Fish Waste Water: മീൻ കഴുകിയ വെള്ളം കളയേണ്ട, പകരം ഇങ്ങനെ ചെയ്യൂ…അത്ഭുതപ്പെടുത്തും ഗുണങ്ങൾ
Fish Waste Water Benefits: വില കൊടുത്ത് വാങ്ങിയ വളം മുതൽ വീട്ടിലെ കഞ്ഞിവെള്ളവും പച്ചക്കറി തൊലികളും വരെ ചെടിവളരാനായി ഉപയോഗിക്കാറുണ്ട്. എന്നാൽ മീൻവെള്ളവും ചെടികൾക്ക് നല്ലതാണെന്ന് അറിയാമോ?
ചെടി പരിപാലനത്തിൽ വിവിധതരം പരീക്ഷണങ്ങൾ നടത്തുന്നവരാണ് മലയാളികൾ. വില കൊടുത്ത് വാങ്ങിയ വളം മുതൽ വീട്ടിലെ കഞ്ഞിവെള്ളവും പച്ചക്കറി തൊലികളും വരെ ചെടിവളരാനായി ഉപയോഗിക്കാറുണ്ട്. എന്നാൽ മീൻവെള്ളവും ചെടികൾക്ക് നല്ലതാണെന്ന് അറിയാമോ? ഇനി മുതൽ മീൻ കഴുകിയ വെള്ളം കളയേണ്ട, പകരം ഇങ്ങനെ ഉപയോഗിക്കാം....
മീനിന്റെ തലയിലും മറ്റ് അവശിഷ്ടങ്ങളിലും ചെടിയുടെ വളർച്ചയ്ക്ക് ആവശ്യമായ നിരവധി പോഷക ഘടകങ്ങൾ അടങ്ങിയിരിക്കുന്നു. മീനിന്റെ അവശിഷ്ടങ്ങൾ ചെടിച്ചട്ടിയിലോ ഗ്രോബാഗിലോ നല്ല ആഴത്തിൽ കുഴിച്ചിട്ട ശേഷം അതിന് മുകളിൽ പച്ചക്കറി തെെകളോ പൂച്ചെടികളോ നടുന്നത് നല്ലതാണ്.
അതുപോലെ മീൻതല കുഴിച്ചിട്ടതിന് ശേഷം പുളിപ്പിച്ച കഞ്ഞിവെള്ളം വെള്ളം ചേർത്ത് ഒഴിച്ച് കൊടുക്കുന്നതും ചെടി പെട്ടെന്ന് വളരാൻ സഹായിക്കുന്നു. മീൻ വേസ്റ്റ് ഇടുന്നതിന് 10 ദിവസം മുമ്പ് കുമ്മായമിട്ട് മണ്ണിളക്കുന്നതും ചെടിക്ക് ഗുണകരമാണ്.
മീൻ കഴുകിയ വെള്ളത്തിൽ അൽപം ശർക്കര ചേർത്ത് ഒരു ദിവസം മാറ്റിവയ്ക്കുക. അടുത്തദിവസം ഇതിലേക്ക് ഇരട്ടി വെള്ളം ചേർത്ത് പച്ചക്കറി തെെകളുടെ ചുവട്ടിൽ ഒഴിച്ചുകൊടുക്കാം. ഇങ്ങനെ ചെയ്യുന്നതിലൂടെ ചെടിയിലെ മഞ്ഞളിപ്പ്, തെെ മുരടിപ്പ്, കായ് ഫലം ഇല്ലാതിരിക്കുക തുടങ്ങിയ പ്രശ്നങ്ങൾ പരിഹാരിക്കാം.
നട്ട ചെടികളിൽ ഇടയ്ക്ക് മീൻ കഴുകിയ വെള്ളം ഒഴിച്ച് കൊടുക്കാം. വേര് പൊട്ടാതെ ചെടിയുടെ ചുവട്ടിൽ കുഴി കുഴിച്ചിട്ട് വേണം ഇത്തരത്തിൽ വെള്ളം ഒഴിക്കാൻ. ഇത് ചെടിക്ക് ഗുണം ചെയ്യുന്നു. (Image Credit: Getty Images)
