Kerala Blasters : ഇനി ഇതേ വഴി ഉള്ളൂ! കേരള ബ്ലാസ്റ്റേഴ്സിനെ ഞെട്ടിച്ച് മഞ്ഞപ്പടയുടെ തീരുമാനം
Manjappada Boycott Kerala Blasters Matches : ഇതുവരെ സീസണിൽ ആറ് മത്സരങ്ങൾ കളിച്ച കേരള ബ്ലാസ്റ്റേഴ്സ് ഒരു ജയം പോലെ സ്വന്തമാക്കിട്ടില്ല. ടീമിൻ്റെ ദയനീയ പ്രകടനത്തിൻ്റെ ഉത്തരവാദിത്വം ക്ലബിൻ്റെ സിഇഒയും സ്പോർട്ടിങ് ഡയറക്ടറും ഏറ്റെടുക്കണമെന്നാണ് കേരള ബ്ലാസ്റ്റേഴ്സിൻ്റെ ആരാധക കൂട്ടായ്മയായ മഞ്ഞപ്പട ആവശ്യപ്പെടുന്നത്.
ഐഎസ്എല്ലിൽ കേരള ബ്ലാസ്റ്റേഴ്സ് മത്സരങ്ങൾ ബഹിഷ്കരിക്കുമെന്ന് അറിയിച്ച് കബ്ലിൻ്റെ ആരാധക കൂട്ടായ്മയായ മഞ്ഞപ്പട. സീസണിലെ ടീമിൻ്റെ ദയനീയ പ്രകടനത്തിൽ പ്രതിഷേധിച്ചാണ് മഞ്ഞപ്പട ഇനി മത്സരങ്ങൾ ബഹിഷിക്കാൻ തീരുമാനമെടുത്തിരിക്കുവന്നത്. ടീമിൻ്റെ ഉയർച്ച താഴ്ചകളിൽ മഞ്ഞപ്പട കൂടെ ഉണ്ടായിരുന്നു, എന്നാൽ ക്ലബ് ഉടമകളുടെ കാഴ്ചപാടും ഉത്തരവാദിത്വമില്ലായ്മയുമാണ് ബഹിഷ്കരണത്തിലേക്ക് നയിച്ചിരിക്കുന്നതെന്ന് മഞ്ഞപ്പട തങ്ങളുടെ സോഷ്യൽ മീഡിയ പേജിലൂടെ അറിയിച്ചു. ഐഎസ്എൽ 2026 സീസൺ ആരംഭിച്ച് ആറ് മത്സരങ്ങൾ പൂർത്തിയായിട്ടും ബ്ലാസ്റ്റേഴ്സ് ഇതുവരെ ഒരു ജയം പോലും സ്വന്തമാക്കിട്ടില്ല.
ടീമിനെ തുടർ തോൽവിയിലേക്ക് നയിച്ചത് കാഴ്ചപാടില്ലാത്ത സിഇഒയുടെയും സ്പോർട്ടിങ് ഡയറ്കടറുടെയും നടപടികളാണ്. ഇതിൻ്റെ ഉത്തരവാദിത്വം ഇരുവരെ ഏറ്റെടുക്കണം. ആരാധകരോട് കാണിക്കുന്ന അവഗണന. ക്ലബിനെ ദയനീയ അവസ്ഥയിലേക്ക് നയിച്ചവർക്കെതിരെ നടപടി സ്വീകരിക്കുക എന്ന ലക്ഷ്യത്തോടെയാണ് ബഹിഷ്കരണത്തിന് ആഹ്വാനം ചെയ്തിരിക്കുന്നതെന്ന് മഞ്ഞപ്പട വ്യക്തമാക്കി. ഇനി ചർച്ച നടത്തി വാക്കുകളും വാഗ്ദാനങ്ങളും നൽകിയാലും തിരികെ വരില്ലെന്നും മഞ്ഞപ്പട കൂട്ടിച്ചേർത്തു.
ഇനിയുള്ള ബ്ലാസ്റ്റേഴ്സിൻ്റെ മത്സരത്തിൽ മഞ്ഞപ്പടയുടെ ബാനറുകളോ, ടിഫോ ഗ്യാലറിയിൽ ഉണ്ടാകില്ല. മഞ്ഞപ്പട വഴി മത്സരത്തിൻ്റെ ടിക്കറ്റുകൾ വിൽക്കില്ല. അതേസമയം വ്യക്തി താൽപര്യം അനുസരിച്ച് ആരാധകർക്ക് മത്സരങ്ങൾ കാണുന്നതിനെ മഞ്ഞപ്പട വിലക്കില്ല. എന്നാൽ അങ്ങനെയുള്ളവർ മഞ്ഞപ്പടയുടെ പേര് ഉപയോഗിക്കാൻ പാടില്ലെന്നും ആരാധകകൂട്ടായ്മ അറിയിച്ചു.
മഞ്ഞപ്പടയുടെ ഫേസ്ബുക്ക് പോസ്റ്റ്
വൈകി ആരംഭിച്ച ഐഎസ്എൽ സീസൺ തുടങ്ങി ആറ് മത്സരങ്ങൾ പിന്നിട്ടിട്ടും കേരള ബ്ലാസ്റ്റേഴ്സിന് ഇതുവരെ നേടാനായത് ഒരു പോയിൻ്റ് മാത്രമാണ്. ഇനി ബ്ലാസ്റ്റേഴ്സിന് മുന്നിൽ ഒരു ലക്ഷ്യം മാത്രമാണുള്ളത് റെലിഗേഷൻ ഏത് വിധേയനും ഒഴിവാക്കുക. ഡേവിഡ് കാറ്റലയെ മാറ്റി ആഷ്ലി വെസ്റ്റ്വുഡിനെ പുതിയ പരിശീലകനായി എത്തിച്ചുകൊണ്ട് ബ്ലാസ്റ്റേഴ്സ് മാനേജ്മെൻ്റ് ചില മാറ്റങ്ങൾ വരുത്തിട്ടുണ്ട്. എന്നാൽ ഇതൊന്നും ആരാധകരുടെ ആശങ്കയ്ക്ക് അറുതി വരുത്തില്ല.
