UAE schools distance learning: യുഎഇയിൽ സ്കൂളുകൾക്ക് അവധി നീട്ടിയിട്ടില്ല; പ്രചരിക്കുന്നത് വ്യാജവാർത്ത
UAE schools distance learning Realed Fake news: ഓരോ ആഴ്ചയിലെയും സ്ഥിതിഗതികൾ മന്ത്രാലയം സൂക്ഷ്മമായി വിലയിരുത്തുന്നുണ്ട്. ഏപ്രിൽ 17-ന് ശേഷമുള്ള കാര്യങ്ങൾ അപ്പോഴത്തെ സാഹചര്യം അനുസരിച്ച് മാത്രമേ തീരുമാനിക്കൂ. പ്രാദേശികമായ ചില അസ്വാഭാവിക സാഹചര്യങ്ങളെത്തുടർന്ന് മാർച്ച് ആദ്യവാരമാണ് രാജ്യത്ത് ഓൺലൈൻ പഠനരീതി ആരംഭിച്ചത്. ഔദ്യോഗിക പ്ലാറ്റ്ഫോമുകളിലൂടെ മന്ത്രാലയം നൽകുന്ന വിവരങ്ങൾ മാത്രം പൊതുജനങ്ങൾ വിശ്വസിക്കണം.
പ്രതീകാത്മക ചിത്രം
ദുബായ്: യുഎഇയിലെ വിദ്യാലയങ്ങളിൽ വിദൂര വിദ്യാഭ്യാസം മേയ് ഒന്നു വരെ നീട്ടിയെന്ന തരത്തിൽ സമൂഹമാധ്യമങ്ങളിൽ പ്രചരിക്കുന്ന വാർത്തകൾ വിദ്യാഭ്യാസ മന്ത്രാലയം നിഷേധിച്ചു. ഇത്തരമൊരു തീരുമാനം കൈക്കൊണ്ടിട്ടില്ലെന്നും നിലവിലെ ക്രമീകരണങ്ങളിൽ മാറ്റമില്ലെന്നും മന്ത്രാലയം ഔദ്യോഗികമായി അറിയിച്ചു.
കഴിഞ്ഞ മാർച്ച് 30-ന് പുറത്തിറക്കിയ ഉത്തരവ് പ്രകാരം, ഈ മാസം ഏപ്രിൽ 17 വരെയാണ് രാജ്യത്തെ നഴ്സറികൾ, കിന്റർഗാർട്ടനുകൾ, സർക്കാർ-സ്വകാര്യ സ്കൂളുകൾ എന്നിവയ്ക്ക് വിദൂര വിദ്യാഭ്യാസം നിശ്ചയിച്ചിട്ടുള്ളത്. വിദ്യാർഥികളുടെയും അധ്യാപകരുടെയും മറ്റ് ജീവനക്കാരുടെയും സുരക്ഷ കണക്കിലെടുത്താണ് ഓൺലൈൻ പഠനരീതി നടപ്പിലാക്കിയത്. നിലവിൽ ഈ കാലാവധി നീട്ടുന്ന കാര്യത്തിൽ യാതൊരു തീരുമാനവും എടുത്തിട്ടില്ലെന്ന് അധികൃതർ വ്യക്തമാക്കി.
Also Read: Iran vs US: ഇറാനെ മുച്ചൂടും മുടിക്കും; ഹോര്മുസ് കടലിടുക്ക് തടയും; തീരുമാനിച്ചുറപ്പിച്ച് ട്രംപ്?
ഓരോ ആഴ്ചയിലെയും സ്ഥിതിഗതികൾ മന്ത്രാലയം സൂക്ഷ്മമായി വിലയിരുത്തുന്നുണ്ട്. ഏപ്രിൽ 17-ന് ശേഷമുള്ള കാര്യങ്ങൾ അപ്പോഴത്തെ സാഹചര്യം അനുസരിച്ച് മാത്രമേ തീരുമാനിക്കൂ. പ്രാദേശികമായ ചില അസ്വാഭാവിക സാഹചര്യങ്ങളെത്തുടർന്ന് മാർച്ച് ആദ്യവാരമാണ് രാജ്യത്ത് ഓൺലൈൻ പഠനരീതി ആരംഭിച്ചത്. ഔദ്യോഗിക പ്ലാറ്റ്ഫോമുകളിലൂടെ മന്ത്രാലയം നൽകുന്ന വിവരങ്ങൾ മാത്രം പൊതുജനങ്ങൾ വിശ്വസിക്കണം. വ്യാജ വാർത്തകൾ പ്രചരിപ്പിക്കുന്നത് ഒഴിവാക്കണം. കൃത്യമായ അറിയിപ്പുകൾക്കായി മന്ത്രാലയത്തിന്റെ ഔദ്യോഗിക ചാനലുകൾ ശ്രദ്ധിക്കുക എന്ന് വിദ്യാഭ്യാസ മന്ത്രാലയം
നിലവിൽ സ്വദേശത്തും വിദേശത്തുമുള്ള ആയിരക്കണക്കിന് വിദ്യാർത്ഥികൾ ഈ ഓൺലൈൻ സംവിധാനം പ്രയോജനപ്പെടുത്തുന്നുണ്ട്. ഏപ്രിൽ 17 വരെ നിലവിലുള്ള രീതി തന്നെ തുടരുമെന്നും അതിനുശേഷം മാറ്റങ്ങൾ ഉണ്ടെങ്കിൽ അറിയിക്കുമെന്നും മന്ത്രാലയം വീണ്ടും വ്യക്തമാക്കി.
