8th Pay Commission: നഴ്സുമാരുടെ ശമ്പളം കൂടുമോ? എട്ടാം ശമ്പള കമ്മീഷനിൽ നിർണ്ണായക ആവശ്യങ്ങളുമായി NWA
8th Pay Commission Updates, Central Government Nurses Demands: എട്ടാം ശമ്പള കമ്മീഷനിൽ വൻ ശമ്പള വർദ്ധനവാണ് പ്രതീക്ഷിക്കുന്നത്. ഇന്ത്യയിലുടനീളമുള്ള കേന്ദ്ര സർക്കാർ ആശുപത്രികളിലെ നഴ്സുമാരെ പ്രതിനിധീകരിച്ച് നഴ്സസ് വെൽഫെയർ അസോസിയേഷൻ സെപ്റ്റംബർ 18 വെള്ളിയാഴ്ച ചണ്ഡീഗഡിൽ വെച്ച് എട്ടാം ശമ്പള കമ്മീഷൻ പ്രതിനിധികളുമായി കൂടിക്കാഴ്ച നടത്തിയിരുന്നു.
എട്ടാം ശമ്പള കമ്മീഷനുമായി ബന്ധപ്പെട്ടുള്ള പ്രവർത്തനങ്ങൾ സജീവമായി പുരോഗമിക്കുകയാണ്. അടിസ്ഥാന ശമ്പളം, ഫിറ്റ്മെന്റ് ഫാക്ടർ, ഫാമിലി യൂണിറ്റ് തുടങ്ങിയവ സംബന്ധിച്ച് ജീവനക്കാരുടെ സംഘടനകൾ തങ്ങളുടെ ആവശ്യങ്ങൾ കമ്മീഷനെ അറിയിച്ചിട്ടുണ്ട്. എട്ടാം ശമ്പള കമ്മീഷനിൽ വൻ ശമ്പള വർദ്ധനവാണ് പ്രതീക്ഷിക്കുന്നത്. ഇന്ത്യയിലുടനീളമുള്ള കേന്ദ്ര സർക്കാർ ആശുപത്രികളിലെ നഴ്സുമാരെ പ്രതിനിധീകരിച്ച് നഴ്സസ് വെൽഫെയർ അസോസിയേഷൻ (NWA) സെപ്റ്റംബർ 18 വെള്ളിയാഴ്ച ചണ്ഡീഗഡിൽ വെച്ച് എട്ടാം ശമ്പള കമ്മീഷൻ പ്രതിനിധികളുമായി കൂടിക്കാഴ്ച നടത്തിയിരുന്നു. ഉയർന്ന അടിസ്ഥാന ശമ്പളം, നൈറ്റ് ഡ്യൂട്ടി അലവൻസ്, സമഗ്രമായ ഇൻഷുറൻസ് കവറേജ്, പഴയ പെൻഷൻ പദ്ധതിയുടെ പുന:സ്ഥാപനം എന്നിവ ഉൾപ്പെടെ നിരവധി പ്രധാന ആവശ്യങ്ങളാണ് അസോസിയേഷൻ കമ്മീഷന് മുന്നിൽ അവതരിപ്പിച്ചത്.
NWA-യുടെ പ്രധാന ആവശ്യങ്ങൾ
ഉയർന്ന എൻട്രി ലെവൽ ശമ്പളം
മിലിട്ടറി നഴ്സിങ് സർവീസിന് (MNS) തുല്യമായി നഴ്സിങ് ഓഫീസർമാർക്ക് ലെവൽ 10 അടിസ്ഥാന ശമ്പളം നൽകണമെന്ന് NWA ആവശ്യപ്പെട്ടിട്ടുണ്ട്. വിദ്യഭ്യാസ യോഗ്യത ജി.എൻ.എമ്മിൽ നിന്ന് ബി.എസ്.സി നഴ്സിങ്ങിലേക്ക് ഉയർത്തിയതും, നഴ്സുമാരുടെ ചുമതലകൾ വിപുലീകരിച്ചതും കണക്കിലെടുത്താണ് ഈ ആവശ്യമെന്ന് സംഘടന വ്യക്തമാക്കി.
