Pineapple: പൈനാപ്പിൾ കഴിക്കുമ്പോൾ വായയും നാവും ചൊറിയാറുണ്ടോ? കാരണമിത്
Pineapple Itching Reason: പൈനാപ്പിൾ കഴിക്കുമ്പോൾ നാവും വായയുമൊക്കെ ചൊറിയാനും കുത്തൽ അനുഭവപ്പെടാറുമുണ്ട്.പൈനാപ്പിളിൽ അടങ്ങിയിരിക്കുന്ന ബ്രോമലൈൻ എന്ന എൻസൈമാണ് ഇതിന് കാരണം.
ഏറെ ആരോഗ്യ ഗുണമുള്ള ഒന്നാണ് പൈനാപ്പിൾ. മികച്ച രുചിയും പോഷക ഗുണങ്ങളും അടങ്ങിയ പൈനാപ്പിൾ കഴിക്കാൻ ഇഷ്ടപ്പെടുന്നവരാണ് മിക്കവരും. ശരീരഭാരം കുറയ്ക്കാനും ദഹനം മെച്ചപ്പെടുത്താനും സഹായിക്കുന്നതുൾപ്പെടെ നിരവധി ആരോഗ്യഗുണങ്ങൾ കൈതച്ചക്കയ്ക്കുണ്ട്. (Image Credits: Getty Images)
എന്നാൽ പലപ്പോഴും പൈനാപ്പിൾ കഴിക്കുമ്പോൾ നാവും വായയുമൊക്കെ ചൊറിയാനും കുത്തൽ അനുഭവപ്പെടാറുമുണ്ട്.പൈനാപ്പിളിൽ അടങ്ങിയിരിക്കുന്ന ബ്രോമലൈൻ എന്ന എൻസൈമാണ് ഇതിന് കാരണം.
ഇത് പ്രോട്ടീനേയും ബ്രേക്ക് ഡൗൺ ചെയ്യാൻ സഹായിക്കുന്ന ഒരു എൻസൈമാണ്. അതുപോലെ മാംസത്തെ മൃദുവാക്കാനും മാംസത്തെ ദഹിപ്പിക്കാനും ഇതിന് കഴിവുണ്ട്.
എന്നാൽ ഇത് ശരീരത്തിന് ഹാനീകരമല്ല.ഇത് വയറിലുള്ള ദഹന രസങ്ങൾ ഇതിനെ ദഹിപ്പിക്കും. എന്നാൽ വായ ചൊറിയുന്നതുകൊണ്ട് പലരും ഇത് ഒഴിവാക്കാറുണ്ട്.
ഇതിനു പകരം പൈനാപ്പിൾ കഴിക്കുന്നതിന് മുൻപ് കുറച്ച് സമയം ഉപ്പുവെള്ളത്തിൽ മുക്കി വയ്ക്കുന്നത് ചൊറിച്ചിൽ ഒഴിവാക്കാൻ സഹായിക്കും. മാത്രമല്ല, നല്ല പഴുത്ത പൈനാപ്പിൾ കഴിക്കുമ്പോൾ ചൊറിച്ചിൽ അനുഭവപ്പെടാനുള്ള സാദ്ധ്യത കുറവാണ്.
