Sanju Samson: സഞ്ജുവിനെ ഒഴിവാക്കേണ്ട, വൈഭവിനെയും കളിപ്പിക്കാം; ഇന്ത്യക്ക് പുതിയ ടീം കോമ്പിനേഷൻ
Vaibhav Sooryavanshi for India How to Fit Him in Playing XI Alongside Sanju Samson: ഐപിഎല്ലിലെ തകര്‍പ്പന്‍ പ്രകടനത്തിലൂടെയാണ് 15കാരനായ വൈഭവ് സൂര്യവംശി ശ്രദ്ധ നേടിയത്. വേഗത്തില്‍ റണ്‍സ് കണ്ടെത്താനുള്ള കഴിവും ആക്രമണോത്സുക ബാറ്റിങ്ങുമാണ് താരത്തെ വ്യത്യസ്തനാക്കുന്നത്.
വൈഭവ് സൂര്യവംശി, സഞ്ജു സാംസണ്‍
ഇന്ത്യന്‍ ക്രിക്കറ്റ് ടീമിന്റെ പ്ലേയിങ് ഇലവനില്‍ യുവതാരം വൈഭവ് സൂര്യവംശിയെ ഉള്‍പ്പെടുത്തുന്നതുമായി ബന്ധപ്പെട്ട ചര്‍ച്ചകള്‍ ശക്തമാകുന്നു. മലയാളി താരം സഞ്ജു സാംസണെ ഒഴിവാക്കാതെ തന്നെ വൈഭവിന് അവസരം നല്‍കാന്‍ കഴിയുമെന്ന നിര്‍ദേശമാണ് ഇപ്പോള്‍ ഉയരുന്നത്. മികച്ച ഫോമിലുള്ള യുവതാരത്തെ പുറത്തിരുത്താതെ ടീമിന്റെ നിലവിലെ ബാറ്റിങ് കൂട്ടുകെട്ടിനും പ്രാധാന്യം നല്‍കണമെന്നാണ് ഈ നിര്‍ദേശത്തിന്റെ കാതല്‍.
ഐപിഎല്ലിലെ തകര്‍പ്പന്‍ പ്രകടനത്തിലൂടെയാണ് 15കാരനായ വൈഭവ് സൂര്യവംശി ശ്രദ്ധ നേടിയത്. വേഗത്തില്‍ റണ്‍സ് കണ്ടെത്താനുള്ള കഴിവും ആക്രമണോത്സുക ബാറ്റിങ്ങുമാണ് താരത്തെ വ്യത്യസ്തനാക്കുന്നത്. ഇതോടെ ഇന്ത്യന്‍ ടീമില്‍ വൈഭവിന് അവസരം നല്‍കണമെന്ന ആവശ്യം ആരാധകര്‍ക്കിടയിലും ശക്തമായി.
സഞ്ജുവിനെ ഒഴിവാക്കേണ്ടതില്ല
ടി20 ലോകകപ്പിലെ മികച്ച പ്രകടനത്തിലൂടെ ശ്രദ്ധ നേടിയ താരമാണ് സഞ്ജു സാംസണ്‍. ടൂര്‍ണമെന്റിലെ പ്ലെയര്‍ ഓഫ് ദി ടൂര്‍ണമെന്റ് പുരസ്‌കാരവും സഞ്ജുവിനായിരുന്നു. അതിനാല്‍ ഏതാനും മത്സരങ്ങളിലെ മോശം പ്രകടനത്തിന്റെ പേരില്‍ താരത്തെ പ്ലേയിങ് ഇലവനില്‍ നിന്ന് മാറ്റിനിര്‍ത്തുന്നത് ഉചിതമല്ലെന്ന അഭിപ്രായവുമുണ്ട്.
സഞ്ജുവിനെയും വൈഭവിനെയും ഒരുമിച്ച് കളിപ്പിക്കാന്‍ ബാറ്റിങ് ക്രമത്തില്‍ മാറ്റം വരുത്താമെന്നാണ് നിര്‍ദേശം. നിലവില്‍ ഓപ്പണറായി ഇറങ്ങുന്ന സഞ്ജുവിനെ മധ്യനിരയിലേക്ക് മാറ്റുകയും വൈഭവിനെ അഭിഷേക് ശര്‍മയ്ക്കൊപ്പം ഓപ്പണിങ്ങില്‍ ഇറക്കുകയും ചെയ്യാം. ഇതിലൂടെ ടീമിന്റെ ആക്രമണോത്സുകത നിലനിര്‍ത്തുന്നതിനൊപ്പം പുതിയ താരത്തിന് അവസരവും നല്‍കാനാകും.
Also Read: Sanju Samson: നിരാശപ്പെടുത്തി സഞ്ജു; വൈഭവിനെ ഒഴിവാക്കിയതിനെതിരെ ആരാധകര്‍
തിലക് വര്‍മ്മയുടെ സ്ഥാനത്ത് മാറ്റം?
നിലവിലെ ബാറ്റിങ് നിരയില്‍ മാറ്റം വരുത്തേണ്ടിവന്നാല്‍ തിലക് വര്‍മ്മയെ പ്ലേയിങ് ഇലവനില്‍ നിന്ന് മാറ്റിനിര്‍ത്താമെന്ന നിര്‍ദേശവും ഉയരുന്നുണ്ട്. തിലകിനെ അഞ്ചാം നമ്പറില്‍ കളിപ്പിക്കുന്നതിനേക്കാള്‍ സഞ്ജുവിനെ ആ സ്ഥാനത്തേക്ക് മാറ്റുന്നത് ടീമിന് ഗുണകരമാകുമെന്നാണ് വിലയിരുത്തല്‍.
അഞ്ചാം നമ്പറില്‍ ബാറ്റ് ചെയ്യാനുള്ള പരിചയം സഞ്ജുവിനുണ്ട്. അതിനാല്‍ ഓപ്പണിങ്ങിലെ സമ്മര്‍ദമില്ലാതെ മധ്യനിരയില്‍ ബാറ്റ് ചെയ്യാന്‍ താരത്തിന് സാധിക്കും. അതേസമയം, അഭിഷേക് ശര്‍മയ്ക്കൊപ്പം വൈഭവിനെ ഓപ്പണറായി ഇറക്കുന്നതിലൂടെ തുടക്കത്തില്‍ തന്നെ വേഗത്തില്‍ റണ്‍സ് നേടാനുള്ള അവസരവും ഇന്ത്യക്ക് ലഭിക്കും.
English Summary
A new team combination has been suggested to accommodate both Sanju Samson and Vaibhav Sooryavanshi in India’s playing XI. The proposal involves changing Sanju’s batting position to make room for young opener Vaibhav without dropping the experienced wicketkeeper-batter.
