TVK Rally Stampede: വിജയ്യെ അറസ്റ്റ് ചെയ്യണമെന്ന് ഓവിയ; നടിയ്ക്കെതിരെ അസഭ്യവര്ഷവുമായി ആരാധകർ
Oviya Calls for Vijay’s Arrest : നടിക്കെതിരെ വലിയ വിമർശനങ്ങളാണ് സോഷ്യൽ മീഡിയയിൽ ഉയരുന്നത്. താരത്തിന്റെ കമന്റ് ബോക്സിലും മെസേജിലുമെല്ലാം വിജയ് ആരാധകരുടെ അധിക്ഷേപ വര്ഷമാണ്.
തമിഴ്നാട്ടിലെ കരൂരിലുണ്ടായ ടിവികെ റാലിയ്ക്കിടയിൽ തിക്കിലും തിരക്കിലും പെട്ട് 39 പേർ മരിച്ച സംഭവത്തിൽ ടിവികെ അധ്യക്ഷനും നടനുമായ വിജയ്ക്കെതിരെ ശക്തമായ പ്രതിഷേധമാണ് രാജ്യത്തിന്റെ വിവിധ ഭാഗങ്ങളിൽ നിന്ന് ഉയരുന്നത്. (Image Credits:InstagramPTI)
ഇപ്പോഴിതാ വിജയ്യെ അറസ്റ്റ് ചെയ്യണമെന്ന് ആഹ്വാനം ചെയ്ത് തമിഴ് നടി ഓവിയ രംഗത്ത് എത്തി. ഇൻസ്റ്റാഗ്രാം സ്റ്റോറിൽ ‘അറസ്റ്റ് വിജയ്’ എന്ന് എഴുതിയാണ് നടി പ്രതികരിച്ചത്. എന്നാല് പോസ്റ്റ് ചെയ്ത് മണിക്കൂറുകള്ക്കകം തന്നെ നടി ഈ സ്റ്റോറി പിന്വലിക്കുകയും ചെയ്തു.
തുടർന്ന് സംഭവത്തിൽ തന്റെ പ്രതികരണമായി ഒരു ഉദ്ധരണിയായി താരം പങ്കുവച്ചു. ‘ജ്ഞാനികൾക്ക് ജീവിതം ഒരു സ്വപ്നമാണ്, വിഡ്ഢികൾക്ക് ജീവിതം കളിയാണ്, ധനികർക്ക് അതൊരു തമാശയാണ്, എന്നാൽ പാവപ്പെട്ടവനാവട്ടെ ദുരന്തവും’ എന്ന് പറഞ്ഞാണ് താരം ഇൻസ്റ്റാഗ്രാമിൽ പങ്കുവച്ചത്.
എന്നാൽ നടിക്കെതിരെ വലിയ വിമർശനങ്ങളാണ് സോഷ്യൽ മീഡിയയിൽ ഉയരുന്നത്. താരത്തിന്റെ കമന്റ് ബോക്സിലും മെസേജിലുമെല്ലാം വിജയ് ആരാധകരുടെ അധിക്ഷേപ വര്ഷമാണ്. അശ്ലീല പദപ്രയോഗങ്ങളും തെറിവിളികളും കൊണ്ട് നിറഞ്ഞിരിക്കുകയാണ് ഓവിയയുടെ ഇൻസ്റ്റാഗ്രാം.
തെറികൾ അടങ്ങിയ കമന്റുകളുടെ സ്ക്രീൻഷോട്ട് ഓവിയ തന്റെ ഇൻസ്റ്റഗ്രാം സ്റ്റോറിയിലൂടെ പങ്കുവച്ചു. ‘ചീത്ത പറയാനാണ് വന്നത്. എന്നാൽ ചീത്ത വിളിക്കുന്ന കമന്റുകൾ കണ്ട് മനസ്സിന് സമാധാനം തോന്നുന്നു’ എന്നാണ് ഓവിയയുടെ ചിത്രത്തിന് താഴെ ഒരാൾ കുറിച്ചിരിക്കുന്നത്.
