Attukal pongala 2026: ചൂടിൽ വലയേണ്ട, പൊങ്കാല ഇടുന്നവർ ശ്രദ്ധിക്കേണ്ടത്…
Attukal Pongala 2026, Safety Guidelines: ആറ്റുകാൽ പൊങ്കാലയ്ക്ക് ഇനി മണിക്കൂറുകൾ മാത്രം. വില്ലനായി ചൂട് ഉയരുമ്പോൾ ഭക്തർ ശ്രദ്ധിക്കേണ്ട, പാലിക്കേണ്ട ചില മുൻകരുതലുകൾ ഏതെല്ലാമെന്ന് പരിശോധിക്കാം....
സംസ്ഥാനത്ത് ചൂട് വർധിച്ചുവരുന്ന സാഹചര്യത്തിൽ കേന്ദ്ര കാലാവസ്ഥാ വകുപ്പ് ജാഗ്രത നിർദ്ദേശം പുറപ്പെടുവിച്ചിട്ടുണ്ട്. പ്രത്യേകിച്ച് ആറ്റുകാൽ പൊങ്കാലയിൽ പങ്കെടുക്കുന്ന ഭക്തർ ഈ കഠിനമായ ചൂട് കണക്കിലെടുത്ത് അതീവ ജാഗ്രത പാലിക്കേണ്ടതുണ്ട്.
പൊങ്കാല അടുപ്പിന് അരികിൽ നിൽക്കുമ്പോൾ ചൂട് കൂടുതലായതിനാൽ തണലുള്ള സ്ഥലങ്ങളിൽ വിശ്രമിക്കാൻ ശ്രദ്ധിക്കുക. കുടയോ തൊപ്പിയോ ഉപയോഗിക്കുക. രാവിലെ 11 മണി മുതൽ വൈകിട്ട് 3 മണി വരെ നേരിട്ട് സൂര്യപ്രകാശം ഏൽക്കുന്നത് പരമാവധി ഒഴിവാക്കുക.
വസ്ത്രധാരണത്തിലും ശ്രദ്ധ പുലർത്തുക. കട്ടി കുറഞ്ഞതും ഇളം നിറത്തിലുള്ളതുമായ കോട്ടൺ വസ്ത്രങ്ങൾ ധരിക്കുക. ഇത് ശരീരത്തിലെ ചൂട് കുറയ്ക്കാൻ സഹായിക്കും. പഴവർഗ്ഗങ്ങൾ ധാരാളമായി ഭക്ഷണത്തിൽ ഉൾപ്പെടുത്തുക.
ചൂട് കൂടുമ്പോൾ ശരീരത്തിലെ ജലാംശം വേഗത്തിൽ നഷ്ടപ്പെടാൻ സാധ്യതയുണ്ട്. ദാഹം തോന്നിയില്ലെങ്കിൽ പോലും ഇടയ്ക്കിടെ വെള്ളം കുടിക്കുക. ചെറിയ കുട്ടികൾ, പ്രായമായവർ, ഗർഭിണികൾ, മറ്റ് രോഗബാധിതർ എന്നിവർ കടുത്ത വെയിലത്ത് അധികനേരം നിൽക്കരുത്. ഇവർക്ക് സൂര്യാഘാതത്തിന് സാധ്യത കൂടുതലാണ്.
അസ്വസ്ഥതകൾ, തലകറക്കം, ക്ഷീണം തുടങ്ങിയ ലക്ഷണങ്ങൾ അനുഭവപ്പെട്ടാൽ ഉടൻ തന്നെ തൊട്ടടുത്തുള്ള മെഡിക്കൽ ക്യാമ്പുകളിൽ നിന്ന് വൈദ്യസഹായം തേടാൻ മടിക്കരുത്. (Image Credit: PTI)
