Redmi Note 14 : റെഡ്മി നോട്ട് 14 ഗ്ലോബൽ ലോഞ്ച് ഈ മാസം പത്തിന്; റെഡ്മി വാച്ച് 5, ബഡ്സ് 6 പ്രോ എന്നിവയും ഒപ്പം
Redmi Note 14 Series Global Launch : റെഡ്മി നോട്ട് 14 മൊബൈൽ ഫോൺ, റെഡ്മി വാച്ച് 5 സ്മാർട്ട് വാച്ച്, റെഡ്മി ബഡ്സ് 6 പ്രോ ഇയർബഡ്സ് എന്നിവയുടെ ഗ്ലോബൽ ലോഞ്ച് ഡേറ്റ് പ്രഖ്യാപിച്ചു. റെഡ്മി തന്നെയാണ് തങ്ങളുടെ സമൂഹമാധ്യമ അക്കൗണ്ടുകളിലൂടെ ഇക്കാര്യം അറിയിച്ചത്.
റെഡ്മി നോട്ട് 14 സീരീസിൻ്റെ ഗ്ലോബൽ ലോഞ്ച് ഈ മാസം പത്തിന്. 2024 സെപ്തംബറിൽ ചൈനീസ് മാർക്കറ്റിലും ഡിസംബറിൽ ഇന്ത്യൻ മാർക്കറ്റിലും അവതരിപ്പിക്കപ്പെട്ട ഫോണാണ് ഇത്. ഈ സീരീസാണ് ഈ മാസം പത്തിന് ഗ്ലോബൽ മാർക്കറ്റിൽ അവതരിപ്പിക്കുക. കമ്പനി തന്നെ ഇക്കാര്യം അറിയിച്ചു. (Image Courtesy - Social Media)
റെഡ്മി നോട്ട് 14, റെഡ്മി നോട്ട് 14 പ്രോ, റെഡ്മി നോട്ട് 14 പ്രോ + എന്നിങ്ങനെ മൂന്ന് മോഡലാണ് ഈ സീരീസിലുണ്ടാവുക. റെഡ്മി വാച്ച് 5, റെഡ്മി ബഡ്സ് 6 പ്രോ എന്നിവയും ഇതിനോടൊപ്പം അവതരിപ്പിക്കും. ഇയർഫോണും സ്മാർട്ട് വാച്ചും 2024 നവംബറിലാണ് ചൈനീസ് മാർക്കറ്റിൽ അവതരിപ്പിക്കപ്പെട്ടത്. (Image Courtesy - Social Media)
200 മെഗാപിക്സൽ റിയർ ക്യാമറയാണ് റെഡ്മി നോട്ട് 14 സീരീസിൻ്റെ ഗ്ലോബൽ വേർഷനിലുള്ളത്. ആർട്ടിഫിഷ്യൽ ഇൻ്റലിജൻസിൻ്റെ സഹായത്തോടെയുള്ള ഫോട്ടോ എഡിറ്റിംഗ് ഫീച്ചറുകളും ഈ ഫോണിലുണ്ട്. ഐപി68 റേറ്റഡ് ഡസ്റ്റ്, വാട്ടർ റെസിസ്റ്റൻസും ആൻ്റി ഡ്രോപ്പ് സ്ട്രക്ചറുമൊക്കെ ഫോണിലുണ്ട്. (Image Courtesy - Social Media)
ചൈനീസ് വേർഷനോട് സമാനമാണ് റെഡ്മി നോട്ട് 14 ഗ്ലോബൽ വേർഷൻ. മീഡിയടെക് ഡിമൻസിറ്റി 7025 അൾട്റ എസ്ഒസി പ്രോസസറാണ് ബേസിക്ക് മോഡലിൽ ഉള്ളത്. നോട്ട് 14 പ്രോ മോഡലിൽ മീഡീയടെക് ഡിമൻസിറ്റി 7300 അൾട്ര ചിപ്സെറ്റും നോട്ട് 14 പ്രോ+ മോഡലിൽ സ്നാപ്ഡ്രാഗൺ 7എസ് ജെൻ 3 ചിപ്സെറ്റുമാണ് ഉള്ളത്. (Image Courtesy - Social Media)
ആൻഡ്രോയ്ഡ് 14 അടിസ്ഥാനമാക്കിയുള്ള ഹൈപ്പർ ഓഎസിലാണ് ഫോൺ പ്രവർത്തിക്കുന്നത്. 90 വാട്ട് ഫാസ്റ്റ് ചാർജിംഗും ഫോണിലുണ്ട്. 6 ജിബി + 128 ജിബി വേരിയൻ്റ് മുതൽ 12 ജിബി + 256 ജിബി വേരിയൻ്റ് വരെയാണ് ഫോൺ ലഭിയ്ക്കുക. (Image Courtesy - Social Media)
