R Ashwin: അശ്വിന്റെ കളികള് ഇനി ഓസ്ട്രേലിയയില്; കാരം ബോള് മാന്ത്രികനെ സ്വന്തമാക്കി സിഡ്നി തണ്ടര്
Ravichandran Ashwin: രവിചന്ദ്രന് അശ്വിന് ഓസ്ട്രേലിയയിലെ ബിഗ് ബാഷ് ലീഗ് കളിക്കും. സിഡ്നി തണ്ടര് ആര് അശ്വിനെ സ്വന്തമാക്കി. ബിഗ് ബാഷ് ഇക്കാര്യം ഔദ്യോഗികമായി സ്ഥിരീകരിച്ചു. നേരത്തെ അനൗദ്യോഗിക സൂചനകളുണ്ടായിരുന്നു
മുന് ഇന്ത്യന് ഓള് റൗണ്ടര് രവിചന്ദ്രന് അശ്വിന് ഓസ്ട്രേലിയയിലെ ബിഗ് ബാഷ് ലീഗ് കളിക്കും. സിഡ്നി തണ്ടര് ആര് അശ്വിനെ സ്വന്തമാക്കി. ബിഗ് ബാഷ് ഇക്കാര്യം ഔദ്യോഗികമായി സ്ഥിരീകരിച്ചു. നേരത്തെ അനൗദ്യോഗിക സൂചനകളുണ്ടായിരുന്നു (Image Credits: PTI)
കഴിഞ്ഞ ഡിസംബറില് ബോര്ഡര് ഗവാസ്കര് ട്രോഫിക്കിടെയാണ് അശ്വിന് രാജ്യാന്തര ക്രിക്കറ്റില് നിന്ന് വിരമിച്ചത്. ചെന്നൈ സൂപ്പര് കിങ്സ് താരമായിരുന്ന അശ്വിന് കഴിഞ്ഞ മാസം ഐപിഎല്ലില് നിന്നും വിരമിച്ചു. താരം വിദേശ ലീഗുകളില് കളിക്കുമെന്ന് സൂചനകളുണ്ടായിരുന്നു (Image Credits: PTI)
ബിഗ് ബാഷ് കളിക്കുന്ന ആദ്യ ഇന്ത്യക്കാരനല്ല അശ്വിന്. ഉന്മുക്ത് ചന്ദ് നേരത്തെ ലീഗില് കളിച്ചിട്ടുണ്ട്. എന്നാല് ഇന്ത്യയുടെ സീനിയര് ടീമിനായി കളിച്ചവരില് ഇതാദ്യമായാണ് ഒരു താരം ബിഗ് ബാഷ് കളിക്കുന്നത് (Image Credits: PTI)
സിഡ്നിക്കായി കളിക്കുന്നതിന്റെ കാരണം താരം വ്യക്തമാക്കി. തന്നെ എങ്ങനെ ഉപയോഗിക്കണമെന്ന് ടീമിന് വ്യക്തമായ ധാരണയുണ്ടായിരുന്നുവെന്ന് അശ്വിന് പറഞ്ഞു. ടീം മാനേജ്മെന്റുമായി സംസാരിച്ചിരുന്നുവെന്നും താരം വ്യക്തമാക്കി (Image Credits: PTI)
ഡേവിഡ് വാര്ണറാണ് ടീമിന്റെ ക്യാപ്റ്റന്. വാര്ണറുടെ രീതി തനിക്ക് ഇഷ്ടമാണ്. വാര്ണറുടെ അതേ മൈന്ഡ്സെറ്റാണ് തനിക്കെന്നും, ടീമിനായി കളിക്കാന് കാത്തിരിക്കുകയാണെന്നും അശ്വിന് പറഞ്ഞു (Image Credits: PTI)
