Joint Pain Relief: സിമ്പിളാണ്…. തണുപ്പുകാലത്ത് സന്ധി വേദന കുറയ്ക്കാൻ ചെയ്യേണ്ടത് ഇത്രമാത്രം
Joint Pain During The Winter Season: ണുത്ത താപനില പേശികൾ മുറുകുന്നതിന് കാരണമാകുകയും ഇത് സന്ധികളിൽ ചലനശേഷി കുറയ്ക്കുകയും ചെയ്യുമ്പോഴാണ് കഠിനമായ വേദന അനുഭവപ്പെടുന്നത്. വ്യായാമമില്ലായ്മ, അമിതവണ്ണം, മരുന്നുകളുടെ അമിതോപയോഗം എന്നിവയൊക്കെ ഇതിൻ്റെ പ്രധാന കാരണമാണ്.
തണുപ്പുകാലത്ത് പല രോഗങ്ങളും നമ്മേ തേടി എത്തുന്നു. പനി, ജലദോഷം, ചുമ, അലർജി പ്രശ്നങ്ങൾ, സന്ധി വേദന എന്നിവയാണ് കൂടുതലായി കണ്ടുവരുന്നത്. അതിൽ ഏറ്റവും കൂടുതൽ ആളുകളെ ബാധിക്കുന്ന ഒന്നാണ് സന്ധിവേദന. വ്യായാമമില്ലായ്മ, അമിതവണ്ണം, മരുന്നുകളുടെ അമിതോപയോഗം എന്നിവയൊക്കെ ഇതിൻ്റെ പ്രധാന കാരണമാണ്. (Image Credits: Getty Images)
എന്നാൽ ലളിതമായ ജീവിതശൈലി മാറ്റങ്ങളിലൂടെ, നിങ്ങൾക്ക് സന്ധിവേദന കുറയ്ക്കാൻ സാധിക്കുന്നതാണ്. തണുത്ത താപനില പേശികൾ മുറുകുന്നതിന് കാരണമാകുകയും ഇത് സന്ധികളിൽ ചലനശേഷി കുറയ്ക്കുകയും ചെയ്യുമ്പോഴാണ് കഠിനമായ വേദന അനുഭവപ്പെടുന്നത്. എന്നാൽ കഴിവതും ചൂടുള്ള അന്തരീക്ഷം സൃഷ്ടിക്കുക. വസ്ത്രങ്ങൾ ധരിച്ചും, രാവിലെ ചെറുചൂടുള്ള വെള്ളത്തിൽ കുളിക്കുന്നതും നല്ലതാണ്. (Image Credits: Getty Images)
തണുപ്പുകാലത്ത് ആരോഗ്യകരമായ ഭക്ഷണക്രമം ശീലമാക്കുക എന്നത് പ്രധാനമായി ശ്രദ്ധിക്കേണ്ട മാറ്റൊരു കാര്യമാണ്. കാരണം കൂടുതൽ ഭക്ഷണം കഴിക്കുകയും ശരീരഭാരം കൂടുകയും ചെയ്യുന്നത് സന്ധികളിൽ സമ്മർദ്ദത്തിന് കാരണമാകുകയും വേദനയുണ്ടാകുകയും ചെയ്യുന്നു. ഒമേഗ-3 ഫാറ്റി ആസിഡുകൾ, പഴങ്ങൾ, ഇലക്കറികൾ, മഞ്ഞൾ, ഇഞ്ചി എന്നിവ ധാരാളം കഴിക്കുക. (Image Credits: Getty Images)
തണുപ്പുകാലത്ത് സൂര്യപ്രകാശം കുറവായതിനാൽ വിറ്റാമിൻ ഡിയുടെ കുറവുണ്ടാകാനുള്ള സാധ്യത കൂടുതലാണ്. ഇത് സന്ധി വേദനയ്ക്കും കാരണമാകുന്നു. അതിനാൽ വൈറ്റമിൻ ഡിയടങ്ങിയ ഭക്ഷണങ്ങൾ ശീലമാക്കുക. ചെറിയ വ്യായാമങ്ങൾ പതിവായി ചെയ്യുന്നത് വളരെ നല്ലതാണ്. ശരീരഭാരം ചെറുതായി കുറയുന്നത് പോലും സന്ധികളിലെ ആയാസവും അസ്വസ്ഥതയും കുറയ്ക്കുന്നു. (Image Credits: Getty Images)
വിട്ടുമാറാത്ത സമ്മർദ്ദവും ഉറക്കക്കുറവും വേദന വർദ്ധിപ്പിക്കും. ഉറക്കം മെച്ചപ്പെടുത്തുക. ശരിയായ ജീവിത ശൈലിയിലൂടെ നിങ്ങൾക്ക് തണുപ്പുകാലത്ത് ഉണ്ടാകുന്ന സന്ധിവേദന ഒരു പരിധി വരെ കുറയ്ക്കാവുന്നതാണ്. എന്നാൽ സന്ധി വേദന സ്ഥിരമായി തുടരുകയാണെങ്കിൽ, ഒരു ഓർത്തോപീഡിക് സ്പെഷ്യലിസ്റ്റിനെ സമീപിക്കുക. (Image Credits: Getty Images)
