Perfume Vs Deodorant : പെർഫ്യൂമും ഡിയോഡറൻ്റും തമ്മിലുള്ള വ്യത്യാസമറിയാമോ?
Perfume Vs Deodorant : സാധാരണയായി ആളുകൾ വേനൽക്കാലത്ത് വിയർപ്പിൻ്റെ ഗന്ധം അകറ്റാനോ പാർട്ടിയിലും ഓഫീസിലും സുഹൃത്തുക്കൾക്കിടയിലും ഫ്രഷ് ആയി തോന്നുന്നതിനോ വേണ്ടി പെർഫ്യൂം അല്ലെങ്കിൽ ഡിയോഡറൻ്റ് ഉപയോഗിക്കുന്നു. മിക്ക ആളുകളും ഇത് അവരുടെ ദിനചര്യയിൽ ഉൾപ്പെടുത്തിയിട്ടുണ്ട്. ഡിയോഡറൻ്റും പെർഫ്യൂമും രണ്ട് വ്യത്യസ്ത തരം ഉൽപ്പന്നങ്ങളാണെന്ന് നിങ്ങൾക്കറിയാമോ?
ചില പെർഫ്യൂമുകളിൽ 25 ശതമാനം വരെ പെർഫ്യൂം എസ്സെൻസ് അടങ്ങിയിട്ടുണ്ടെങ്കിലും ഡിയോഡറൻ്റുകളിൽ 1-2 ശതമാനം പെർഫ്യൂം എസ്സെൻസ് മാത്രമേ അടങ്ങിയിട്ടുള്ളൂ. ഇക്കാരണത്താൽ, ഒരു പെർഫ്യൂമിൻ്റെ ഗന്ധം ഡിയോയേക്കാൾ ശക്തമാണ്.
ഒരു ഡിയോഡറൻ്റിൻ്റെ സുഗന്ധം 4 മണിക്കൂറിൽ കൂടുതൽ നീണ്ടുനിൽക്കില്ല. ഒരു പെർഫ്യൂമിൻ്റെ സുഗന്ധം ഏകദേശം 12 മണിക്കൂറോളം നീണ്ടു നിൽക്കും.
ശരീരത്തിൽ നിന്ന് വിയർപ്പിൻ്റെ ദുർഗന്ധം അകറ്റാൻ പെർഫ്യൂം വളരെ ഫലപ്രദമാണ്. എന്നാൽ വിയർപ്പുള്ളപ്പോൾ ഇത് ഗുണം ചെയ്യില്ല. ഡിയോഡറൻ്റിൽ ആൻ്റി-പെർസ്പിറൻ്റ് എന്ന ഘടകം അടങ്ങിയിട്ടുണ്ട്, ഇത് ശരീരത്തിലെ വിയർപ്പ് ആഗിരണം ചെയ്യും. അതിനാൽ കൂടുതൽ നേരം ഫ്രഷ് ആയി അനുഭവപ്പെടുകയും ചെയ്യും.
പെർഫ്യൂം ചർമ്മത്തിൽ നേരിട്ട് സ്പ്രേ ചെയ്യുന്നത് വളരെ ദോഷകരമാണ്. അതുകൊണ്ട് എപ്പോഴും വസ്ത്രത്തിലാണ് ഇത് സ്പ്രേ ചെയ്യേണ്ടത്. ഡിയോഡറൻ്റ് ചർമ്മത്തിലേക്ക് നേരിട്ട് പ്രയോഗിക്കാം.
ഡിയോഡറൻ്റുകളും പെർഫ്യൂമുകളും തമ്മിൽ വിലയിലും വലിയ വ്യത്യാസമുണ്ട്. ഡിയോഡറൻ്റുകൾ പൊതുവെ വളരെ കുറഞ്ഞ വിലയിൽ വിപണിയിൽ ലഭ്യമാണ്.
