Malayalam OTT Releases : ലോകഃ മുതൽ മിറാഷ് വരെ; ഒക്ടോബറിൽ ഇനി ഒടിടിയിൽ വരാനിരിക്കുന്ന ചിത്രങ്ങൾ
October Malayalam OTT Releases : ഒക്ടോബർ മാസത്തിൽ നിരവധി ചിത്രങ്ങളാണ് ഒടിടി റിലീസിനായി കാത്തിരിക്കുന്നത്. ഏറ്റവും സെപ്റ്റംബറിൽ റിലീസായ സിനിമകളും ഈ പട്ടികയിലുണ്ട്
എല്ലാ മാസത്തിലെ പോലെ ഒക്ടോബറിൽ നിറയെ ചിത്രങ്ങളാണ് ഒടിടി റിലീസിനായി തയ്യാറെടുക്കുന്നത്. പൂജയോട് അനുബന്ധിച്ച് ഒക്ടോബർ മാസത്തിൻ്റെ തുടക്കത്തിൽ തന്നെ ഏതാനും ചിത്രങ്ങൾ ഒടിടിയിൽ എത്തിയിരുന്നു. ഇനി ഈ മാസം ഒടിടിയിൽ എത്താൻ പോകുന്ന ചിത്രങ്ങൾ ഏതെല്ലാമാണെന്ന് പരിശോധിക്കാം
ആസിഫ് അലിയുടെ രണ്ട് ചിത്രങ്ങളാണ് ഒക്ടോബർ മാസത്തിൽ ഒടിടിയിൽ എത്തുന്നത്. ഒന്ന് ആഭ്യന്തര കുറ്റവാളി എന്ന ചിത്രമാണ്. ചിത്രം സീ5ൽ ഒക്ടോബർ 18-ാം തീയതി മുതൽ സംപ്രേഷണം ചെയ്യും
രണ്ടാമത്തെ ചിത്രം മിറാഷാണ്. ജീത്തു ജോസഫ്-ആസിഫ് അലി കൂട്ടുകെട്ടിൽ ഒരുങ്ങിയ ചിത്രം സോണി ലിവിൽ ഒക്ടോബർ 23-ാം തീയതി മുതൽ സംപ്രേഷണം ചെയ്യും.
നിവിൻ പോളി നായകനായി എത്തുന്ന ഫാർമ എന്ന വെബ് സീരീസാണ് ഒക്ടോബറിലെ ഒടിടിയുടെ മറ്റ് ആകർഷണീയത. ജിയോ ഹോട്ട്സ്റ്റാർ സ്പെഷ്യലായ വെബ് സീരീസ് ഒക്ടോബർ അവസാനത്തോടെ സംപ്രേഷണം ചെയ്യും
തിയറ്ററുകളിൽ തരംഗമായി മാറിയ ലോകഃ സിനിമയും ഈ മാസം തന്നെ ഒടിടിയിൽ എത്തിയേക്കും. ജിയോ ഹോട്ട്സ്റ്ററാണ് ലോകഃ സിനിമയുടെ ഒടിടി അവകാശം സ്വന്തമാക്കിയിരിക്കുന്നത്.
തെലുങ്ക് സൂപ്പർ താരം ജൂനിയർ എൻടിആറും ഹൃത്വിക് റോഷനും ഒന്നിച്ചു സ്പൈ ആക്ഷൻ ത്രില്ലർ ചിത്രം വാർ 2 ഈ മാസം ഒടിടിയിൽ എത്തും. നെറ്റ്ഫ്ലിക്സാണ് വാർ 2 സിനിമയുടെ ഒടിടി അവകാശം സ്വന്തമാക്കിയിരിക്കുന്നത്. ഒക്ടോബർ ഒമ്പതിന് റിലീസാകും. ചിത്രം മലയാളത്തിലും സംപ്രേഷണം ചെയ്യും.
