UAE Weather: യുഎഇയിൽ നാളെ മുതൽ മഴയ്ക്ക് സാധ്യത: വിവിധ ഇടങ്ങളിൽ അസ്ഥിര കാലാവസ്ഥ തുടരുമെന്ന് മുന്നറിയിപ്പ്
UAE to see scattered rain from today to Monday: മിക്കയിടങ്ങളിലും നേരിയതോ മിതമായതോ ആയ മഴയാണ് പ്രതീക്ഷിക്കുന്നത്. എന്നാൽ ചില പ്രദേശങ്ങളിൽ ശക്തമായ മഴയ്ക്കും സാധ്യതയുണ്ട്. വരും ദിവസങ്ങളിൽ ആകാശം മേഘാവൃതമായിരിക്കുമെന്നും പലയിടങ്ങളിലും മഴ ഇടവിട്ട് പെയ്യാമെന്നും കാലാവസ്ഥാ കേന്ദ്രം വ്യക്തമാക്കുന്നു. കാലാവസ്ഥാ മാറ്റം പെട്ടെന്നായിരിക്കുമെന്നതിനാൽ താഴ്ന്ന പ്രദേശങ്ങളിലും മഴ ശക്തമാകാൻ സാധ്യതയുള്ള ഇടങ്ങളിലും താമസിക്കുന്നവർ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.
അബുദാബി: പിൻവാങ്ങിയ മഴ യുഎഇയിൽ വീണ്ടും തിരികെ എത്തുന്നതായി റിപ്പോർട്ട്. നാളെ രാവിലെ മുതൽ തിങ്കളാഴ്ച വരെ രാജ്യത്തിന്റെ വിവിധ ഭാഗങ്ങളിൽ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. വരും ദിവസങ്ങളിൽ കാലാവസ്ഥയിൽ കാര്യമായ മാറ്റങ്ങളുണ്ടാകുമെന്നും അസ്ഥിരമായ കാലാവസ്ഥ തുടരുമെന്നുമാണ് റിപ്പോർട്ട്.
മിക്കയിടങ്ങളിലും നേരിയതോ മിതമായതോ ആയ മഴയാണ് പ്രതീക്ഷിക്കുന്നത്. എന്നാൽ ചില പ്രദേശങ്ങളിൽ ശക്തമായ മഴയ്ക്കും സാധ്യതയുണ്ട്. വരും ദിവസങ്ങളിൽ ആകാശം മേഘാവൃതമായിരിക്കുമെന്നും പലയിടങ്ങളിലും മഴ ഇടവിട്ട് പെയ്യാമെന്നും കാലാവസ്ഥാ കേന്ദ്രം വ്യക്തമാക്കുന്നു. കാലാവസ്ഥാ മാറ്റം പെട്ടെന്നായിരിക്കുമെന്നതിനാൽ താഴ്ന്ന പ്രദേശങ്ങളിലും മഴ ശക്തമാകാൻ സാധ്യതയുള്ള ഇടങ്ങളിലും താമസിക്കുന്നവർ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.
യാത്രക്കാരും വാഹനം ഓടിക്കുന്നവരും റോഡിലെ കാഴ്ചപരിധി കുറയാൻ സാധ്യതയുള്ളതിനാൽ അതീവ ശ്രദ്ധ പുലർത്തണം. വരും ദിവസങ്ങളിൽ മഴ തുടരുമെന്നതിനാൽ ഔദ്യോഗിക അറിയിപ്പുകൾ ശ്രദ്ധിക്കണമെന്നും അധികൃതർ അറിയിച്ചു. രാജ്യത്തിന്റെ വിവിധ ഭാഗങ്ങളിൽ മഴമേഘങ്ങൾ രൂപപ്പെടാൻ സാധ്യതയുള്ള ഒരു ന്യൂനമർദ്ദമാണ് ഈ കാലാവസ്ഥ മാറ്റത്തിന് പ്രധാന കാരണം.
മഴ ആസ്വദിക്കാനോ വെള്ളപ്പൊക്കം കാണാനോ വേണ്ടി താഴ്വരകൾക്കും അണക്കെട്ടുകൾക്കും സമീപം ഒത്തുകൂടുന്നത് നിരോധിച്ചിട്ടുണ്ട്. കൂടാതെ അടിയന്തര സേവന വാഹനങ്ങളുടെയോ ആംബുലൻസുകളുടെയോ വഴി തടസ്സപ്പെടുത്തുന്നത് വലിയ കുറ്റമാണ്.
