ പാക് ടീമിന്റെ ആവശ്യം ഐസിസി തള്ളി. ഇതേ തുടര്‍ന്ന് യുഎഇയ്‌ക്കെതിരായ മത്സരം ബഹിഷ്‌കരിക്കുമെന്ന് പാക് ടീം നിലപാടെടുത്തു. ഒടുവില്‍ ഏറെ നേരത്തെ ചര്‍ച്ചകള്‍ക്കൊടുവിലാണ് പാക് ടീം കളിക്കാനിറങ്ങിയത് (Image Credits: PTI)
ഏതാണ്ട് ഒരു മണിക്കൂറോളം വൈകിയാണ് മത്സരം ആരംഭിച്ചതും. ഇത് ഗുരുതര അച്ചടക്ക ലംഘനമായാണ് ഐസിസി കാണുന്നത്. തുടര്‍ന്ന് പ്രോട്ടോക്കോള്‍ ലംഘനം പല തവണ നടന്നതായി ചൂണ്ടിക്കാട്ടി ഐസിസി പാക് ക്രിക്കറ്റ് ബോര്‍ഡിന് മെയില്‍ അയച്ചു (Image Credits: PTI)
പിസിബി ഐസിസിക്ക് വിശദീകരണം നല്‍കേണ്ടി വന്നേക്കാം. ഇതിനുശേഷം പിസിബിക്കെതിരെ ഐസിസി നടപടികളിലേക്ക് കടന്നേക്കുമെന്ന് വിവിധ മാധ്യമങ്ങള്‍ റിപ്പോര്‍ട്ട് ചെയ്തു. എന്ത് തരത്തിലുള്ള നടപടിയാകും ഉണ്ടാവുകയെന്ന് വ്യക്തമല്ല (Image Credits: PTI)
