Successor of Pope Francis: ഫ്രാൻസിസ് മാർപാപ്പയുടെ പിൻഗാമി ആരാകും? സാധ്യതയുള്ള സ്ഥാനാർത്ഥികൾ ഇവരൊക്കെ
Who will be the next pope: ഫ്രാൻസിസ് മാർപ്പയുടെ പിൻഗാമി ആരാകുമെന്നാണ് വിശ്വാസികൾ ഉറ്റുനോക്കുന്നത്. അടുത്ത പോപ്പ് ആകാൻ സാധ്യതയുള്ള ചില സ്ഥാനാർത്ഥികളെ പരിചയപ്പെടാം.
കർദ്ദിനാൾ പിയട്രോ പരോളിൻ: ഫ്രാൻസിസ് മാർപ്പാപ്പയുടെ പിൻഗാമിയാകാൻ സാധ്യതയുള്ള കർദ്ദിനാൾ പിയട്രോ പരോളിൻ നിലവിൽ പോപ്പിന്റെ സ്റ്റേറ്റ് സെക്രട്ടറിയാണ്. 70 വയസ്സുള്ള പരോളിൻ വത്തിക്കാന്റെ ഏറ്റവും പരിചയസമ്പന്നരായ പുരോഹിതരിൽ ഒരാളാണ്, കൂടാതെ ചൈനയുമായും മിഡിൽ-ഈസ്റ്റിലെ രാജ്യങ്ങളുമായും ചർച്ചകളിൽ പങ്കെടുത്തിട്ടുള്ള നയതന്ത്ര പരിചയവും അദ്ദേഹത്തിനുണ്ട്.
കർദ്ദിനാൾ പീറ്റർ ടർക്സൺ: വത്തിക്കാന്റെ സാമൂഹിക നീതി വൃന്തങ്ങളിൽ അറിയപ്പെടുന്ന, ഘാനയിലെ കർദ്ദിനാൾ പീറ്റർ ടർക്സണും ഫ്രാൻസിസിന്റെ പിൻഗാമിയാകാൻ സാധ്യതയുള്ളവരുടെ പട്ടികയിലുണ്ട്. ആഫ്രിക്കയിലെ കത്തോലിക്കാ ജനസംഖ്യ വർദ്ധിക്കുകയും ഭൂഖണ്ഡത്തിൽ നിന്ന് ഒരു പോപ്പിനെ വേണമെന്ന ആവശ്യം കൂടുകയും ചെയ്യുന്ന സാഹചര്യത്തിൽ, ടർക്സണിന്റെ സ്ഥാനാർത്ഥിത്വവും ശക്തമാണ്.
കർദിനാൾ ലൂയിസ് അൻ്റോണിയോ: ടാഗ്ലെ കർദ്ദിനാൾ പദവിയിലേക്ക് ഉയർത്തപ്പെടുന്ന ഏഴാമത്തെ ഫിലിപ്പിനോ പൗരനാണ് അദ്ദേഹം. ഏഷ്യൻ പോപ്പ് ഫ്രാൻസിസ് എന്ന് വിളിക്കപ്പെടുന്ന ലൂയിസ് അൻ്റോണിയോ ടാഗ്ലെ സാമൂഹിക ഇടപെടലുകളിലൂടെ ശ്രദ്ധേയനാണ്. തിരഞ്ഞെടുക്കപ്പെട്ടാൽ ഏഷ്യൻ ഭൂഖണ്ഡത്തിൽ നിന്നുള്ള ആദ്യ പോപ്പാകും അദ്ദേഹം.
കർദ്ദിനാൾ പീറ്റർ എർഡോ: ഏറ്റവും പ്രയാസകരമായ സമയങ്ങളിൽ ഹംഗറിയുടെ സഭയെ നയിച്ച വ്യക്തിയാണ് കർദ്ദിനാൾ പീറ്റർ എർഡോ. മുമ്പ് കൗൺസിൽ ഓഫ് യൂറോപ്യൻ ബിഷപ്പ്സ് കോൺഫറൻസുകളുടെ തലവനായും അദ്ദേഹം സേവനമനുഷ്ഠിച്ചിട്ടുണ്ട്, എർഡോ അടുത്ത പോപ്പാകുകയാണെങ്കിൽ,അത് ഫ്രാൻസിസിന്റെ ലിബറൽ സമീപനത്തിൽ വലിയ മാറ്റം കൊണ്ടുവരും.
കർദിനാൾ മൈക്കോള ബൈചോക്ക്: ഉക്രേനിയൻ ഗ്രീക്ക് കത്തോലിക്കാ പുരോഹിതനാണ് കർദിനാൾ മൈക്കോള ബൈചോക്ക്,2024 ഡിസംബർ 7 ന് ഫ്രാൻസിസ് മാർപാപ്പ അദ്ദേഹത്തെ കർദ്ദിനാൾ പദവിയിലേക്ക് ഉയർത്തി , 2025 ലെ പാപ്പൽ കോൺക്ലേവിലെ ഏറ്റവും പ്രായം കുറഞ്ഞ അംഗവും ഏറ്റവും പ്രായം കുറഞ്ഞ ഇലക്ടറുമാണദ്ദേഹം.
