Silver: വെള്ളി ആഭരണങ്ങൾ പണയംവച്ചും വായ്പയെടുക്കാം; അറിയേണ്ടത് ഇതെല്ലാം…
Loan against Silver: വെള്ളി ഈടായി നൽകി കൊണ്ട് ലഭിക്കുന്ന വായ്പയ്ക്ക് കൂടുതൽ സമഗ്രമായ നിർദേശങ്ങൾ അടങ്ങിയ സർക്കുലർ ആർ ബി ഐ ഈയിടെ അവതരിപ്പിച്ചിരുന്നു. അടുത്ത വർഷം ഏപ്രിൽ ഒന്ന് മുതൽക്കാണ് ഇത് പ്രാബല്യത്തിൽ വരുന്നത്.
വെള്ളി ആഭരണങ്ങൾ പണയം വച്ചും ഇനി വായ്പയെടുക്കാം. വെള്ളി ഈടായി നൽകി കൊണ്ട് ലഭിക്കുന്ന വായ്പയ്ക്ക് കൂടുതൽ സമഗ്രമായ നിർദേശങ്ങൾ അടങ്ങിയ സർക്കുലർ ആർ ബി ഐ ഈയിടെ അവതരിപ്പിച്ചിരുന്നു. അടുത്ത വർഷം ഏപ്രിൽ ഒന്ന് മുതൽക്കാണ് ഇത് പ്രാബല്യത്തിൽ വരുന്നത്. (Image Credit: Getty Images)
വാണിജ്യ ബാങ്കുകൾ (സ്മാൾ ഫിനാൻസ്, റീജിണൽ റൂറൽ ബാങ്കുകൾ), അർബൻ, റൂറൽ കോർപ്പറേറ്റീവ് റൂറൽ ബാങ്കുകൾ, എൻ ബി എഫ് സി , ഹൌസിങ് കമ്പനികൾ എന്നിവയ്ക്കൊക്കെ വെള്ളി വായ്പ നൽകാൻ കഴിയും. (Image Credit: Getty Images)
സ്വർണത്തെ പോലെ തന്നെ വെള്ളി ആഭരണങ്ങൾ, കോയിനുകൾ എന്നിവക്ക് വായ്പ ലഭിക്കുന്നതാണ്. എന്നാൽ വെള്ളി ബാറുകൾ , വെള്ളിയിൽ നിക്ഷേപം നടത്തുന്ന ഇ ടി എഫുകൾ, മ്യൂച്ചൽ ഫണ്ടുകൾ എന്നിവ ഈടായി നൽകാൻ പറ്റില്ല. (Image Credit: Getty Images)
വെള്ളി വായ്പയുടെയും തിരിച്ചടവ് കാലാവധി 12 മാസമായി ചുരുക്കിയിട്ടുണ്ട്. ഈടായി ലഭിച്ച സ്വർണമോ വെള്ളിയോ ഉപയോഗിച്ച് കൊണ്ട് മറ്റൊരു വായ്പ എടുക്കാൻ പാടില്ല. പരമാവധി 10 കിലോഗ്രാം വെള്ളി ആഭരങ്ങൾ വരെ മാത്രമാണ് വായ്പക്കായി നൽകാൻ പാടുള്ളു. (Image Credit: Getty Images)
വെള്ളി നാണയമാണ് ആണെങ്കിൽ 500 ഗ്രാം വരെയെ പണയം വയ്ക്കാൻ കഴിയുകയുള്ളൂ. വെള്ളി വിലയുടെ 85 ശതമാനം വരെ വായ്പയായി ലഭിക്കും. രണ്ടര ലക്ഷം രൂപ മുതൽ 5 ലക്ഷം രൂപ വരെയുള്ള തുകയ്ക്കാണ് 85 ശതമാനം വരെ വായ്പ ലഭിക്കുന്നത്. എന്നാൽ 5 ലക്ഷത്തിനു മുകളിലുള്ള തുകയ്ക്ക് 75 ശതമാനം വരെയാണ് വായ്പയായി ലഭിക്കുക. (Image Credit: Getty Images)
