Bigg Boss Malayalam Season 7: സ്റ്റാർ മാജിക്കിലെ താരം, നടി; ഹൗസിൽ ശബ്ദമുയർന്ന് തുടങ്ങിയ അനുമോൾ
Who Is Bigg Boss Contestant Anumol: സ്റ്റാർ മാജിക്കിലൂടെ ശ്രദ്ധേയയായ താരമാണ് അനുമോൾ. സീരിയൽ നടിയും സംസ്ഥാന ടെലിവിഷൻ പുരസ്കാരജേതാവുമായ അനുമോളെ അറിയാം.
ബിഗ് ബോസ് ഹൗസിലെ ശക്തയായ മത്സരാർത്ഥിയാണ് അനുമോൾ. നിരവധി സീരിയലുകളിൽ അഭിനയിച്ച താരം സ്റ്റാർ മാജിക് എന്ന പരിപാടിയിലൂടെയാണ് പ്രശസ്തയാവുന്നത്. ഹൗസിൽ ആദ്യ ആഴ്ചയിൽ നിശബ്ദയായിരുന്ന അനുമോൾ രണ്ടാം ആഴ്ച മുതൽ ശബ്ദമുയർത്തുന്നുണ്ട്. (Image Courtesy- Anumol Instagram)
തിരുവനന്തപുരം സ്വദേശിനിയായ അനുമോൾ സംസ്കൃതത്തിൽ ബിരുദമെടുത്തയാളാണ്. 2014ലാണ് അഭിനയജീവിതം ആരംഭിക്കുന്നത്. അനിയത്തി എന്ന സീരിയയിൽ ചെറിയ ഒരു വേഷത്തിലാണ് അനുമോൾ ആദ്യം അഭിനയിച്ചത്. ഇതിന് ശേഷം താരം നിരവധി സീരിയലുകളിൽ വേഷമിട്ടു.
സംഗമം, കൃഷ്ണ തുളസി, രാത്രിമഴ, പാടാത്ത പൈങ്കിളി, സത്യ എന്ന പെൺകുട്ടി തുടങ്ങിയ സീരിയലുകളിൽ മികച്ച കഥാപാത്രങ്ങളെ അവതരിപ്പിച്ച അനുമോൾ ആരാധകരെ ഉണ്ടാക്കിയെടുത്തു. സീരിയലുകളെക്കാൾ അനുമോളെ പ്രശസ്തയാക്കിയത് സ്റ്റാർ മാജിക്കായിരുന്നു.
സെലബ്രറ്റി ഗെയിം ഷോ ആയ ടമാർ പടാറിൽ പ്രത്യക്ഷപ്പെട്ട അനുമോൾ ഇൻസ്റ്റൻ്റ് ഹിറ്റായി. ഇതിൻ്റെ രണ്ടാം സീസണായ സ്റ്റാർ മാജിക്കിൽ പ്രധാന അംഗമായിരുന്നു അനുമോൾ. ഈയിടെ ഷോ നിർത്തുന്നത് വരെ അനുമോൾ സ്റ്റാർ മാജിക്കിലെ പ്രധാന അംഗമായിത്തന്നെ തുടർന്നു.
സുരഭിയും സുഹാസിനിയും എന്ന സിറ്റ്കോമിലൂടെ 2023 ടെലിവിഷൻ അവാർഡിൽ സെക്കൻഡ് ഹീറോയ്ൻ പുരസ്കാരം നേടി. തിങ്കൾ മുതൽ വെള്ളി വരെ, മഹേഷും മാരുതിയും തുടങ്ങിയ സിനിമകളിലും അനുമോൾ വേഷമിട്ടിട്ടുണ്ട്. സമൂഹമാധ്യമങ്ങളിൽ നിരവധി ആരാധകരും താരത്തിനുണ്ട്.