നൈറ്റ് ഷിഫ്റ്റ് അലവൻസ്
കഠിനമായ ജോലി സമയ ക്രമങ്ങൾക്ക് നഷ്ടപരിഹാരമായി എല്ലാ നഴ്സിങ് ജീവനക്കാർക്കും പ്രത്യേകം നൈറ്റ് ഡ്യൂട്ടി അലവൻസ് നടപ്പിലാക്കണമെന്ന് കമ്മീഷനോട് ശുപാർശ ചെയ്തു.
ALSO READ: പത്തല്ല, ഓരോ 5 വർഷത്തിലും ശമ്പളം കൂടും! സർക്കാർ ജീവനക്കാർക്ക് പ്രതീക്ഷയേറെ
ഹസാർഡ് പേ(Hazardous Conditions Pay)
നഴ്സിങ് ജോലിയുടെ വെല്ലുവിളികൾ നിറഞ്ഞ സ്വഭാവം പരിഗണിച്ച്, അപകടസാധ്യതയും കഠിനാധ്വാനവും ഏറിയ മേഖലകൾക്കുള്ള R1H1 മടങ്ങ് പ്രകാരമുള്ള റിസ്ക് ആന്റ് ഹാർഡ്ഷിപ്പ് അലവൻസ് നഴ്സുമാർക്കും അനുവദിക്കണമെന്നതാണ് മറ്റൊരു ആവശ്യം.
സമഗ്ര ഇൻഷുറൻസ് പരിരക്ഷ
ആരോഗ്യപരമായ അപകടസാധ്യതകൾ നേരിടുന്ന പശ്ചാത്തലത്തിൽ, കോവിഡ്-19 കാലത്തെ ആശ്വാസ നടപടികൾക്ക് സമാനമായി എല്ലാ ആരോഗ്യ പ്രവർത്തകർക്കും ടേം ഇൻഷുറൻസും ഹെൽത്ത് ഇൻഷുറൻസ് പരിരക്ഷയും ഉറപ്പാക്കണം.
മറ്റ് അലവൻസുകൾ മൂന്നിരട്ടിയാക്കുക
നിലവിലുള്ള നഴ്സിങ്, ഡ്രസ്സ്, മറ്റ് പ്രത്യേക അലവൻസുകൾ നിലനിർത്തണമെന്നും, അവയുടെ തുക നിലവിലുള്ളതിന്റെ മൂന്നിരട്ടിയായിഉയർത്തണമെന്നും അസോസിയേഷൻ ആവശ്യപ്പെട്ടു.
ഉപരിപഠന യോഗ്യതാ അലവൻസ്
പ്രൊഫഷണൽ വളർച്ച പ്രോത്സാഹിപ്പിക്കുന്നതിനായി, ഉയർന്ന യോഗ്യതകൾ നേടുന്ന നഴ്സുമാർക്ക് പ്രത്യേക യോഗ്യതാ അലവൻസുകൾ തുടരണമെന്ന് ശുപാർശ ചെയ്തിട്ടുണ്ട്.
പഴയ പെൻഷൻ പദ്ധതി (OPS) പുന:സ്ഥാപിക്കുക
മറ്റ് സിവിൽ സർവീസ് സംഘടനകളുടെ ആവശ്യങ്ങൾക്ക് പിന്തുണ പ്രഖ്യാപിച്ച്, നിലവിലെ പെൻഷൻ സംവിധാനത്തിന് പകരം പഴയ പെൻഷൻ പദ്ധതി തിരിച്ചുകൊണ്ടുവരണമെന്ന് NWA ശക്തമായി വാദിക്കുകയും ചെയ്തു.
English Summary:
Nurses Welfare Association, representing nurses in central government hospitals, has submitted key demands to the 8th Pay Commission. The association has sought Level 10 entry-level pay for nursing officers, citing higher educational qualifications and increased responsibilities, along with a dedicated night-duty allowance.
