India vs England: മഴയില് നനഞ്ഞ് ഓവല് ടെസ്റ്റ്, വിക്കറ്റുകള് കളഞ്ഞുകുളിച്ച് ഇന്ത്യ
India vs England fifth test rain play spoilsport: പരമ്പരയില് 2-1ന് മുന്നിലാണ് ഇംഗ്ലണ്ട്. അഞ്ചാം ടെസ്റ്റ് സമനിലയില് കലാശിച്ചാലും ആതിഥേയര്ക്ക് പരമ്പര സ്വന്തമാക്കാനാകും. എന്നാല് ഇന്ത്യയെ സംബന്ധിച്ചിടത്തോളം ഓവല് ടെസ്റ്റ് അതി നിര്ണായകമാണ്
മഴ മൂലം മത്സരം തടസപ്പെട്ട നിലയില്
ഇന്ത്യയ്ക്ക് നിര്ണായകമായ ഓവല് ടെസ്റ്റില് വില്ലനായി അവതരിച്ച് മഴ. പല തവണയാണ് മഴ മൂലം മത്സരം തടസപ്പെട്ടത്. ചായ സെഷനായി മത്സരം പിരിഞ്ഞശേഷം മത്സരം പുനഃരാരംഭിക്കാനായിട്ടില്ല. നേരത്തെ ടോസിന് മുമ്പും മഴ പെയ്തിരുന്നു. നിലവില് മൂന്ന് വിക്കറ്റ് നഷ്ടത്തില് 85 റണ്സ് എന്ന നിലയിലാണ് ഇന്ത്യ. ടോസ് നേടിയ ഇംഗ്ലണ്ട് ഇന്ത്യയെ ബാറ്റിങിന് അയയ്ക്കുകയായിരുന്നു. തകര്ച്ചയോടെയായിരുന്നു ഇന്ത്യയുടെ തുടക്കം. ഓപ്പണര്മാരായ യശ്വസി ജയ്സ്വാളിനും, കെഎല് രാഹുലിനും തിളങ്ങാനായില്ല. ഒമ്പത് പന്തില് രണ്ട് റണ്സെടുത്ത ജയ്സ്വാളിനെ ഗസ് അറ്റ്കിന്സണും, 40 പന്തില് 14 റണ്സെടുത്ത രാഹുലിനെ ക്രിസ് വോക്സും പുറത്താക്കി.
തുടര്ന്ന് ക്രീസിലെത്തിയ സായ് സുദര്ശനും, ശുഭ്മന് ഗില്ലും ഇന്ത്യയെ കര കയറ്റുമെന്ന് തോന്നിച്ചെങ്കിലും നിര്ഭാഗ്യകരമായ റണ് ഔട്ടിന്റെ രൂപത്തില് ക്യാപ്റ്റന് പുറത്തായത് ഇന്ത്യയ്ക്ക് തിരിച്ചടിയായി. 35 പന്തില് 21 റണ്സായിരുന്നു ഗില്ലിന്റെ സമ്പാദ്യം. 84 പന്തില് 28 റണ്സുമായി സായ് സുദര്ശനും, റണ്സൊന്നുമെടുക്കാതെ കരുണ് നായരുമാണ് ക്രീസില്.
പരമ്പരയില് 2-1ന് മുന്നിലാണ് ഇംഗ്ലണ്ട്. അഞ്ചാം ടെസ്റ്റ് സമനിലയില് കലാശിച്ചാലും ആതിഥേയര്ക്ക് പരമ്പര സ്വന്തമാക്കാനാകും. എന്നാല് ഇന്ത്യയെ സംബന്ധിച്ചിടത്തോളം ഓവല് ടെസ്റ്റ് അതി നിര്ണായകമാണ്. പരമ്പരയില് ഒപ്പമെത്താന് ഈ മത്സരത്തില് ഇന്ത്യയ്ക്ക് വിജയം അനിവാര്യമാണ്.
