Kidney failure Signs: നിങ്ങളുടെ വൃക്ക പെർഫെക്ടാണോ? മൂത്രം നോക്കി മനസ്സിലാക്കേണ്ടത് ഇങ്ങനെ
How Your Urine Reveals Your Kidney Health: ലളിതമായ ഒരു യൂറിൻ ടെസ്റ്റിലൂടെ വൃക്കരോഗങ്ങൾ മാത്രമല്ല, മൂത്രാശയ കാൻസർ വരെ നേരത്തെ തിരിച്ചറിയാൻ സാധിക്കും.
മൂത്രത്തിന്റെ നിറം നോക്കി നിങ്ങളുടെ വൃക്കയുടെ ആരോഗ്യം വിലയിരുത്താം. പിങ്ക് അല്ലെങ്കിൽ കടും ചുവപ്പ് നിറത്തിലാണെങ്കിൽ അത് വൃക്കയിലെ കല്ലിന്റെയോ അണുബാധയുടെയോ ലക്ഷണമാകാം എന്നാണ് വിദഗ്ധർ പറയുന്നത്. കടുത്ത മഞ്ഞ നിറം കരൾ സംബന്ധമായ പ്രശ്നങ്ങളെ സൂചിപ്പിക്കുന്നു.
മൂത്രത്തിൽ അമിതമായി പത കാണപ്പെടുന്നത് ശരീരത്തിൽ നിന്ന് പ്രോട്ടീൻ (അൽബുമിൻ) നഷ്ടപ്പെടുന്നതിന്റെ സൂചനയാണ്. വൃക്കകൾക്ക് തകരാർ സംഭവിക്കുമ്പോഴാണ് ഇത്തരത്തിൽ പ്രോട്ടീൻ പുറന്തള്ളപ്പെടുന്നത്.
മൂത്രത്തിന് അസാധാരണമായ രൂക്ഷഗന്ധം അനുഭവപ്പെടുന്നത് അണുബാധയെ സൂചിപ്പിക്കുന്നു. മൂത്രത്തിൽ പരലുകൾ കാണപ്പെടുന്നത് ശരീരത്തിൽ യൂറിക് ആസിഡ് അധികമാകുന്നതിന്റെ ലക്ഷണമാണ്.
മൂത്രമൊഴിച്ച സ്ഥലത്തിന് ചുറ്റും ഉറുമ്പുകൾ വരുന്നുണ്ടെങ്കിൽ അത് പ്രമേഹത്തിനുള്ള സാധ്യതയെയാണ് കാണിക്കുന്നത്.
ലളിതമായ ഒരു യൂറിൻ ടെസ്റ്റിലൂടെ വൃക്കരോഗങ്ങൾ മാത്രമല്ല, മൂത്രാശയ കാൻസർ വരെ നേരത്തെ തിരിച്ചറിയാൻ സാധിക്കും. അതിനാൽ മാറ്റങ്ങൾ കണ്ടാൽ ഉടൻ ഡോക്ടറെ കാണുക.
