Jasprit Bumrah: ബും ബും ബുറയ്ക്കെന്ത് പറ്റി? അഞ്ച് മത്സരങ്ങിലും വിക്കറ്റില്ല; മുംബൈയുടെ ആശങ്ക
Jasprit Bumrah out of form: ഐപിഎല് 2026-ല് നാല് മത്സരങ്ങള് പിന്നിട്ടിട്ടും ഒരു വിക്കറ്റ് പോലും വീഴ്ത്താനാകാതെ മുംബൈ ഇന്ത്യന്സിന്റെ ജസ്പ്രീത് ബുംറ. ബുംറയുടെ ഫോം ഔട്ട് മുംബൈയ്ക്ക് കനത്ത തിരിച്ചടിയാണ്. കഴിഞ്ഞ സീസണും കണക്കിലെടുത്താല് ഐപിഎല്ലിൽ തുടർച്ചയായി അഞ്ച് മത്സരങ്ങളിൽ ബുംറ വിക്കറ്റ് നേടാനായിട്ടില്ല.
Jasprit Bumrah struggles: ഐപിഎല്ലിലെ ഈ സീസണില് നാല് മത്സരങ്ങള് പിന്നിട്ടിട്ടും ഒരു വിക്കറ്റ് പോലും വീഴ്ത്താനാകാതെ മുംബൈ ഇന്ത്യന്സിന്റെ ജസ്പ്രീത് ബുംറ. മുംബൈ ഇന്ത്യന്സിന്റെ ബൗളിങ് ആക്രമണത്തിന് നേതൃത്വം നല്കുമെന്ന് പ്രതീക്ഷിച്ചിരുന്ന താരമാണ്, വളരെ പരിതാപകരമായ പ്രകടനം പുറത്തെടുക്കുന്നത്. ബുംറയുടെ ഫോം ഔട്ട് മുംബൈയ്ക്ക് കനത്ത തിരിച്ചടിയാണ്.
കൊല്ക്കത്ത നൈറ്റ് റൈഡേഴ്സിനെതിരെ നടന്ന ആദ്യ മത്സരത്തില് നാലോവര് എറിഞ്ഞ ബുംറ 35 റണ്സ് വിട്ടുകൊടുത്തു. ഡല്ഹി ക്യാപിറ്റല്സിനെതിരെയും നാലോവര് എറിഞ്ഞു; വഴങ്ങിയത് 21 റണ്സ്. ഈ രണ്ട് മത്സരങ്ങളിലും വിക്കറ്റ് വീഴ്ത്തിയില്ലെങ്കിലും റണ്സ് അധികം വിട്ടുകൊടുത്തിരുന്നില്ല. എന്നാല് രാജസ്ഥാന് റോയല്സിനെതിരായ മത്സരത്തില് മൂന്നോവറില് 32 റണ്സാണ് ബുംറ വഴങ്ങിയത്.
ആര്സിബിക്കെതിരായ മത്സരത്തിലും വിക്കറ്റ് വീഴ്ത്താനായില്ലെങ്കിലും മികച്ച രീതിയിലാണ് ബുംറ പന്തെറിഞ്ഞത്. മറ്റ് മുംബൈ ബൗളര്മാരെ ആര്സിബി ബാറ്റര്മാര് കരുണയില്ലാതെ പ്രഹരിച്ചപ്പോള്, ബുംറ നാലോവറില് വിട്ടുകൊടുത്തത് 35 റണ്സ് മാത്രമായിരുന്നു.
Also Read: Rohit Sharma: സ്കാനിങിന് വിധേയനായി രോഹിത് ശര്മ; പഞ്ചാബിനെതിരെ കളിക്കുന്നത് സംശയത്തില്
ക്രിക്കറ്റിന്റെ മൂന്ന് ഫോര്മാറ്റിലും ബാറ്റര്മാര് ഭയക്കുന്ന ബൗളറാണ് ബുംറ. യോര്ക്കറുകളിലൂടെയും മറ്റും ബാറ്റര്മാരെ വെള്ളം കുടിപ്പിക്കുന്ന താരം അടുത്തിടെ സമാപിച്ച ടി20 ലോകകപ്പിലടക്കം മിന്നും ഫോമിലായിരുന്നു. ഈ മികവ് ഐപിഎല്ലിലും ആവര്ത്തിക്കുമെന്നായിരുന്നു മുംബൈ ആരാധകരുടെ പ്രതീക്ഷ. എന്നാല് ഇതുവരെ ഒരു മത്സരത്തില് പോലും ബുംറയ്ക്ക് വിക്കറ്റ് ലഭിച്ചില്ലെന്നത് ആശ്ചര്യകരമാണ്.
കഴിഞ്ഞ സീസണിലെ ബുംറയുടെ അവസാന മത്സരം കൂടി കണക്കിലെടുക്കുമ്പോള് ഐപിഎല്ലിൽ തുടർച്ചയായി അഞ്ച് മത്സരങ്ങളിൽ ബുംറ വിക്കറ്റ് നേടാനായിട്ടില്ല. വരും മത്സരങ്ങളില് താരം ഫോമിലെത്തുമെന്നാണ് ടീം മാനേജ്മെന്റിന്റെയും ആരാധകരുടെയും പ്രതീക്ഷ.
