CSK Head Coach: സഞ്ജുവിനെയും സംഘത്തിനെയും ഇനി സഹീര്‍ ഖാന്‍ കളി പഠിപ്പിക്കും; സിഎസ്‌കെയ്ക്ക് പുതിയ തലൈവര്‍

ചെന്നൈ സൂപ്പർ കിങ്സ് (സിഎസ്കെ) പുതിയ ഹെഡ് കോച്ചായി മുൻ ഇന്ത്യൻ ഫാസ്റ്റ് ബൗളർ സഹീർ ഖാനെ നിയമിച്ചു. സ്റ്റീഫൻ ഫ്ലെമിങ് സ്ഥാനമൊഴിഞ്ഞതിനെ തുടർന്നാണ് സഹീറിനെ മുഖ്യപരിശീലകനായി നിയമിച്ചത്. ഫ്രാഞ്ചൈസിയുടെ പരിശീലക സ്ഥാനത്തും മറ്റുമായി നീണ്ട 18 വർഷത്തെ ബന്ധം അവസാനിപ്പിച്ച ഫ്ലെമിങ് ഇംഗ്ലണ്ട് ടെസ്റ്റ് ടീമിന്റെ പരിശീലകസ്ഥാനം ഏറ്റെടുത്തിരുന്നു. കഴിഞ്ഞ ജൂലൈയിലാണ് അദ്ദേഹത്തെ ഇംഗ്ലണ്ട് പുരുഷ ടെസ്റ്റ് ടീമിന്റെ ഹെഡ് കോച്ചായി നിയമിച്ചത്. തുടര്‍ന്ന് പുതിയ ഹെഡ് കോച്ചിനെ കണ്ടെത്താനുള്ള ശ്രമത്തിലായിരുന്നു സിഎസ്‌കെ. ആ ശ്രമമാണ് സഹീറില്‍ എത്തിനിന്നത്.