Virat Kohli: കോലിയെ തടയാൻ ഇനി എളുപ്പമല്ല; ബാറ്റിങ്ങിലെ മാറ്റം തുറന്നുപറഞ്ഞ് ഗിൽ
Why Virat Kohli Is More Dangerous Now Shubman Gill Explains: ഇപ്പോഴിതാ വെസ്റ്റ് ഇന്ഡീസിനെതിരായ ആദ്യ ഏകദിനത്തില് ഇന്ത്യയുടെ മികച്ച വിജയത്തിന് പിന്നാലെ വിരാട് കോലിയുടെ പുതിയ ബാറ്റിങ് സമീപനത്തെക്കുറിച്ച് ക്യാപ്റ്റന് ശുഭ്മന് ഗില് സംസാരിക്കുകയാണ്. കോലി കൂടുതല് സ്വാതന്ത്ര്യത്തോടെയാണ് ബാറ്റ് ചെയ്യുന്നതെന്നും അതിന്റെ ഗുണം പ്രകടനത്തില് കാണാനാകുന്നുണ്ടെന്നും ഗില് പറഞ്ഞു.
ഇന്ത്യന് ക്രിക്കറ്റിലെ ഏറ്റവും പരിചയസമ്പന്നരായ താരങ്ങളിലൊരാളാണ് വിരാട് കോലി. വെസ്റ്റ് ഇന്ഡീസിനെതിരായ ആദ്യ ഏകദിനത്തിലെ തകര്പ്പന് പ്രകടനത്തിന് പിന്നാലെ കോഹ്ലിയുടെ ബാറ്റിങ് സമീപനത്തെക്കുറിച്ച് വീണ്ടും ചര്ച്ചകള് സജീവമാണ്. ഇപ്പോഴിതാ വെസ്റ്റ് ഇന്ഡീസിനെതിരായ ആദ്യ ഏകദിനത്തില് ഇന്ത്യയുടെ മികച്ച വിജയത്തിന് പിന്നാലെ വിരാട് കോലിയുടെ പുതിയ ബാറ്റിങ് സമീപനത്തെക്കുറിച്ച് ക്യാപ്റ്റന് ശുഭ്മന് ഗില് സംസാരിക്കുകയാണ്. കോലി കൂടുതല് സ്വാതന്ത്ര്യത്തോടെയാണ് ബാറ്റ് ചെയ്യുന്നതെന്നും അതിന്റെ ഗുണം പ്രകടനത്തില് കാണാനാകുന്നുണ്ടെന്നും ഗില് പറഞ്ഞു.
സ്വാതന്ത്ര്യത്തോടെ ബാറ്റ് ചെയ്യുന്നു
കോലി ഇപ്പോള് കളി കൂടുതല് ആസ്വദിക്കുന്നുണ്ടെന്നാണ് ഗില് പറഞ്ഞത്. സമ്മര്ദങ്ങളെക്കുറിച്ച് അധികം ചിന്തിക്കാതെ സ്വന്തം ശൈലിയില് കളിക്കാനുള്ള സ്വാതന്ത്ര്യം അദ്ദേഹം നേടിയെടുത്തിട്ടുണ്ട്. ഇതാണ് ഇപ്പോഴത്തെ ബാറ്റിങ്ങിലും പ്രതിഫലിക്കുന്നതെന്ന് ഗില് വ്യക്തമാക്കി. ബൗണ്ടറി നേടാനുള്ള കഴിവ് കോലിക്ക് നേരത്തെ തന്നെ ഉണ്ടായിരുന്നുവെന്നും ഇപ്പോള് ആ കഴിവ് കൂടുതല് സ്വതന്ത്രമായി ഉപയോഗിക്കുന്നുണ്ടെന്നും ഇന്ത്യന് ക്യാപ്റ്റന് ചൂണ്ടിക്കാട്ടി.
സ്വന്തം രീതിയില് കളിക്കാന് വിടണം
ഇന്ത്യയ്ക്കായി നിരവധി മത്സരങ്ങള് ഒറ്റയ്ക്ക് ജയിപ്പിച്ചിട്ടുള്ള താരമാണ് കോലിയെന്ന് ഗില് പറഞ്ഞു. അതിനാല് അദ്ദേഹത്തിന് പ്രത്യേക നിയന്ത്രണങ്ങള് ഏര്പ്പെടുത്തുന്നതിന് പകരം മത്സര സാഹചര്യത്തിനനുസരിച്ച് സ്വന്തം രീതിയില് കളിക്കാന് അനുവദിക്കുകയാണ് വേണ്ടതെന്നും ഗില് വ്യക്തമാക്കി.
Also Read: Asian Games 2026: മഴ വില്ലനായി; ഇന്ത്യ ഏഷ്യൻ ഗെയിംസ് സെമിഫൈനലിൽ
കോലിയുടെ പുതിയ സമീപനം
വെസ്റ്റ് ഇന്ഡീസ് മത്സരത്തിന് മുമ്പ് കോലി തന്നെയും തന്റെ ബാറ്റിങ് സമീപനത്തിലെ മാറ്റത്തെക്കുറിച്ച് സംസാരിച്ചിരുന്നു. മറ്റുള്ളവരുടെ പ്രതീക്ഷകളെക്കുറിച്ച് കൂടുതല് ചിന്തിക്കാതെ സ്വതന്ത്രമായി കളിക്കാനാണ് ഇപ്പോള് ശ്രമിക്കുന്നതെന്ന് അദ്ദേഹം പറഞ്ഞിരുന്നു. നിലവിലെ ഇന്ത്യന് ബാറ്റിങ് നിരയില് മറ്റുള്ളവര്ക്കും മത്സരത്തിന്റെ സാഹചര്യം കൈകാര്യം ചെയ്യാന് കഴിയുമെന്ന വിശ്വാസമാണ് കൂടുതല് റിസ്ക് എടുക്കാന് തന്നെ സഹായിക്കുന്നതെന്നും കോലി വ്യക്തമാക്കിയിരുന്നു.
ഗില്ലിനും സെഞ്ചുറി
വെസ്റ്റ് ഇന്ഡീസിനെതിരായ ആദ്യ ഏകദിനത്തില് ഗില്ലും സെഞ്ചുറി നേടി. 108 പന്തില് 110 റണ്സെടുത്താണ് ഇന്ത്യന് ക്യാപ്റ്റന് പുറത്തായത്. പുറത്തായതിന് പിന്നാലെ മത്സരം അവസാനിപ്പിക്കുന്നതുവരെ ക്രീസില് തുടരാന് കഴിഞ്ഞിരുന്നെങ്കില് നന്നായേനെയെന്ന് ഗില് പ്രതികരിച്ചു. എങ്കിലും സ്വന്തം പ്രകടനത്തില് തൃപ്തനാണെന്നും അദ്ദേഹം പറഞ്ഞു.
English Summary
Shubman Gill explains why Virat Kohli has become more dangerous with the bat, highlighting the change in the veteran batter’s approach and freedom while playing.
