Silver Rate: സ്വർണത്തിന് പിന്നാലെ വെള്ളിയും; ഇന്നത്തെ വില
Silver Rate in Kerala: കഴിഞ്ഞവർഷം ഒരുഗ്രാം വെള്ളിക്ക് 70 - 80 രൂപയായിരുന്നു. അന്താരാഷ്ട്ര വിപണിക്കനുസരിച്ചാണ് കേരളത്തിലെ വെള്ളി വില നിശ്ചയിക്കപ്പെടുന്നത്.
സ്വർണത്തോടൊപ്പം തന്നെ റെക്കോർഡ് മുന്നേറ്റമാണ് വെള്ളിയും നടത്തുന്നത്. വില ഉയരുന്നുണ്ടെങ്കിലും വെള്ളി ആഭരണവിൽപ്പന കൂടുകയാണ്. പ്രധാനമായും വെള്ളിയിൽ തീർത്ത റോസ് ഗോൾഡ് ആഭരണങ്ങൾക്ക് ആവശ്യക്കാറേറെയാണ്. (Image Credit: Getty Images)
കേരളത്തിൽ വെള്ളിയുടെ ഇന്നത്തെ വില ഗ്രാമിന് ₹142 ഉം കിലോഗ്രാമിന് ₹1,42,000 ഉം ആണ്. ഇന്നലെ ഗ്രാമിന് ₹140 രൂപയും കിലോഗ്രാമിന് ₹1,40,000 രൂപയുമായിരുന്നു. അന്താരാഷ്ട്ര വിപണിക്കനുസരിച്ചാണ് കേരളത്തിലെ വെള്ളി വില നിശ്ചയിക്കപ്പെടുന്നത്. (Image Credit: Getty Images)
അടുത്ത കുറച്ച് വർഷങ്ങളിൽ വെള്ളിയുടെ വിലയിൽ വലിയ ചലനമോ ഇടിവോ ഉണ്ടാകാൻ സാധ്യതയില്ലെന്നും സംസ്ഥാനത്തെ ഗ്രാമങ്ങളിലും നഗരങ്ങളിലും ഇവയ്ക്ക് നല്ല ഡിമാൻഡുണ്ടെന്നുമാണ് വിലയിരുത്തൽ. (Image Credit: Getty Images)
കഴിഞ്ഞവർഷം ഒരുഗ്രാം വെള്ളിക്ക് 70-80 രൂപയായിരുന്നതാണ് ഇപ്പോൾ 142 രൂപയോളം എത്തിനിൽക്കുന്നത്. അമേരിക്കയുടെ താരിഫ് യുദ്ധത്തിന് പിന്നാലെ രാജ്യത്തെ ആഭ്യന്തര വിപണികളിൽ വെള്ളി വില കുതിപ്പ് രേഖപ്പെടുത്തിയിരുന്നു. (Image Credit: Getty Images)
സുരക്ഷിത നിക്ഷേപങ്ങളുടെ ഭാഗമായുള്ള വാങ്ങലിന്റെ പ്രതിഫലനവും യുഎസ് ഡോളറിലെ തുടർച്ചയായ ബലഹീനതയും വെള്ളി വില വർധനവിന് കാരണമായെന്നാണ് വിദഗ്ധർ പറയുന്നത്. (Image Credit: Getty Images)
