Holiday Heart Syndrome: അവധിയാണ്, അടിച്ചുപൊളിയ്ക്കുമ്പോൾ ശ്രദ്ധിക്കണം, ഹോളിഡേ ഹാർട്ട് സിൻഡ്രം പ്രശ്നമായേക്കാം
Hidden Holiday Risk: മദ്യപാനത്തിൽ മിതത്വം പാലിക്കുക, ധാരാളം വെള്ളം കുടിക്കുക, കൃത്യമായ ഉറക്കം ഉറപ്പാക്കുക, ലഘുവായ വ്യായാമങ്ങളിൽ ഏർപ്പെടുക എന്നിവയിലൂടെ ഇത് ഒഴിവാക്കാം. ഹൃദ്രോഗമുള്ളവർ ഡോക്ടർ നിർദ്ദേശിച്ച മരുന്നുകൾ മുടങ്ങാതെ കഴിക്കാൻ പ്രത്യേകം ശ്രദ്ധിക്കണം.
അവധിക്കാലത്തെ അമിതാവേശവും ജീവിതശൈലീ മാറ്റങ്ങളും കാരണം ഹൃദയമിടിപ്പ് ക്രമരഹിതമാകുന്ന അവസ്ഥയാണ് ഹോളിഡേ ഹാർട്ട് സിൻഡ്രോം . 1978-ൽ ആദ്യമായി തിരിച്ചറിഞ്ഞ ഈ പ്രശ്നം, ആഘോഷവേളകളിലെ അമിത മദ്യപാനവുമായാണ് പ്രധാനമായും ബന്ധപ്പെട്ടിരിക്കുന്നത്.
ശാസ്ത്രീയമായി 'ഏട്രിയൽ ഫൈബ്രില്ലേഷൻ' എന്ന് വിളിക്കപ്പെടുന്ന ഈ അവസ്ഥയിൽ ഹൃദയത്തിന്റെ മുകളിലെ അറകൾ ക്രമരഹിതമായി വിറയ്ക്കുകയോ ചുരുങ്ങുകയോ ചെയ്യുന്നു. ഇത് ഹൃദയത്തിനുള്ളിൽ രക്തം കട്ടപിടിക്കാനും, ആ കട്ടകൾ തലച്ചോറിലെത്തി സ്ട്രോക്കിന് (Stroke) കാരണമാകാനും ഇടയാക്കിയേക്കാം.
അസാധാരണമാംവിധം ഹൃദയമിടിപ്പ് കൂടുക, നെഞ്ചുവേദന, ശ്വാസതടസ്സം, കഠിനമായ ക്ഷീണം, തലകറക്കം അല്ലെങ്കിൽ ബോധക്ഷയം എന്നിവയാണ് ഈ സിൻഡ്രോമിന്റെ പ്രധാന ലക്ഷണങ്ങൾ.
ഉയർന്ന കലോറി അടങ്ങിയ ഭക്ഷണം അമിതവേഗത്തിൽ കഴിക്കുന്നതും, അമിതമായ മദ്യപാനവുമാണ് ഇതിലേക്ക് നയിക്കുന്നത്. കൂടാതെ ആഘോഷങ്ങൾക്കിടയിലെ ഉറക്കമില്ലായ്മയും കടുത്ത മാനസിക സമ്മർദ്ദവും ഹൃദയത്തിന് ആഘാതമുണ്ടാക്കുന്നു.
മദ്യപാനത്തിൽ മിതത്വം പാലിക്കുക, ധാരാളം വെള്ളം കുടിക്കുക, കൃത്യമായ ഉറക്കം ഉറപ്പാക്കുക, ലഘുവായ വ്യായാമങ്ങളിൽ ഏർപ്പെടുക എന്നിവയിലൂടെ ഇത് ഒഴിവാക്കാം. ഹൃദ്രോഗമുള്ളവർ ഡോക്ടർ നിർദ്ദേശിച്ച മരുന്നുകൾ മുടങ്ങാതെ കഴിക്കാൻ പ്രത്യേകം ശ്രദ്ധിക്കണം.
