Weight Gain: തണുത്തവെള്ളം കുടിച്ചാൽ ശരീരഭാരം കൂടുമോ? വിദഗ്ധർ പറയുന്നത് ഇങ്ങനെ
Drinking Cold Water Cause Weight Gain: നല്ലൊരു ദഹനപ്രക്രിയ നിലനിർത്താൻ എപ്പോഴും ചെറുചൂടുള്ള വെള്ള കുടിക്കുന്നതാണ് നല്ലത്. അമിതമായി തണുത്ത വെള്ളം കുടിക്കുന്നത് ദഹനപ്രശ്നങ്ങൾ, തൊണ്ടവേദന, ചില സന്ദർഭങ്ങളിൽ തലവേദന എന്നിവയ്ക്ക് കാരണമാകാറുണ്ട്.
വേനലായാൽ സാധാരണയായി ആഹാരത്തെക്കാൾ നമ്മൾ വെള്ളം കുടിക്കാറുണ്ട്. എന്നാൽ കൂടുതലും ആളുകൾ കുടിക്കുന്നത് തണുത്ത വെള്ളമാണ്. പക്ഷേ ഇതിനെ ചുറ്റിപ്പറ്റി ചില തെറ്റിദ്ധാരണകളും പ്രചാരത്തിലുണ്ട്. അത്തരത്തിലൊന്നാണ് തണുത്ത വെള്ളം കുടിച്ചാൽ ശരീരഭാരം കൂടുമോ എന്നത്.
പോഷകാഹാര വിദഗ്ധ അമിത ഗാദ്രെയാണ് തന്റെ ഇൻസ്റ്റാഗ്രാം ഹാൻഡിലിൽ ഇതുമായി ബന്ധപ്പെട്ട യാഥാർത്ഥ്യം വെളിപ്പെടുത്തിയത്. അമിതയുടെ അഭിപ്രായത്തിൽ വെള്ളം ശരീരഭാരം കുറയ്ക്കാനുള്ള ഒരു മാർഗമായാണ് പലരും കാണുന്നത്. കാരണം അവയിൽ കലോറി പൂജ്യമാണ്. തണുത്ത വെള്ളം നിങ്ങളുടെ ശരീരത്തിൽ കൊഴുപ്പ് സംഭരിക്കുമെന്നത് തെറ്റായ ദാരണയാണെന്നും അവർ പറയുന്നു.
തണുത്ത വെള്ളം കുടിക്കുന്നതിലൂടെ നിങ്ങളുടെ കൊഴുപ്പ് കോശങ്ങൾ മരവിപ്പിക്കില്ലെന്നും, ചൂടുവെള്ളം കുടിക്കുന്നത് അവയെ ഉരുകില്ലെന്നും അവർ ചൂണ്ടിക്കാട്ടി. ജലാംശം നിലനിർത്തുക എന്നതാണ് യഥാർത്ഥ ലക്ഷ്യം. ആവശ്യത്തിന് വെള്ളം കുടിക്കാതെ വന്നാൽ നിർജ്ജലീകരണം മുതൽ നിരവധി ഗുരുതര പ്രശ്നങ്ങൾ നേരിടേണ്ടി വന്നേക്കാം. അതിനാൽ വെള്ളം കുടിക്കേണ്ടത് പ്രധാനമാണ്.
എന്നാൽ നല്ലൊരു ദഹനപ്രക്രിയ നിലനിർത്താൻ എപ്പോഴും ചെറുചൂടുള്ള വെള്ള കുടിക്കുന്നതാണ് നല്ലത്. അമിതമായി തണുത്ത വെള്ളം കുടിക്കുന്നത് ദഹനപ്രശ്നങ്ങൾ, തൊണ്ടവേദന, ചില സന്ദർഭങ്ങളിൽ തലവേദന എന്നിവയ്ക്ക് കാരണമാകാറുണ്ട്. എന്നാൽ, ഈ പാർശ്വഫലങ്ങൾ എല്ലാവരെയും ബാധിക്കണമെന്നില്ല.
വേനലായാൽ നിർജ്ജലീകരണവും വിവിധ ജലജന്യ രോഗങ്ങൾ പടരാനുള്ള സാധ്യതയും വളരെ കൂടുതലാണ്. അതിനാൽ തിളപ്പിച്ചാറിച്ച വെള്ളം ശീലമാക്കുന്നതാണ് നല്ലത്. തുളസി, ജാതിയില, ജീരകം തുടങ്ങിയ ഇട്ട വെള്ളം കുടിക്കുന്നതും വളരെ നല്ലതാണ്. ജലാംശം നിലനിർത്താൻ പഴങ്ങളും പച്ചക്കറികളും ധാരാളം കഴിക്കുക.
