Golden raisins: വെയിലത്തിട്ടല്ല ഈ ഉണക്കമുന്തിരി ഉണ്ടാക്കുന്നത്! പിന്നെയോ?
How Golden Raisins Are Processed: സാധാരണ ഉണക്കമുന്തിരിയെപ്പോലെ വെയിലത്ത് ഇട്ട് നേരിട്ട് ഉണക്കുകയല്ല മഞ്ഞമുന്തിരിയുടെ കാര്യത്തിൽ ചെയ്യുന്നത്. കറുത്ത നിറം വരാതെ മനോഹരമായ സ്വർണ്ണനിറം നിലനിർത്താൻ പ്രത്യേക രീതികളാണ് ഉപയോഗിക്കുന്നത്.
മഞ്ഞ ഉണക്കമുന്തിരി അഥവാ ഗോൾഡൻ റെയ്സിൻസ് പച്ചമുന്തിരിയിൽ നിന്നാണ് ഉണ്ടാക്കുന്നത്. എന്നാൽ ഇവ സാധാരണ ഉണക്കമുന്തിരിയെപ്പോലെ വെയിലത്ത് ഇട്ട് നേരിട്ട് ഉണക്കുകയല്ല ചെയ്യുന്നത്. കറുത്ത നിറം വരാതെ മനോഹരമായ സ്വർണ്ണനിറം നിലനിർത്താൻ പ്രത്യേക രീതികളാണ് ഉപയോഗിക്കുന്നത്.
മുന്തിരി തിരഞ്ഞെടുക്കൽ: നല്ല മധുരമുള്ള പച്ചമുന്തിരിയാണ് ഇതിനായി ഉപയോഗിക്കുന്നത്. അതിൽ പ്രധാനം പ്രധാനമായും തോംസൺ സീഡ്ലെസ്സ് ആണ്.
സൾഫർ ഡയോക്സൈഡ് ട്രീറ്റ്മെന്റ്: മുന്തിരിയുടെ പുറത്തെ മെഴുക് പാളി നീക്കം ചെയ്യാനും ഉണങ്ങുമ്പോൾ നിറം കറുപ്പായി പോകാതിരിക്കാനും ഇവയെ സൾഫർ ഡയോക്സൈഡ് പുകയിൽ വെക്കുന്നു. ഇതാണ് ആ സ്വർണ്ണനിറം നിലനിർത്താൻ സഹായിക്കുന്നത്. അതിനാൽ ഇവ കഴിക്കുന്നതിന് മുൻപ് നന്നായി കഴുകുന്നത് രാസവസ്തുക്കളുടെ അംശം നീക്കം ചെയ്യാൻ സഹായിക്കും.
മെക്കാനിക്കൽ ഡ്രയർ: സാധാരണ ഉണക്കമുന്തിരികൾ വെയിലത്ത് ഇട്ടാണ് ഉണക്കുന്നത്. എന്നാൽ മഞ്ഞ മുന്തിരികൾ താപനില നിയന്ത്രിക്കാവുന്ന വലിയ ഡ്രയറുകളിൽ വെച്ചാണ് ഉണക്കുന്നത്. വെയിൽ നേരിട്ട് ഏൽക്കാത്തതിനാൽ നിറം മാറില്ല.
ഈർപ്പം നീക്കൽ: ഏകദേശം 15-20 മണിക്കൂർ കൊണ്ട് ഈർപ്പം പൂർണ്ണമായും നീക്കം ചെയ്ത് ഇവ ഉണങ്ങിയ അവസ്ഥയിലാക്കുന്നു.
