വി എസ് അച്യുതാനന്ദൻ

കേരള സംസ്ഥാനത്തിൻ്റെ 11-ാമത്തെ മുഖ്യമന്ത്രിയാണ് വേലിക്കകത്ത് ശങ്കരൻ അച്യുതാനന്ദൻ എന്ന എല്ലാവരുടെയും വിഎസ്. 1923ൽ തിരുവിതാംകൂറിലെ ആലപ്പുഴ പുന്നപ്രയിലാണ് വി എസ് അച്യുതാനന്ദൻ്റെ ജനനം. ട്രേഡ് യൂണിയൻ പ്രവർത്തനങ്ങളിലൂടെയാണ് വിഎസ് മുഖ്യധാര രാഷ്ട്രീയ പ്രവർത്തനത്തിലേക്കെത്തുന്നത്. ചെറുപ്രായത്തിൽ മാതാപിതാക്കളെ നഷ്ടപ്പെട്ട വി എസ് ഏഴ് ക്ലാസോടെ തൻ്റെ പഠനം അവസാനിപ്പിച്ച് കയർ ഫാക്ടറിയിൽ ജോലിക്ക് കയറുകയായിരുന്നു. 1940ലാണ് കമ്മ്യൂണിസ്റ്റ് പാർട്ടിയിൽ അംഗമായത്. ധിവാൻ സർ സിപി രാമസ്വാമിയ്ക്കെതിരെ പുന്നപ്രയിൽ സ്ഥാപിച്ച തൊഴിലാളികമ്പിൻ്റെ പ്രധാന ചുമതലക്കാരാനായിരുന്നു വി എസ്.

തുടർന്ന് താഴെക്കിടയിൽ നിന്നും പാർട്ടിയിൽ പ്രവർത്തിച്ച് 1980 സിപിഎം സംസ്ഥാന സെക്രട്ടറിയായി. ശേഷം 1986 മുതൽ 2009 പോളിറ്റ് ബ്യൂറോ അംഗാവുമായിരുന്നു. 1965ലാണ് ആദ്യമായി തിരഞ്ഞെടുപ്പ് രാഷ്ട്രീയത്തിലേക്ക് പ്രവേശിക്കുന്നത്. ആദ്യ പരീക്ഷണത്തിൽ തോറ്റെങ്കിലും പിന്നീട് അമ്പലപ്പുഴയിലും മാരാരിക്കുളത്തും വി എസായിരുന്നു താരം. ഇരു മണ്ഡലങ്ങളിലും ഓരോ തവണ തോറ്റപ്പോൾ വിഎസ് തൻ്റെ തട്ടകം മലമ്പുഴയിലേക്ക് മാറി.

15 വർഷമാണ് വിഎസ് പ്രതിപക്ഷ നേതാവിൻ്റെ കസേരയിൽ ഇരുന്നിട്ടുള്ളത്. എന്നാൽ 2006ൽ ഒരു മന്ത്രിസ്ഥാനം പോലും അലങ്കരിക്കാതെ വിഎസ് കേരളത്തിൻ്റെ 11-ാമത്തെ മുഖ്യമന്ത്രിയായി. 140 സീറ്റിൽ 96-ും നേടിയാണ് വിഎസിൻ്റെ നേതൃത്വത്തിൽ എൽഡിഎഫ് അധികാരത്തിലേറിയത്. കേരളത്തിൽ മുഖ്യമന്ത്രിയായി ചുമതലയേറ്റ് ഏറ്റവും പ്രായം കൂടി മുഖ്യമന്ത്രിയായിരുന്നു അദ്ദേഹം. അന്ന് 83 വയസായിരുന്നു.