Bread: ടേസ്റ്റുണ്ടാകും പക്ഷെ വെറും വയറ്റില് ബ്രെഡ് കഴിക്കരുത്; ആരോഗ്യ പ്രശ്നങ്ങള് ഇത്രയും
Bread on Empty Stomach: വെറും വയറ്റില് ബ്രെഡ് കഴിക്കുന്നത് നിങ്ങളുടെ ആരോഗ്യം മോശമാക്കും. കാര്ബോഹൈഡ്രേറ്റ്, ഉപ്പ്, പഞ്ചസാര എന്നിവയുള്പ്പെടെ നിരവധി ഘടകങ്ങള് ബ്രെഡിലുണ്ട്.
ബ്രെഡ് ഇഷ്ടമില്ലാത്തവരായി ആരാണുള്ളത്. എല്ലാവര്ക്കും ബ്രെഡ് കഴിക്കാനിഷ്ടമാണ്. തിരക്കുപടിച്ച ജീവിതത്തില് പ്രഭാതഭക്ഷണമായി പലരുടെയും വീട്ടിലെ ഡൈനിങ് ടേബിളില് ബ്രെഡ് എത്തും. ജാമും ബട്ടറുമെല്ലാം ചേര്ത്ത് ബ്രെഡ് കഴിക്കാന് നല്ല സ്വാദാണ്. എന്നാല് അതിന്റെ ടേസ്റ്റ് പോലല്ല ഗുണങ്ങള്. (Photos Credit: Getty Images)
വെറും വയറ്റില് ബ്രെഡ് കഴിക്കുന്നത് നിങ്ങളുടെ ആരോഗ്യം മോശമാക്കും. കാര്ബോഹൈഡ്രേറ്റ്, ഉപ്പ്, പഞ്ചസാര എന്നിവയുള്പ്പെടെ നിരവധി ഘടകങ്ങള് ബ്രെഡിലുണ്ട്. ഇത് നിങ്ങളുടെ ദഹനവ്യവസ്ഥയെ ദുര്ബലമാക്കും. ദഹനം മോശമാകുന്നതോടെ മലബന്ധം, ഗ്യാസ് തുടങ്ങിയ പ്രശ്നങ്ങളുണ്ടാകും.
ബ്രെഡില് നാരുകള് കുറവാണ്. ഇത് നിങ്ങളുടെ ദഹന വ്യവസ്ഥയെ ദുര്ബലപ്പെടുത്തും. വെളുത്ത ബ്രെഡ് കഴിക്കുന്നത് മെറ്റബോളിസത്തിന്റെ വേഗത കുറയ്ക്കുന്നതിനാല് ഇത് കുടലില് അടിഞ്ഞുകൂടും. ഇങ്ങനെ സംഭവിക്കുന്നതും മലബന്ധത്തിന് വഴിവെക്കും.
ബ്രെഡിലെ ഉയര്ന്ന ഗ്ലൈസെമിക് സൂചിക ശരീരത്തിലെ പഞ്ചസാരയുടെ അളവ് വര്ധിപ്പിക്കും. പഞ്ചസാരയുടെ അളവ് വര്ധിക്കുന്നത് ടൈപ്പ് 2 പ്രമേഹത്തിന് കാരണമാകുന്നു. വൈറ്റ് ബ്രെഡിലാണ് ഗ്ലൈസെമിക് സൂചിക കൂടുതല്. ഇത് വിശപ്പ് കൂട്ടുകയും ഭക്ഷണം കൂടുതല് കഴിക്കുന്നതിന് ഇടയാക്കുകയും ചെയ്യും.
മാത്രമല്ല വൈറ്റ് ബ്രെഡില് സോഡിയം ധാരാളം അടങ്ങിയിരിക്കുന്നു. ഇത് വയറുവീര്ക്കലിനും മാറ്റ് ദഹന പ്രശ്നങ്ങള്ക്കും കാരണമാകും. സോഡിയം കൂടുതലുള്ള ഭക്ഷണം രാവിലെ കഴിക്കുന്നത് വയറിന് നല്ലതല്ല.
