പറഞ്ഞ പോലെ തന്നെ! 9000mAh ബാറ്ററി, 200MP ക്യാമറ; വൺപ്ലസ് എയ്സ് 7 പ്രോ ലോഞ്ച് ചെയ്തു
OnePlus Ace 7 Pro launched: വൺപ്ലസ് എയ്സ് സീരീസിലേക്ക് വൺപ്ലസ് എയ്സ് 7 പ്രോ മോഡൽ ലോഞ്ച് ചെയ്തു. വൺപ്ലസ് എയ്സ് 7 മോഡലിന് ഒപ്പമാണ് പുതിയ പ്രോ മോഡലും ചൈനയിൽ ലോഞ്ച് ചെയ്തിരിക്കുന്നത്. വൺപ്ലസ് എയ്സ് 7 പ്രോ 12GB + 256GB അ‌ടിസ്ഥാന വേരിയന്റിന് 4799 യുവാൻ (ഏകദേശം 68,570 രൂപ) ആണ് വില.
വൺപ്ലസ് എയ്സ് സീരീസിലേക്ക് വൺപ്ലസ് എയ്സ് 7 പ്രോ (OnePlus Ace 7 Pro) മോഡൽ ലോഞ്ച് ചെയ്തു. വൺപ്ലസ് എയ്സ് 7 മോഡലിന് ഒപ്പമാണ് പുതിയ പ്രോ മോഡലും ചൈനയിൽ ലോഞ്ച് ചെയ്തിരിക്കുന്നത്. ഇത് ഇന്ത്യയിൽ റീബ്രാൻഡ് ചെയ്ത് അ‌വതരിപ്പിക്കപ്പെടും എന്ന് കരുതുന്നു. പെർഫോമൻസിന് പ്രാധാനം നൽകിക്കൊണ്ടാണ് ഈ ഫോൺ അ‌വതരിപ്പിച്ചിരിക്കുന്നത്. ലോഞ്ചിന് മുൻപ് പറഞ്ഞതുപോലെ തന്നെ 9000mAh ബാറ്ററി, 200MP ക്യാമറ ഉൾപ്പെടെയുള്ള ശക്തമായ ഫീച്ചറുകൾ ഇതിലുണ്ട്. (Image credit: OnePlus)
ശക്തമായ പ്രോസസറും 50 മെഗാപിക്സൽ പെരിസ്‌കോപ്പ് ടെലിഫോട്ടോ ലെൻസും ഉണ്ട് എന്നതാണ് വൺപ്ലസ് എയ്സ് 7 പ്രോ മോഡലിനെ സ്റ്റാന്റേർഡ് മോഡലിൽ നിന്ന് വ്യത്യസ്തമാക്കുന്ന പ്രധാന കാരണങ്ങൾ. ഡിസ്‌പ്ലേ പാനലുകൾ, കൂളിംഗ് സംവിധാനങ്ങൾ, ബാറ്ററി ശേഷി, ചാർജിംഗ് വേഗത, അൾട്രാസോണിക് ഫിംഗർപ്രിന്റ് സെൻസർ, ഈട് ഉൾപ്പെടെയുള്ള ഫീച്ചറുകൾ ഇരുമോഡലുകളിലും സമാനമാണ്.
പ്രധാന ഫീച്ചറുകൾ: 6.78 ഇഞ്ച് 1.5K AMOLED ഡിസ്‌പ്ലേ, 1-165Hz റിഫ്രഷ് റേറ്റ് (ഗെയിമിംഗിന് 185Hz വരെ), 1000 നിറ്റ്‌സ് വരെ സാധാരണ ബ്രൈറ്റ്‌നസ്, 2000 നിറ്റ്‌സ് വരെ പീക്ക് ബ്രൈറ്റ്‌നസ്, 3840Hz വരെ PWM ഡിമ്മിംഗ് എന്നിവയാണ് ഡിസ്പ്ലേയുമായി ബന്ധപ്പെട്ട് ഈ പ്രോ മോഡലിലെ പ്രധാന ഫീച്ചറുകൾ.
കരുത്ത്: ഒക്ടാ കോർ സ്‌നാപ്ഡ്രാഗൺ 8 എലൈറ്റ് Gen 5 3nm പ്രോസസർ ആണ് ഈ പ്രോ മോഡലിന്റെ കരുത്ത്. Adreno 840 GPU, 12GB / 16GB LPDDR5X റാം, 256GB / 512GB / 1TB UFS 4.1 സ്റ്റോറേജ് എന്നിവ ഇതിലുണ്ട്. ആൻഡ്രോയിഡ് 17 അ‌ടിസ്ഥാനമാക്കിയുള്ള ColorOS 17-ൽ ആണ് പ്രവർത്തനം.
ക്യാമറ: 200MP മെയിൻ ക്യാമറ (f/1.8 അപ്പേർച്ചർ, OIS), 50MP 3.5x ടെലിഫോട്ടോ ക്യാമറ (f/2.8 അപ്പേർച്ചർ, OIS), 4K 60 fps വീഡിയോ റെക്കോർഡിംഗ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും മറ്റുമായി 16MP ഫ്രണ്ട് ക്യാമറയും (f/2.4 അപ്പേർച്ചർ) ഇതിലുണ്ട്.
ബാറ്ററി, മറ്റ് ഫീച്ചറുകൾ: 100W SuperVOOC ഫാസ്റ്റ് ചാർജിംഗിനൊപ്പം 9000mAh ബാറ്ററിയാണ് ഇതിലുള്ളത്. ഇൻ ഡിസ്‌പ്ലേ അൾട്രാസോണിക് ഫിംഗർപ്രിന്റ് സെൻസർ, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, IP66/68/69/69K റേറ്റിങ് എന്നിവയാണ് മറ്റ് പ്രധാന ഫീച്ചറുകൾ. വിൻഡ്‌ബ്രേക്കർ, ഫ്ലോയിംഗ് വൈറ്റ്, മിഡ്‌നൈറ്റ് ബ്ലാക്ക് എന്നിവയാണ് കളർ ഓപ്ഷനുകൾ.
വില: വൺപ്ലസ് എയ്സ് 7 പ്രോ 12GB + 256GB: 4799 യുവാൻ (ഏകദേശം 68,570 രൂപ), 16GB + 256GB: 5299 യുവാൻ (ഏകദേശം 75,715 രൂപ), 12GB + 512GB: 5599 യുവാൻ (ഏകദേശം 80,005 രൂപ), 16GB + 512GB: 5999 യുവാൻ (ഏകദേശം 85,720 രൂപ), 16GB + 1TB: 7299 യുവാൻ (ഏകദേശം 1,04,295 രൂപ) എന്നിങ്ങനെയാണ് വില.
