Chicken Price: കോഴിയിറച്ചി ആവോളം കഴിച്ചോളൂ, വില കുറഞ്ഞു; ഇനി കൂടുമോ?
Kerala Chicken Prices Drop as Heat Wave and LPG Crisis Hit Market: നിലവില് കേരളത്തിലെ പല ഹോട്ടലുകളും പാചകവാതകം അധികം ആവശ്യമില്ലാത്ത ഭക്ഷണസാധനങ്ങളാണ് കൂടുതലായി പാകം ചെയ്യുന്നത്. നിയന്ത്രണങ്ങള് ഏര്പ്പെടുത്തിയത് കോഴി വിഭവങ്ങള് കുറയ്ക്കാന് വഴിയൊരുക്കി. എല്പിജി വിതരണം തടസങ്ങളില്ലാതെ തുടരുന്നുണ്ടെന്ന് സര്ക്കാര് പറയുന്നുണ്ടെങ്കിലും, പല ഹോട്ടലുകളും ക്ഷാമം നേരിടുന്നുണ്ട്.
പ്രതീകാത്മക ചിത്രം
വേനല്ച്ചൂടില് വലഞ്ഞ് കോഴി കര്ഷകര്. കേരളത്തില് കോഴിയിറച്ചിയുടെ വില താഴോട്ടിറങ്ങുന്നു. കഴിഞ്ഞ ഒരാഴ്ചയ്ക്കിടെ കോഴിവിലയില് സംഭവിച്ചത് റെക്കോഡ് ഇടിവ്. പാചകവാതക വിതരണത്തില് നേരിടുന്ന പ്രതിസന്ധിയും വിലയിടിവിന് കാരണമാകുന്നുണ്ട്. പാചകവാതകം കിട്ടാനില്ലാതെ വന്നതോടെ സംസ്ഥാനത്തെ പല ഹോട്ടലുകളും അടച്ചുപൂട്ടി. ഇത് കോഴിയുടെ ഡിമാന്ഡ് കുറച്ചു.
നിലവില് കേരളത്തിലെ പല ഹോട്ടലുകളും പാചകവാതകം അധികം ആവശ്യമില്ലാത്ത ഭക്ഷണസാധനങ്ങളാണ് കൂടുതലായി പാകം ചെയ്യുന്നത്. നിയന്ത്രണങ്ങള് ഏര്പ്പെടുത്തിയത് കോഴി വിഭവങ്ങള് കുറയ്ക്കാന് വഴിയൊരുക്കി. എല്പിജി വിതരണം തടസങ്ങളില്ലാതെ തുടരുന്നുണ്ടെന്ന് സര്ക്കാര് പറയുന്നുണ്ടെങ്കിലും, പല ഹോട്ടലുകളും ക്ഷാമം നേരിടുന്നുണ്ട്.
വേനല്ച്ചൂടും വില്ലനായി
എല്പിജി ക്ഷാമത്തിന് പുറമെ വേനല്ച്ചൂട് കനത്തതും കോഴിയുടെ ഡിമാന്ഡ് കുറച്ചിട്ടുണ്ട്. ചൂട് വര്ധിക്കുന്നതോടെ കോഴി ഉള്പ്പെടെയുള്ള ഇറച്ചികളോട് ആളുകള് വിമുഖത കാണിക്കുന്നത് സാധാരണമാണ്. ഡിമാന്ഡ് കുറയുന്നതിനൊപ്പം ഉയര്ന്ന ചൂടില് കോഴികള് ചത്തൊടുങ്ങാനും തുടങ്ങിയത് കര്ഷകര്ക്ക് തിരിച്ചടിയാകുന്നു.
Also Read: Chicken Price Hike: പിടിവിട്ട് കോഴി ഇറച്ചി; വില 300നടുത്ത്
മാര്ച്ച് മാസത്തിന്റെ അവസാനത്തോടെ 200 രൂപ വരെ വിലയുണ്ടായിരുന്ന ഒരു കിലോ കോഴിയിറച്ചിക്ക് നിലവില് 110,100 എന്നിങ്ങനെയാണ് വില. എന്നാല് സംസ്ഥാനത്തിന്റെ ചിലഭാഗങ്ങളില് 100 രൂപയ്ക്ക് താഴെയും വില ഈടാക്കുന്നുണ്ട്. ഇത് ഇനിയും കുറഞ്ഞേക്കുമെന്നാണ് കര്ഷകരുടെ വിലയിരുത്തല്.
അതേസമയം, 2026ന്റെ തുടക്കത്തില് റെക്കോഡ് വിലയിലായിരുന്നു കോഴി വില്പന. പുതുവത്സരവും ക്രിസ്തുമസും കഴിഞ്ഞിട്ടും 300 രൂപയ്ക്ക് മുകളിലായിരുന്നു കോഴിവില. പിന്നീട് നടന്ന സമരങ്ങളുടെ ഉള്പ്പെടെ അടിസ്ഥാനത്തിലാണ് വില കുറഞ്ഞത്.
