Jackfruit: ഉറങ്ങരുത്… വെള്ളം കുടിക്കരുത്.. ചക്ക കഴിച്ചു കഴിഞ്ഞു ശ്രദ്ധിക്കേണ്ട കാര്യങ്ങൾ
Jackfruit Health Tips: കലോറിയും പഞ്ചസാരയും കൂടുതലുള്ള ഫലമായതിനാൽ ചക്കയ്ക്ക് പിന്നാലെ എണ്ണമയമുള്ള ഭക്ഷണങ്ങൾ കഴിക്കുന്നത് പ്രമേഹരോഗികളിൽ രക്തത്തിലെ പഞ്ചസാരയുടെ അളവ് ഉയരാനും ശരീരഭാരം കൂടാനും കാരണമാകും.
ചക്ക കഴിച്ച ഉടൻ ചെയ്യാൻ പാടില്ലാത്ത ചില കാര്യങ്ങളുണ്ട്. അതിൽ പ്രധാനം അമിതമായി വെള്ളം കുടിക്കരുത് എന്നതാണ്. ഇത് ദഹനപ്രശ്നങ്ങൾക്കും വയറുവേദനയ്ക്കും കാരണമാകും. അതുപോലെ പാലും പാലുൽപ്പന്നങ്ങളും ചക്കയ്ക്കൊപ്പം കഴിക്കുന്നത് അലർജിയിലേക്കും ചർമ്മപ്രശ്നങ്ങളിലേക്കും നയിക്കാൻ സാധ്യതയുണ്ട്.
ഐസ്ക്രീം, സോഫ്റ്റ് ഡ്രിങ്ക്സ് തുടങ്ങിയ തണുത്ത പാനീയങ്ങൾ ചക്ക കഴിച്ച ഉടൻ ഉപയോഗിക്കുന്നത് ശരീരത്തിലെ താപനിലയിൽ പെട്ടെന്ന് മാറ്റമുണ്ടാക്കുകയും ജലദോഷം, തൊണ്ടവേദന എന്നിവയ്ക്ക് കാരണമാവുകയും ചെയ്യും.
ചക്ക ദഹിക്കാൻ കൂടുതൽ സമയം ആവശ്യമായതിനാൽ കഴിച്ച ഉടൻ ഉറങ്ങാൻ പോകുന്നത് നെഞ്ചെരിച്ചിലിനും അസിഡിറ്റിക്കും കാരണമാകും. കഴിച്ച ശേഷം അല്പനേരം നടക്കുന്നത് ദഹനം എളുപ്പമാക്കും.
കലോറിയും പഞ്ചസാരയും കൂടുതലുള്ള ഫലമായതിനാൽ ചക്കയ്ക്ക് പിന്നാലെ എണ്ണമയമുള്ള ഭക്ഷണങ്ങൾ കഴിക്കുന്നത് പ്രമേഹരോഗികളിൽ രക്തത്തിലെ പഞ്ചസാരയുടെ അളവ് ഉയരാനും ശരീരഭാരം കൂടാനും കാരണമാകും.
ആരോഗ്യകരമാണെങ്കിലും ചക്ക അമിതമായി കഴിക്കുന്നത് വയറിൽ ഗ്യാസ് നിറയാനും ശരീരചൂട് വർധിക്കാനും ഇടയാക്കും. അതിനാൽ മിതമായ അളവിൽ മാത്രം കഴിക്കാൻ ശ്രദ്ധിക്കുക.
