Coconut Oil Price: വെളിച്ചെണ്ണ വാങ്ങാൻ 2 ദിവസം കൂടി കാത്തിരിക്കാം; വില കുറവുമായി സപ്ലൈകോ
Coconut Oil Price in Kerala: നവരാത്രി, ദീപാവലി ആഘോഷങ്ങള്ക്കായി വടക്കേ ഇന്ത്യയിലേക്ക് കൊപ്ര സംഭരിച്ച് കൊണ്ടുപോകാന് തുടങ്ങിയതോടെ വെളിച്ചെണ്ണ വില ഉയരുകയാണ്.
വെളിച്ചെണ്ണ വില കുറവിൽ വാങ്ങാം. സെപ്റ്റംബർ 22, തിങ്കളാഴ്ച മുതൽ സപ്ലൈകോ വഴി കുറഞ്ഞ നിരക്കിൽ വെളിച്ചെണ്ണ നൽകുമെന്ന് ഭക്ഷ്യവകുപ്പ് മന്ത്രി ജി.ആർ അനിൽ നിയമസഭയിൽ പറഞ്ഞിരുന്നു. (Image Credit: Getty Images)
ശബരി സബ്സിഡി വെളിച്ചെണ്ണയുടെ വില ലിറ്ററിന് 339 രൂപയിൽ നിന്നും 319 ആയും ശബരി നോൺ സബ്സിഡി 389 രൂപയിൽ നിന്ന് 359 രൂപയായും കേര വെളിച്ചെണ്ണയുടെ വില 429 രൂപയിൽ നിന്നും 419 രൂപയായും കുറയ്ക്കും. (Image Credit: Getty Images)
അതുപോലെ കേരഫെഡിന്റെ വെളിച്ചെണ്ണയും 419 രൂപയ്ക്ക് ലഭ്യമാകുന്നതാണ്. നിലവിൽ 429 രൂപയാണ് വില. വെളിച്ചെണ്ണയെ കൂടാതെ തുവരപ്പരിപ്പും ചെറുപയറും ഉൾപ്പെടെയുള്ളവർക്കും വില കുറയ്ക്കും. (Image Credit: Getty Images)
സപ്ലൈകോയിൽ തുവര പരിപ്പിന്റെ വില കിലോഗ്രാമിന് 93 രൂപയിൽ നിന്ന് 88 രൂപയായും. ചെറുപയറിന്റെ വില 90 രൂപയിൽ നിന്ന് 85 രൂപയായി കുറയ്ക്കുമെന്നും മന്ത്രി പറഞ്ഞിട്ടുണ്ട്. (Image Credit: Getty Images)
വെളിച്ചെണ്ണ വില ഉയരുന്ന സാഹചര്യത്തിൽ ഈ തീരുമാനം മലയാളികൾക്ക് ആശ്വാസകരമാണ്. നവരാത്രി, ദീപാവലി ആഘോഷങ്ങള്ക്കായി വടക്കേ ഇന്ത്യയിലേക്ക് കൊപ്ര സംഭരിച്ച് കൊണ്ടുപോകാന് തുടങ്ങിയതോടെ വെളിച്ചെണ്ണ വില ഉയരുന്നുണ്ട്. (Image Credit: Getty Images)
