Sugarless tea: ചായ വിത്തൗട്ട് ആക്കിയാൽ മാത്രം മതി ഷുഗർ കുറയുമെന്ന് ആരു പറഞ്ഞു… ഇതുകൂടി ശ്രദ്ധിക്കണം
Health tips for diabetic patients: ആരോഗ്യകരമായ ഭക്ഷണരീതി പിന്തുടർന്നും, കൃത്യമായ വ്യായാമത്തിലൂടെയും ശരീരഭാരം നിയന്ത്രിച്ചും പ്രമേഹത്തെ ഫലപ്രദമായി പ്രതിരോധിക്കാൻ സാധിക്കും.
പ്രമേഹരോഗം നിയന്ത്രിക്കുന്നതിന്റെ ഭാഗമായി മധുരം ഒഴിവാക്കിയുള്ള ചായ കുടിക്കുന്നവരുടെ എണ്ണം വർധിച്ചിട്ടുണ്ട്. എന്നാൽ, മധുരമില്ലാത്ത ചായ മാത്രം കുടിച്ചതുകൊണ്ട് പ്രയോജനമില്ല. ചായയോടൊപ്പം കഴിക്കുന്ന പലഹാരങ്ങളിലൂടെ ശരീരത്തിലെത്തുന്ന കലോറിയും ഗ്ലൂക്കോസും ഒഴിവാക്കിയ പഞ്ചസാരയേക്കാൾ കൂടുതലായിരിക്കും.
ഒരു കപ്പ് പാൽച്ചായയിൽ രണ്ട് ടീസ്പൂൺ പഞ്ചസാരയുണ്ടെങ്കിൽ ഏകദേശം 75 കലോറി ഊർജ്ജം ലഭിക്കും. മധുരം ഒഴിവാക്കിയാൽ ഇത് 40-45 കലോറിയായി കുറയും. എന്നാൽ, ഈ ചായയ്ക്കൊപ്പം കഴിക്കുന്ന പലഹാരങ്ങളിൽ നിന്നുള്ള ഊർജ്ജം ഇതിലും വളരെ കൂടുതലാണ്. ഉദാഹരണത്തിന്, ഒരു പഴംപൊരിയിൽ നിന്ന് ഏകദേശം 180 കലോറിയും, ഒരു പരിപ്പുവടയിൽ നിന്ന് ഏകദേശം 150 കലോറിയും ഊർജ്ജം ലഭിക്കുന്നു.
ദിവസവും രണ്ടോ അതിലധികമോ ചായ കുടിക്കുന്ന ഒരാൾക്ക്, പലഹാരങ്ങൾ കൂടി കഴിക്കുമ്പോൾ ശരീരത്തിലെത്തുന്ന കലോറിയുടെ അളവ് വളരെ വലുതാണ്.
കൊഴുപ്പ് കൂടുതലുള്ള ഇത്തരം ഭക്ഷണങ്ങൾ പ്രമേഹരോഗിയുടെ രക്തത്തിലെ ഗ്ലൂക്കോസിന്റെ അളവ് കൂട്ടാനും, ഇൻസുലിൻ പ്രതിരോധശേഷി കുറയ്ക്കാനും, കൊളസ്ട്രോൾ വർദ്ധിപ്പിക്കാനും കാരണമാകും.
അതുകൊണ്ട്, പ്രമേഹം നിയന്ത്രിക്കാൻ ആഗ്രഹിക്കുന്നവർ വിത്തൗട്ട് ചായയ്ക്കൊപ്പം പലഹാരങ്ങൾ കഴിക്കുന്നത് ഒഴിവാക്കേണ്ടത് അത്യാവശ്യമാണ്. ആരോഗ്യകരമായ ഭക്ഷണരീതി പിന്തുടർന്നും, കൃത്യമായ വ്യായാമത്തിലൂടെയും ശരീരഭാരം നിയന്ത്രിച്ചും പ്രമേഹത്തെ ഫലപ്രദമായി പ്രതിരോധിക്കാൻ സാധിക്കും.
