Bigg Boss Malayalam Season 7: മിമിക്രി ആർട്ടിസ്റ്റ്, നടി; ബിബി ഹൗസിൽ സജീവമാകുന്ന കലാഭവൻ സരിഗ
Who Is Kalabhavan Sariga: കലാഭവൻ സരിഗ മിമിക്രി ആർട്ടിസ്റ്റും നടിയുമാണ്. കോഴിക്കോട് സ്വദേശിനിയായ സരിഗയെപ്പറ്റി കൂടുതലറിയാം.
ബിഗ് ബോസ് മലയാളം സീസൺ 7ലെ സമാധാനപതാകവാഹകയാണ് കലാഭവൻ സരിഗ. വഴക്കുകളിൽ നിന്ന് മാറിനിൽക്കുന്ന സരിഗ പക്ഷേ, ടാസ്കുകളിൽ മത്സരബുദ്ധിയോടെ കളിക്കാനും പിന്നിലാണ്. പ്രശസ്ത മിമിക്രി ആർട്ടിസ്റ്റും നടിയുമായ കലാഭവൻ സരിഗയെപ്പറ്റി കൂടുതലറിയാം. (Image Courtesy- Kalabhavan Sariga Instagram)
കോഴിക്കോട് സ്വദേശിനിയായ സരിഗ വളരെ ചെറിയ പ്രായത്തിൽ തന്നെ കലാരംഗത്തേക്ക് പ്രവേശിച്ചു. മിമിക്രി, പാട്ട്, ഡാൻസ് തുടങ്ങി പല മത്സരങ്ങളിലും സരിഗ സജീവമായിരുന്നു. സംസ്ഥാന സ്കൂൾ കലോത്സവത്തിൽ മിമിക്രിയ്ക്ക് ഒന്നാം സമ്മാനം നേടിയത് വലിയ വഴിത്തിരിവായി.
ദിലീപ്, നാദിർഷാ, കലാഭവൻ മണി തുടങ്ങിയവർക്കൊപ്പം കലാഭവനിലാണ് സരിഗ തൻ്റെ മിമിക്രി ഊതിക്കാച്ചിയെടുത്തത്. ഇന്ത്യക്ക് അകത്തും പുറത്തും നിരവധി സ്റ്റേജ് ഷോകളിൽ സരിഗ പങ്കെടുത്തു. മിമിക്രി രംഗത്തെ ചുരുക്കം സ്ത്രീകളിൽ ഒരാളായിരുന്നു കലാഭവൻ സരിഗയെന്ന കലാകാരി.
ടെലിവിഷൻ സീരിയലുകളിലും കോമഡി ഷോകളിലും സരിഗ അഭിനയിച്ചു. റിയാലിറ്റി ഷോ മത്സരാർത്ഥിയായും ഡബ്ബിങ് ആർട്ടിസ്റ്റായയും വ്യക്തിമുദ്ര പതിപ്പിച്ചു. ഇതിന് ശേഷമാണ് സരിഗ ബിഗ് ബോസ് മലയാളം സീസൺ 7 മത്സരാർത്ഥിയായി എത്തുന്നത്.
ബിഗ് ബോസ് വീട്ടിൽ കലാഭവൻ സരിഗ അത്ര സജീവമല്ല. അത് അവർ തന്നെ സമ്മതിക്കുന്നുണ്ട്. ടാസ്കുകൾ ചെയ്യാൻ തനിക്ക് പേടിയാണെന്ന് സരിഗ പറയുന്നു. ആദില - നൂറ ദമ്പതിമാരിലൂടെ സ്വവർഗ പ്രണയം മനസ്സിലാക്കാൻ കഴിഞ്ഞു എന്ന സരിഗയുടെ തുറന്നുപറച്ചിൽ ചർച്ചയായിരുന്നു.
