New UPI: ഗൂഗിൾപേ പൊട്ടും? യുപിഐയുമായി ആരും പ്രതീക്ഷിക്കാത്തൊരു കമ്പനി
Bsnl Pay Launch : നിലവിൽ, ലോഞ്ചിംഗ് തീയ്യതി കമ്പനി പ്രഖ്യാപിച്ചിട്ടില്ല. എന്നാൽ റിപ്പോർട്ടുകൾ പ്രകാരം 2025 ദീപാവലിയോടെ ഇത് വിപണിയിലെത്തുമെന്നാണ് സൂചന
New Upi Company
മുൻനിര യുപിഐ സേവനദാതാക്കൾക്ക് വെല്ലുവിളി ഉയർത്തി മറ്റൊരു ഇന്ത്യൻ കമ്പനി കൂടി ഉദയം കൊള്ളുകയാണ്. അപ്രതീക്ഷിതമായാണ് ഇത്തരമൊരു മാറ്റം ഉണ്ടായത്. സർക്കാർ ടെലികോം കമ്പനിയായ ബിഎസ്എൻഎൽ ആണ് പുതിയ യുപിഐ സേവനം ആരംഭിക്കാൻ ഒരുങ്ങുന്നത്. ഭീം ആപ്പ് വഴിയാണ് സേവനങ്ങൾ നടപ്പാക്കുന്നത്. എല്ലാത്തരം ഓൺലൈൻ പേയ്മെൻ്റുകളും ഇതുവഴി ഇനിമുതൽ സാധ്യമാകുമെന്നാണ് വിവരം.
ബിഎസ്എൻഎൽ പേ എപ്പോൾ ?
നിലവിൽ, ബിഎസ്എൻഎൽ പേയുടെ ലോഞ്ചിംഗ് തീയ്യതി കമ്പനി ഔദ്യോഗികമായി പ്രഖ്യാപിച്ചിട്ടില്ല. എന്നാൽ റിപ്പോർട്ടുകൾ പ്രകാരം 2025 ദീപാവലിയോടെ ഇത് വിപണിയിലെത്തുമെന്നാണ് സൂചന. എന്നാൽ ഇതിനായി പ്രത്യേക ആപ്പ് ഉണ്ടാകില്ല എന്നതാണ് പ്രത്യേകത. പകരം, ഈ സൗകര്യം ബിഎസ്എൻഎൽ സെൽഫ് കെയർ അപ്ലിക്കേഷനിൽ തന്നെ വാഗ്ദാനം ചെയ്യും. നിലവിൽ ബിഎസ്എൻഎൽ സെൽഫ് കെയർ ഉപയോഗിക്കുന്ന ഉപഭോക്താക്കൾക്ക് പുതിയ അപ്ലിക്കേഷൻ ഡൗൺലോഡ് ചെയ്യേണ്ടതില്ല.
പ്രതീക്ഷ
ബിഎസ്എൻഎൽ പേ വഴി ഉപയോക്താക്കൾക്ക് എല്ലാത്തരം ഓൺലൈൻ പേയ്മെൻ്റുകളും ലഭിക്കും. ഫോൺപേ, ഗൂഗിൾ പേ, പേടിഎം തുടങ്ങിയ വലിയ യുപിഐ ആപ്ലിക്കേഷനുകളിൽ നിലവിൽ ലഭ്യമായ അതേ പരിധി ഇതിന് ഉണ്ടായിരിക്കും. ഒപ്പം
• മൊബൈൽ റീചാർജ് & ബിൽ പേയ്മെന്റ്
• വൈദ്യുതി, വെള്ളം, ഗ്യാസ് ബില്ലുകൾ
• ഷോപ്പിംഗ് & ഫുഡ് പേയ്മെന്റ്
• യുപിഐ മണി ട്രാൻസ്ഫർ
ഈ സേവനം ബിഎസ്എൻഎല്ലിൻ്റെ ടെലികോം സേവനങ്ങളുമായി നേരിട്ട് ലിങ്കുചെയ്യുന്നതിനാൽ, ഉപയോക്താക്കൾക്ക് പണമടയ്ക്കുന്നത് കൂടുതൽ എളുപ്പമായിരിക്കും.
എന്തുകൊണ്ടാണ് ബിഎസ്എൻഎൽ പേ സ്പെഷ്യൽ?
അതിവേഗം വളരുകയാണ് ഇന്ത്യയുടെ യുപിഐ വിപണി . മിക്കവാറും എല്ലാ സ്മാർട്ട്ഫോൺ ഉപയോക്താക്കളും ചില യുപിഐ അപ്ലിക്കേഷനുകൾ ഉപയോഗിക്കുന്നു. ഇത്തരമൊരു സാഹചര്യത്തിൽ, ബിഎസ്എൻഎൽ അതിൻ്റെ ഉപയോക്താക്കൾക്ക് സുരക്ഷിതവും വിശ്വസനീയവുമായ പേയ്മെന്റ് ഓപ്ഷൻ നൽകാൻ ഒരുങ്ങുകയാണ്. സെൽഫ് കെയർ അപ്ലിക്കേഷനിലേക്കുള്ള അതിന്റെ സംയോജനം ഉപയോക്താക്കളെ ഒരൊറ്റ പ്ലാറ്റ്ഫോമിൽ റീചാർജുകൾ, ബിൽ പേയ്മെന്റുകൾ, യുപിഐ ഇടപാടുകൾ എന്നിവ ആക്സസ് ചെയ്യാൻ അനുവദിക്കും. ബിഎസ്എൻഎല്ലിന്റെ ഡിജിറ്റൽ ഓഫർ വർദ്ധിപ്പിക്കുകയും വൻകിട സ്വകാര്യ കമ്പനികൾക്ക് കടുത്ത മത്സരം നൽകുകയുമാണ് ഇതിൻ്റെ ലക്ഷ്യം.
