AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest newsKeralaCricketIndiaEntertainmentBusinessEducationSportsWeb StoriesPhoto GalleryLifestyleWorldTechnologyOpinion

MS Dhoni: ഐപിഎൽ വിരമിക്കലിന് ശേഷം ധോണിക്ക് പെൻഷൻ കിട്ടുമോ? ബിസിസിഐ നൽകുന്ന തുക ഇത്ര

Will MS Dhoni Get a Pension After IPL Retirement? BCCI Payments Explained: ഐപിഎല്ലില്‍ നിന്ന് വിരമിക്കുന്ന താരങ്ങള്‍ക്ക് പ്രത്യേക പെന്‍ഷന്‍ പദ്ധതി നിലവിലില്ല. ഫ്രാഞ്ചൈസി അടിസ്ഥാനത്തില്‍ പ്രവര്‍ത്തിക്കുന്ന ടൂര്‍ണമെന്റായതിനാല്‍ ഓരോ സീസണിലേക്കുമാണ് താരങ്ങളെ ടീമുകള്‍ സ്വന്തമാക്കുന്നത്. അതിനാല്‍ ഐപിഎല്ലില്‍ നിന്ന് വിരമിച്ചതുകൊണ്ട് മാത്രം ധോണിക്ക് പ്രതിമാസ പെന്‍ഷന്‍ ലഭിക്കില്ല.

MS Dhoni: ഐപിഎൽ വിരമിക്കലിന് ശേഷം ധോണിക്ക് പെൻഷൻ കിട്ടുമോ? ബിസിസിഐ നൽകുന്ന തുക ഇത്ര
എംഎസ് ധോണിImage Credit source: PTI
Shiji M K
Shiji M K | Published: 19 Nov 2026 | 08:16 AM

ചെന്നൈ സൂപ്പര്‍ കിങ്സ് ആരാധകരുടെ പ്രിയപ്പെട്ട തല, എംഎസ് ധോണി ഐപിഎല്ലില്‍ നിന്ന് വിരമിച്ചതോടെ താരത്തിന്റെ വരുമാനത്തെക്കുറിച്ചുള്ള ചര്‍ച്ചകളും സജീവമായിരിക്കുകയാണ്. അന്താരാഷ്ട്ര ക്രിക്കറ്റില്‍ നിന്നും ഐപിഎല്ലില്‍ നിന്നും വിരമിച്ച ധോണിക്ക് ഇനി പെന്‍ഷന്‍ ലഭിക്കുമോ? ബിസിസിഐയില്‍ നിന്ന് എത്ര രൂപയാണ് പ്രതിമാസം ലഭിക്കുന്നത്? വിരമിച്ച ശേഷവും വരുമാനം നേടാന്‍ കഴിയുമോ?

ഐപിഎല്‍ വിരമിക്കലിന് പെന്‍ഷനില്ല

ഐപിഎല്ലില്‍ നിന്ന് വിരമിക്കുന്ന താരങ്ങള്‍ക്ക് പ്രത്യേക പെന്‍ഷന്‍ പദ്ധതി നിലവിലില്ല. ഫ്രാഞ്ചൈസി അടിസ്ഥാനത്തില്‍ പ്രവര്‍ത്തിക്കുന്ന ടൂര്‍ണമെന്റായതിനാല്‍ ഓരോ സീസണിലേക്കുമാണ് താരങ്ങളെ ടീമുകള്‍ സ്വന്തമാക്കുന്നത്. അതിനാല്‍ ഐപിഎല്ലില്‍ നിന്ന് വിരമിച്ചതുകൊണ്ട് മാത്രം ധോണിക്ക് പ്രതിമാസ പെന്‍ഷന്‍ ലഭിക്കില്ല.

എന്നാല്‍ കളിക്കളത്തില്‍ നിന്ന് മാറിയാലും ധോണിയുടെ വരുമാനം അവസാനിക്കുന്നില്ല. ചെന്നൈ സൂപ്പര്‍ കിങ്സിന്റെ മെന്ററായി അദ്ദേഹം തുടരാനാണ് തീരുമാനം. ഈ ചുമതലയ്ക്ക് ടീമില്‍ നിന്ന് പ്രതിഫലവും ലഭിക്കും. ഇതിലൂടെ ഐപിഎല്ലിന് ശേഷവും ഫ്രാഞ്ചൈസിയുമായി ബന്ധപ്പെട്ട് വരുമാനം നേടാന്‍ ധോണിക്ക് സാധിക്കും.

Also Read: തലയുടെ ഓറ! ഡ്രോൺ ഷോയിലൂടെ ചെപ്പോക്കിന്റെ ആകാശത്ത് നിറഞ്ഞ് എംഎസ് ധോണി

ബിസിസിഐയില്‍ നിന്ന് ധോണിക്ക് എത്ര പെന്‍ഷന്‍?

അന്താരാഷ്ട്ര ക്രിക്കറ്റില്‍ നിന്ന് വിരമിച്ച താരങ്ങള്‍ക്ക് ബിസിസിഐ പെന്‍ഷന്‍ നല്‍കുന്നുണ്ട്. ഈ പദ്ധതിയുടെ ഭാഗമായാണ് എംഎസ് ധോണിക്കും പ്രതിമാസ പെന്‍ഷന്‍ ലഭിക്കുന്നത്. ലഭ്യമായ റിപ്പോര്‍ട്ടുകള്‍ പ്രകാരം ധോണിക്ക് പ്രതിമാസം 70,000 രൂപയാണ് പെന്‍ഷന്‍. നേരത്തെ ഇത് 50,000 രൂപയായിരുന്നു. പിന്നീട് ബിസിസിഐ പെന്‍ഷന്‍ തുക പരിഷ്‌കരിച്ചതോടെയാണ് വര്‍ധനവുണ്ടായത്.

വിരമിച്ച ഇന്ത്യന്‍ താരങ്ങളുടെ അന്താരാഷ്ട്ര മത്സരങ്ങളിലെ പങ്കാളിത്തവും കരിയറിലെ നേട്ടങ്ങളും അടിസ്ഥാനമാക്കിയാണ് പെന്‍ഷന്‍ വിഭാഗങ്ങള്‍ നിശ്ചയിക്കുന്നത്. 60,000 രൂപ, 52,000 രൂപ, 45,000 രൂപ എന്നിങ്ങനെയുള്ള മറ്റ് പെന്‍ഷന്‍ നിരക്കുകളും പദ്ധതിയിലുണ്ട്.

English Summary

MS Dhoni will continue to earn money even after retiring from the IPL. He reportedly receives a monthly pension of 70,000 from the BCCI for his international cricket career. His new role as Chennai Super Kings mentor is also expected to provide an additional source of income.

Follow Us